Lunar Eclipse 2020: నేటి చంద్రగ్రహణంను ఆన్‌లైన్‌లో చూడాలని ఉందా?

గత నెలలో "రింగ్ ఆఫ్ ఫైర్" సూర్యగ్రహణం ఏర్పడిన సంగతి అందరికి తెలిసింది. సూర్యగ్రహణం ఏర్పడిన ఒక నెల తరువాత ఇప్పుడు ఈ రోజు చంద్రగ్రహణం ఏర్పడుతున్నది. కేవలం ఒక నెల వ్యవధిలో సూర్యగ్రహణం మరియు చంద్రగ్రహణం రెండు రావడం చాలా అరుదుగా ఉంటుంది.

చంద్రగ్రహణంలో భూమి సూర్యుడు మరియు చంద్రుల మధ్యకు వస్తుంది. చంద్ర గ్రహణంలో మూడు రకాలు ఉన్నాయి. వాటిలో ఫుల్, పాక్షిక మరియు పెనుంబ్రాల్ గ్రహణం ఉంటాయి. పెనుంబ్రాల్ చంద్ర గ్రహణంలో చంద్రుడు పెనుంబ్రా అని పిలువబడే భూమి యొక్క బయటి నీడలోకి వెళుతుంది. కాబట్టి చంద్రుడు యంబర్ తాకకుండా భూమి యొక్క పెనుంబ్రాల్ కోన్లో పూర్తిగా కనబడకుండాపోతాడు. ఇతర గ్రహణాల మాదిరిగా కాకుండా పెనుమ్బ్రల్ గ్రహణం చాలా అరుదైన ఖగోళ సంఘటన. భూమి యొక్క నీడ ఉన్న భాగం మిగిలిన చంద్రుడి కంటే కొంచెం మందంగా ఉన్నందున దానిని చూడటం కొంచెం కష్టమవుతుంది.

చంద్రగ్రహణం ప్రారంభం

ఈ రోజు అంటే జనవరి 10 న రాత్రి 10:37 నుండి చంద్రగ్రహణం మొదలవుతుంది. అలాగే జనవరి 11 ఉదయం 2:42 గంటలకు ఈ గ్రహణం వీడనున్నది. పెనుంబ్రాల్ చంద్ర గ్రహణాన్ని ఈ మధ్య కాలంలో చూడాలి అనుకున్నవారు ఆస్వాదించవచ్చు. ఈ గ్రహణం మొత్తంగా 4 గంటల 5 నిమిషాల సమయం ఉంటుంది.

పెనుంబ్రాల్ చంద్రగ్రహణం 2020 లేదా చంద్రగ్రాహన్ లో చూడగలిగేది

ఈ రోజు అంటే జనవరి 10 రాత్రి గరిష్ట గ్రహణం వద్ద చంద్రునిలో 90 శాతం పాక్షికంగా భూమి యొక్క నీడ కనిపిస్తుంది. ఇది చంద్రుడి డిస్క్ అంతటా కొద్దిగా నీడను కలిగి ఉంటుంది.

చంద్రగ్రహణం ఏర్పడే ప్రాంతాలు

యూరోప్,ఆసియా,ఆస్ట్రేలియా, ఆఫ్రికా, ఉత్తర అమెరికాలో చాలా భాగం, దక్షిణ అమెరికాలో తూర్పు భాగం, పసిఫిక్ మహాసముద్రం, అట్లాంటిక్ మహాసముద్రం, హిందు మహాసముద్రం, ఆర్కిటిక్ ప్రాంతాలలో పెనుంబ్రాల్ చంద్రగ్రహణం ఏర్పడనున్నది.

చంద్రగ్రహణంను ఆన్‌లైన్‌లో చూడడం ఎలా?

యూట్యూబ్ ఛానల్ కాస్మోసాపియన్స్‌లో మీరు చంద్ర గ్రహణంను ఆస్వాదించవచ్చు. భారతీయ కాలమానం ప్రకారం జనవరి 10 రాత్రి 10:37 గంటలకు లైవ్ చూడవచ్చు. ఇందులో గరిష్ట గ్రహణం జనవరి 11 ఉదయం 12:40 గంటలకు ఉంటుంది. పెనుంబ్రాల్ గ్రహణం జనవరి 11 తెల్లవారుజాము 2:42 గంటలకు ముగుస్తుంది.

2020 సంవత్సరంలో తదుపరి చంద్రగ్రహణాలు

జనవరి 10 తరువాత ఈ సంవత్సరంలో తదుపరి మూడు పెనుంబ్రాల్ చంద్రగ్రహణాలు జూన్ 5, జూలై 5 మరియు నవంబర్ 30 న జరుగుతాయి.