రూ.1299 ధరకే 40 గంటల బ్యాటరీ లైఫ్‌, ANC, ENC ఫీచర్‌లో నెక్‌బ్యాండ్‌.. సేల్‌!

లావా సంస్థ భారత్‌ మార్కెట్‌ లో ఇటీవలే లావా షార్క్ 2 స్మార్ట్‌ఫోన్‌ ను లాంచ్ చేసింది. రూ.6999 ధరకు అందుబాటులోకి తీసుకొచ్చింది. అయితే తాజాగా లావా నెక్‌బ్యాండ్‌ ను విడుదల చేసింది. ANC ఫీచర్‌ ను సపోర్టు చేస్తుంది. తక్కువ ధరలోనే తీసుకొచ్చింది. లావా ప్రోబడ్స్‌ N33 నెక్‌బ్యాండ్ పేరుతో విడుదల చేసింది. ఈ నెక్‌బ్యాండ్ స్పెసిఫికేషన్లు, ఫీచర్‌లు, ధర వివరాలు.

లావా ప్రోబడ్స్‌ N33 నెక్‌బ్యాండ్‌ సౌకర్యంగా ఉంటుందని సంస్థ చెబుతోంది. మెరుగైన పనితీరును కూడా అందిస్తుందని చెబుతోంది. ఈ నెక్‌బ్యాండ్ మెటాలిక్‌ ఫినిష్‌ తో అందుబాటులోకి వచ్చింది. మరియు డిజైన్‌ పరంగానూ ఆకట్టుకొనే అవకాశం ఉంది.

లావా నెక్‌బ్యాండ్‌ 13mm డైనమిక్ బాస్‌ డ్రైవర్లను కలిగి ఉంది. ఈ నెక్‌బ్యాండ్‌ డీప్‌ బాస్‌ తో (Deep Bass) కూడిన మెరుగైన ఆడియోను అందిస్తుందని చెబుతోంది. కాలింగ్‌, మ్యూజిక్, గేమింగ్‌ సమయాల్లో సౌకర్యంగా వినియోగించుకోవచ్చని లావా చెబుతోంది.

లావా ప్రోబడ్స్‌ N33 ఇయర్‌బడ్స్‌ 30dB ANC ( యాక్టివ్ నాయిస్‌ క్యాన్సిలేషన్‌ ) ను సపోర్టును కలిగి ఉంది. ఇందులో ట్రాన్స్‌పరెన్సీ మోడ్ కూడా ఉంటుంది. దీంతోపాటు ENC ( ఎన్విరాన్‌మెంటల్‌ నాయిస్ క్యాన్సిలేషన్ ) ఫీచర్‌ కూడా ఉంది. కాలింగ్‌ సహా ఇతర సమయాల్లో ఈ ఫీచర్లు ఉపయోగపడతాయి.

ప్రో గేమ్‌ మోడ్‌ :
గేమింగ్‌ సమయంలో ఈ నెక్‌బ్యాండ్‌ ప్రో గేమ్‌ మోడ్‌ (Pro Game Mode) పనితీరు ఆకట్టుకుంటుందని లావా చెబుతోంది. 45ms లో లేటెన్సీ ను అందిస్తుంది. ఈ నెక్‌బ్యాండ్‌ మాగ్నటిక్ హాల్‌ స్విచ్‌ ను కలిగి ఉంటుంది. దీని ద్వారా సులభంగా పవర్‌ ఆన్‌ లేదా ఆఫ్ చేయవచ్చు. దీంతోపాటు మ్యూజిక్‌, కాల్స్‌, వాల్యూమ్‌ ను కంట్రోల్‌ చేయడానికి ప్రత్యేక బటన్‌ లు కలిగి ఉంటాయి.

3000mAh బ్యాటరీ :
లావా నెక్‌బ్యాండ్‌ 300mAh బ్యాటరీని కలిగి ఉంది. ఒక్కసారి ఛార్జింగ్‌ చేసి గరిష్ఠంగా 40 గంటల వరకు ( ANC Off ) బ్యాటరీ లైఫ్‌ ను పొందవచ్చు. అదే ANC ఫీచర్‌ ను ఉపయోగిస్తుంటే, 30 గంటల బ్యాటరీ లైఫ్‌ ను అందిస్తుందని లావా తెలిపింది.

ఈ ఇయర్‌బడ్స్ ను పూర్తిగా ఛార్జింగ్‌ చేసేందుకు సుమారు గంట సమయం పడుతుందని సంస్థ తెలిపింది. అయితే 10 నిమిషాల ఛార్జింగ్‌ తో 10 గంటల వరకు ప్లేబ్యాక్‌ టైమ్‌ (Playback time) ను పొందవచ్చని చెబుతోంది.

నెక్‌బ్యాండ్‌ ధర, సేల్‌ వివరాలు :
లావా ప్రోబడ్స్ N33 నెక్‌బ్యాండ్ ధర రూ.1299 గా ఉంది. ప్రస్తుతం లావా అన్‌లైన్‌ స్టోర్‌ లు, రిటైల్‌ స్టోర్స్‌ లో కొనుగోలు చేయవచ్చు. ఈ బడ్స్‌ ఒబ్సిడియన్ బ్లాక్‌, కాస్మిక్ టీల్‌ గ్రీన్‌ కలర్‌ వేరియంట్స్‌ లో లభిస్తుంది. డ్యూయల్‌ డివైజ్‌ పెయిరింగ్, బ్లూటూత్ 5.4 ఫీచర్‌ లను సపోర్టు చేస్తుంది. IPX5 రేటింగ్‌ తో చెమట, స్ల్పాష్‌ నుంచి ప్రొటెక్షన్‌ ఇస్తుంది.