జియో ఫైబర్ వచ్చేస్తోంది, స్పీడ్‌లో ఏ మార్పు లేదు !

డీల్‌

ఇదిలా ఉంటే జియోకు, ఆర్‌కామ్‌కు మధ్య జరుగుతున్న ఈ డీల్‌లో ఆర్‌కామ్‌కు చెందిన 850, 900, 1800, 2100 మెగాహెడ్జ్‌ బ్యాండ్స్‌లో 122.4 యూనిట్ల 4జీ ఎయిర్‌వేవ్స్‌ను జియో కొనుగోలు చేస్తోంది.

1,78,000 కిలోమీటర్ల ఫైబర్‌, 43వేల టవర్లు..

1,78,000 కిలోమీటర్ల ఫైబర్‌, 43వేల టవర్లు ఈ డీల్లో భాగం కానున్నాయి. ఇప్పటికే వైర్‌లెస్‌ మార్కెట్‌లో తనదైన ముద్ర వేసుకున్న జియో, 1,78,000 కిలీమీటర్లకు పైగా ఫైబర్‌ నెట్‌వర్క్‌తో భవిష్యత్తులో టెలికాం దిగ్గజాలకు భారీ షాక్ ఇవ్వనుందని వార్తలు వస్తున్నాయి.

3,00,000 కిలోమీటర్ల ఫైబర్‌ నెట్‌వర్క్‌ ..

జియోకి ఇప్పటి వరకు 3,00,000 కిలోమీటర్ల ఫైబర్‌ నెట్‌వర్క్‌ ఉందని రిపోర్టులు తెలియజేస్తున్నాయి. గ్రామ గ్రామాలకు జియోని విస్తరించాలంటే మరింత పైబర్ నెట్ వర్క్ అవసరం ఎంతైనా ఉంది.

ఆర్‌కామ్‌ ఫైబర్‌ నెట్‌వర్క్‌..

ఇప్పుడు ఆర్‌కామ్‌ ఫైబర్‌ నెట్‌వర్క్‌ను దక్కించుకున్న అనంతరం ఎక్కువ ప్రాంతాల్లో, చాలా వేగవంతంగా దీన్ని లాంచ్‌ చేయడానికి వీలవుతుందని టెక్‌ వర్గాలు తెలిపాయి.

100 ఎంబీపీఎస్ స్పీడుతో ..

ఉచితంగా మూడు నెలల ట్రయల్‌ నేపథ్యంలో జియో ఎంపికచేసిన ప్రాంతాల్లో జియోఫైబర్‌ను అందుబాటులో ఉంచింది. జియోఫైబర్ ద్వారా కనీసం 100 ఎంబీపీఎస్ స్పీడుతో ఇంటర్నెట్‌ను వాడుకోవచ్చు.