JioFiber బంపర్ ఆఫర్!! లాంగ్ టర్మ్ ప్లాన్‌లపై 30 రోజుల అదనపు వాలిడిటీ...

JioFiber దీర్ఘకాలిక ప్లాన్లతో అదనపు వాలిడిటీ

జియోఫైబర్ బ్రాడ్‌బ్యాండ్ అందించే దీర్ఘకాలిక ప్లాన్ లను పొందే వినియోగదారులు ఇప్పుడు అదనంగా ఒక నెల పాటు సేవలను ఉచితంగా పొందవచ్చు. సంస్థ అందించే ప్రతి ప్లాన్ లో ఈ అదనపు వాలిడిటీ ప్రయోజనం వర్తిస్తుంది. ఒక సంవత్సరం పాటు ఏదైనా ప్లాన్ ను ఎంచుకునే వినియోగదారులు ఇప్పుడు అదనంగా 30 రోజులపాటు ప్లాన్ యొక్క అన్ని సేవలను ఉచితంగా పొందవచ్చు. ఇంకా 6నెలలు లేదా సెమీ వార్షిక వాలిడిటీతో ఏదైనా ప్లాన్ ను కొనుగోలు చేసే వినియోగదారులు 15 రోజులపాటు అన్ని రకాల సేవలను ఉచితంగా పొందటానికి అర్హులు అవుతారు.

జియోఫైబర్ బ్రాడ్‌బ్యాండ్ వినియోగదారులు ఇప్పుడు ఏదైనా ఒక ప్లాన్ ను ఒక సంవత్సరం చెల్లుబాటుతో కొనుగోలు చేస్తే వారికి ఆ ప్లాన్ యొక్క ప్రయోజనం 360 రోజులు + 30 రోజులు ఉచితం విధంగా ప్యాక్ చేయబడి అందిస్తుంది. అలాగే 6నెలలు లేదా సెమీ వార్షిక వాలిడిటీతో ఏదైనా ప్లాన్ ను ఎంచుకుంటే కనుక వారికి ప్లాన్ ప్రయోజనాలు 180 రోజులు + 15 రోజులు ఉచితం విదంగా అందించబడుతుంది. అయితే ప్లాన్ యొక్క ఇతర అన్ని ప్రయోజనాలు ఒకే విధంగా ఉంటాయి.

జియోఫైబర్ వినియోగదారులు బ్రాడ్‌బ్యాండ్ యొక్క ఏదైనా ప్లాన్ ను లాంగ్ టర్మ్ వాలిడిటీతో ఎంచుకుంటే కనుక వారికి ప్లాన్ యొక్క నెలవారీ ఖర్చును గణనీయంగా తగ్గిస్తుంది. ఉదాహరణకు 30Mbps వేగంతో లభించే ప్లాన్‌ను వార్షిక వాలిడిటీతో ఎంచుకునే వినియోగదారులు వన్‌టైమ్ చెల్లింపుగా రూ.5,694 చెల్లించవలసి ఉంటుంది. దీని అర్థం వినియోగదారుడికి నెలసరి వ్యయం రూ.474. అయితే ఈ అదనపు ఒక నెలతో ప్లాన్ యొక్క నెలవారీ ఖర్చు రూ.438 కు తగ్గించబడుతుంది.

దీర్ఘకాలిక ప్లాన్ లపై అదనపు వాలిడిటీ అనేది JioFiber నుండి లభించే ఒక అద్భుతమైన ప్రయోజనం. ఈ ఆఫర్ ఎంతకాలం ఉంటుందనే దానిపై కంపెనీ ఇంకా ఎటువంటి వివరాలను విడుదల చేయలేదు కాబట్టి మీకు ఇష్టమైన ప్లాన్ ను అన్ని రకాల ప్రయోజనాలతో తక్కువ ధర వద్ద పొందడానికి ఇదే సరైన సమయం. జియో యొక్క తన తాజా ఆఫర్ కు మంచి స్పందన లభిస్తే కనుక దీర్ఘకాలిక ప్లాన్ ల మీద ఈ ఆఫర్ పొడిగించే అవకాశం ఉంటుందని మేము ఆశిస్తున్నాము. ఏదేమైనా వార్షిక ప్లాన్ లేదా సెమీ వార్షిక ప్లాన్ లను ఎంచుకోవడానికి ఎవరినైనా ప్రేరేపించడానికి ఈ అదనపు వాలిడిటీ సరిపోతుందా?