బడ్జెట్ ధరలో కొత్త స్మార్ట్‌ఫోన్‌లను లాంచ్ చేసిన LAVA కంపెనీ!! చైనా బ్రాండ్లకు చుక్కెదురు

లావా Z సిరీస్ కొత్త స్మార్ట్‌ఫోన్‌ల ధరల వివరాలు

భారతదేశంలో లావా Z1 యొక్క సింగిల్ 2GB ర్యామ్ + 16GB స్టోరేజ్ వేరియంట్‌ యొక్క ధర రూ.5,499 కాగా లావా Z2 యొక్క 2GB ర్యామ్ + 32GB స్టోరేజ్ కాన్ఫిగరేషన్‌ ధర రూ.6,999, లావా Z4 యొక్క 4GB ర్యామ్ + 64GB స్టోరేజ్ వేరియంట్‌ ధర రూ.8,999 మరియు చివరిగా టాప్-ఆఫ్-ది-లైన్ లావా Z6 యొక్క 6GB RAM + 64GB స్టోరేజ్ కాన్ఫిగరేషన్ యొక్క ధర రూ.9,999. లభ్యత విషయానికి వస్తే లావా Z2, లావా Z4, మరియు లావా Z6 ఫోన్‌లు జనవరి 11 నుంచి అందుబాటులోకి రాగా లావా Z1 జనవరి 26 నుండి కొనుగోలు చేయడానికి దేశంలోని ఇ-స్టోర్ మరియు ఆఫ్‌లైన్ రిటైలర్ల ద్వారా అందుబాటులోకి వస్తుంది.

లావా Z1 మీడియాటెక్ హెలియో స్పెసిఫికేషన్స్

మొట్టమొదటి డిజైన్-ఇన్-ఇండియా స్మార్ట్‌ఫోన్‌గా విడుదల అయిన లావా Z1 డ్యూయల్ సిమ్ (నానో) స్లాట్ కలిగి ఉండి మిలిటరీ-గ్రేడ్ బిల్డ్‌తో పాటు కార్నింగ్ గొరిల్లా గ్లాస్ 3 రక్షణతో 5 అంగుళాల డిస్ప్లేను కలిగి ఉంటుంది. ఈ ఫోన్‌ మీడియాటెక్ హెలియో A20 Socతో రన్ అవుతూ 2GB ర్యామ్ తో జతచేయబడి వస్తుంది. ఈ ఫోన్ వెనుక భాగంలో 5 మెగాపిక్సెల్ సింగిల్ కెమెరా సెన్సార్ మరియు ముందు భాగంలో 5 మెగాపిక్సెల్ సెల్ఫీ కెమెరా సెన్సార్‌ను కలిగి ఉంటుంది. ఇది 16GB స్టోరేజ్ ను కలిగి ఉండడమే కాకుండా ఐదు-మాగ్నెట్ స్పీకర్‌ను కలిగి ఉండి 3,100mAh బ్యాటరీతో ప్యాక్ చేయబడి వస్తుంది.

లావా Z2 ఆండ్రాయిడ్ 10 స్పెసిఫికేషన్స్

లావా జెడ్ 2 ఆండ్రాయిడ్ 10 (గో ఎడిషన్) లో రన్ అవుతూ 6.5-అంగుళాల హెచ్‌డి + IPS డిస్‌ప్లేను 720x1,600 పిక్సెల్స్ పరిమాణం, 20: 9 కారక నిష్పత్తితో మరియు 2.5D గొరిల్లా గ్లాస్ 3 రక్షణతో వస్తుంది. ఇది ఆక్టా-కోర్ మీడియాటెక్ హెలియో G35 SoCను కలిగి ఉండి 2GB RAM తో జత చేయబడి వస్తుంది. ఈ ఫోన్ 13 మెగాపిక్సెల్ ప్రైమరీ సెన్సార్ మరియు 2 మెగాపిక్సెల్ సెకండరీ సెన్సార్‌తో డ్యూయల్ రియర్ కెమెరా సెటప్‌ను కలిగి ఉంది. సెల్ఫీల కోసం ముందు భాగంలో 8 మెగాపిక్సెల్ కెమెరా సెన్సార్ ఉంది. కనెక్టివిటీ ఎంపికలలో 4G ఎల్‌టిఇ, వై-ఫై, బ్లూటూత్, జిపిఎస్ / ఎ-జిపిఎస్ మరియు మైక్రో-యుఎస్‌బి పోర్ట్ ఉన్నాయి. ఈ ఫోన్ 10W ఫాస్ట్ ఛార్జింగ్కు మద్దతుతో 5,000WAh బ్యాటరీతో ప్యాక్ చేయబడి వస్తుంది.

లావా Z4 మీడియాటెక్ హెలియో స్పెసిఫికేషన్స్

లావా జెడ్ 4 ఆండ్రాయిడ్ 10 లో రన్ అవుతూ 6.5-అంగుళాల హెచ్‌డి + ఐపిఎస్ డిస్‌ప్లేను 20: 9 కారక నిష్పత్తి మరియు కార్నింగ్ గొరిల్లా గ్లాస్ 3 రక్షణతో కలిగి ఉంది. ఈ ఫోన్ ఆక్టా-కోర్ మీడియాటెక్ హెలియో G35 SoC తో రన్ అవుతూ 4GB RAM తో జతచేయబడి వస్తుంది. ఈ ఫోన్ వెనుక భాగంలో ట్రిపుల్ రియర్ కెమెరా సెటప్‌ను కలిగి ఉంది. ఇందులో 13 మెగాపిక్సెల్ ప్రైమరీ సెన్సార్, 5 మెగాపిక్సెల్ సెకండరీ సెన్సార్ మరియు 2 మెగాపిక్సెల్ మూడవ సెన్సార్ కెమెరాలు ఉన్నాయి. ముందు భాగంలో 16 మెగాపిక్సెల్ సెల్ఫీ కెమెరాను కలిగి ఉంది. స్టోరేజ్ పరంగా ఇది 64GB ఇంటర్నల్ డేటాను కలిగి ఉంది. 4G ఎల్‌టిఇ, వై-ఫై, బ్లూటూత్, జిపిఎస్ / ఎ-జిపిఎస్ మరియు మైక్రో-యుఎస్‌బి పోర్ట్‌తో పాటుగా ఫోన్ వెనుక భాగంలో ఫింగర్ ప్రింట్ సెన్సార్‌ కూడా కలిగి ఉంది. చివరిగా ఈ ఫోన్ 5,000mAh బ్యాటరీతో ప్యాక్ చేయబడి వస్తుంది.