ఫేస్‌బుక్ వ్యసనాన్ని తగ్గించే కీబోర్డ్!

వారంలో 50 గంటల పాటు ఫేస్‌బుక్‌కు అతుక్కుపోతున్నారా..?, ఫేస్‌బుక్ వినియోగం ఓ వ్యసనంలా మారిందా...?, మీ మితిమీరిన సోషల్ నెట్‌వర్కింగ్ అలవాటును పరిధిలో ఉంచేందుకు ఎమ్ఐటీలో డాక్టరేట్ పట్టా పొందిన ఇద్దరు వ్యక్తులు ఓ సరికొత్త కీబోర్డును సృష్టించారు. మీ ఫేస్‌బుక్ వినియోగం శృతిమించినట్ల ఈ కీబోర్డ్ గుర్తించినట్లయితే ప్రమాదరహితమైన షాక్‌లను కలగజేస్తుంది. దింతో కీబోర్డు పై వేళ్లు పెట్టేందుకు ఎవరైనా జంకాల్సిందే.

యువతలో మితిమీరుతున్న ఫేస్‌‍బుక్ వినియోగాన్ని తగ్దించే క్రమంలో ఎమ్ఐటీ డాక్టరేట్ అభ్యర్థులైన రాబర్ట్ ఆర్.మోరిస్ ఇంకా డాన్ మెక్‌డఫ్‌లు సరికొత్త కీబోర్డు డివైజ్‌ను రూపొందించారు. ఈ కీబోర్డ్ డివైజ్ మీరు అధికంగా శోధించే వెబ్‌సైట్‌లను పర్యవేక్షిస్తుంది. వాటి పై మీ వినియోగం శృతిమించిన పక్షంలో ఆన్-స్ర్కీన్ అలర్ట్ సిగ్సళ్లు కీబోర్డుకు చేరి ఓ రకమైన షార్ట్ సర్క్యూట్‌ను మీ చేతి వేళ్లకు కలగజేస్తాయి. దీంతో కొంత సేపటి వరకు మీరు ఆ వైబ్‌సైట్‌లో కార్యకలాపాలు సాగించలేరు. ఈ ప్రత్యేకమైన కీబోర్డు పనితీరుకు సంబంధించిన మరిన్ని వివరాలను క్రింది జత చేసిన వీడియోలో చూడొచ్చు.