సర్వోత్తమ సిటీ.. ఎటూ చూసినా గ్రీనరీ..తప్పుకునేందుకు ఖాళీ లేని ట్రాఫిక్... రింగు రింగుల ఫ్లై ఓవర్లు... దిమ్మ తిరిగే భవంతులు.. కల లాంటి నిజం బెంగుళూరు సొంతం.. అవును గ్రీన్ సిటీ బెంగుళూరు దేశంలోని ఉత్తమ నగరాల్లో ఒకటి.. ఈ ప్రదేశంలో కొత్త మనుషులు అలవోకగా తప్పిపోయేందుకు ఆస్కారం ఉంటుంది.
ఇటువంటి వారి సహాయార్ధం లాట్‌లాంగ్ అనే ఎస్ఎమ్ఎస్ సర్వీస్‌ను ఇక్కడ ప్రారంభించారు. ఈ మహానగరంలో దారి తప్పిన వ్యక్తులు 9008890088కి ఎస్ఎమ్ఎస్ చేస్తే చాలు. వారి మార్గం సుగమమైనట్లే. జీపీఎస్ వ్యవస్థ కేవలం స్మార్ట్‌ఫోన్‌లకే పరిమితమైన నేపధ్యంలో, సాధారణ హ్యాండ్ సెట్ యూజర్లకు ఈ సర్వీస్ మరింత ఉపయుక్తంగా నిలవనుంది.
బేసిక్ ఫోన్ వినియోగిస్తున్న వినియోగదారులు ఎస్ఎమ్ఎస్ పంపాల్సిన విధానం:
ఉదాహరణకు మీరు జయనగర్ 4th బ్లాక్ నుంచి ఎంజీ రోడ్‌కు చేరుకోవాలి. అప్పడు మీరు చేయ్యాల్సిన ఎస్ఎమ్ఎస్ విధానం ఈ విధంగా ఉండాలి. Jayanagar 4th Block To MG Road అని 90089008కి పంపితే చాలు మీరు ఎంజీ రోడ్ చేరుకునేంత వరకు ఫోన్‌లో డైరెక్షన్స్ వస్తునే ఉంటాయి. .
రెస్టారెంట్స్, సినిమా హాల్స్, పెట్రోల్ బంక్స్, ఏటీఎమ్ సెంటర్లను కనుగొనేందుకు ఈ సర్వీస్ ఉపయోగపడుతుంది. ఈ సేవను ఎవరైన సరే ఉచితంగా వినియోగించుకోవచ్చు. నెట్‌వర్క్ సరైనదై ఉండాలి. ఈ సారి బెంగుళూరు వచ్చినప్పుడు ఈ సేవను తప్పకుండా వినియోగించుకుంటారు కదూ!!!
