భారతీయులు గర్వపడేలా.. గుగూల్ ఒలంపిక్ డూడుల్!

లండన్ ఒలంపిక్స్‌ 2012లో భాగంగా ఐదో రోజును పురస్కరించుకుని గుగూల్ హాకీ క్రీడకు ప్రాధాన్యతను కల్పిస్తూ డూడుల్‌ను పోస్ట్ చేసింది. ఈ డూడుల్‌ను తిలకిస్తున్న మన భారతీయలు గర్వకారణంగా ఫీలవుతున్నారు. మన వాళ్లు ఇంతలా సంబరపడటానికి కారణమేంటో తెలుసా..? ‘హాకీ’ భారతదేశపు జాతీయ క్రీడ కావటమే. ఓ మహిళా క్రీడాకారణి హాకీ స్టిక్‌తో బంతిని లక్ష్యం వైపుకు నెడుతున్న దృశ్యాన్ని ఈ డూడుల్ ద్వారా మనం చూడవచ్చు.

లండన్‌లో జరుగుతున్న 30వ ఒలింపిక్ క్రీడలు 17 రోజుల పాటు జరగనున్నాయి. పోటీలో జరిగే క్రీడాంశాల సంఖ్య 26, పాల్గొనున్న క్రీడాకారులు సంఖ్య 10,500, పతక విభాగాలు 302, క్రీడా వేదికలు 34, పాల్గొంటున్నదేశాలు 204. ఈ క్రీడల్లో భారత్ నుంచి 81 మంది క్రీడాకారులు తమ అదృష్టాన్ని పరీక్షించుకోనున్నారు. ఈ పంచరింగుల క్రీడా పండుగకు లండన్ ఇప్పటికే రెండుసార్లు అతిధ్యమిచ్చింది.