సిమ్ స్వాప్ : 6 మిస్డ్ కాల్స్ తో 1.86 కోట్లు నొక్కేశారు

ముంబైకి చెందిన షా టెక్స్‌టైల్ బిజినెస్ చేస్తుంటాడు....

ముంబైకి చెందిన షా టెక్స్‌టైల్ బిజినెస్ చేస్తుంటాడు. ఆయన మొబైల్ నంబర్‌కి కంపెనీకి చెందిన బ్యాంక్ అకౌంట్ కు లింక్ అయ్యి ఉంది . డిసెంబర్ 27 అర్ధరాత్రి అతడి ఫోన్‌కు రెండు నంబర్ల నుంచి ఆరు మిస్డ్ కాల్స్ వచ్చాయి. ఉదయాన్నే లేచి ఫోన్ కాల్ చేయడానికి ప్రయత్నించగా కుదర్లేదు. దీంతో సిమ్ బ్లాక్ అయ్యిందని గుర్తించిన షా వెంటనే కస్టమర్ కేర్ కు ఫోన్ చేసి ఆరా తీశాడు. అయితే వారు మాత్రం మీ రిక్వెస్ట్ మేరకే సిమ్ బ్లాక్ చేసి కొత్త సిమ్ ఇచ్చామని చెప్పారు. దీంతో వెంటనే బ్యాంక్‌కు వెళ్లి అకౌంట్లోని బ్యాలెన్స్ ఎంతుందో కనుక్కోగా అప్పటికే రూ.1.86 కోట్లను దేశంలోని వివిధ ప్రాంతాల్లో ఉన్న 14 ఖాతాలకు మళ్లించారు. బ్యాంక్ సిబ్బంది కష్టపడి రూ.20 లక్షలను వెనక్కి రాబట్టగలిగారు. మిగతా మొత్తాన్ని అప్పటికే విత్ డ్రా చేసేశారు. షా యూనిక్ సిమ్ నంబర్‌ను యాక్సెస్ చేసిన మోసగాళ్లు సిమ్ స్వాప్ చేసి ఉంటారని పోలీసులు భావిస్తున్నారు.

సిమ్ స్వాప్ ఎలా చేస్తారంటే..?

మీ మొబైల్ నెంబర్ బ్యాంకు అకౌంటుకి...

మీ మొబైల్ నెంబర్ బ్యాంకు అకౌంటుకి లింక్ అయ్యిందో లేదో హ్యాక్ చేయడం ద్వారా తెలుసుకుంటారు . మీ మెసేజులు చదివి బాలన్స్ వుందో లేదో తెలుసకుంటారు .

తమ దగ్గరున్న నెంబర్ల మొబైల్ నెట్ వర్క్...

ఇక ఆ తరువాత తమ దగ్గరున్న నెంబర్ల మొబైల్ నెట్ వర్క్ ముందుగా జీరో లెవల్ కి తీసుకొస్తారు సైబర్ దొంగలు. నెట్ వర్క్ ఫెయిల్ అయిన తర్వాత కస్టమర్ కేర్ పేరుతో కాల్ వస్తుంది.

మీ మొబైల్ నెట్ వర్క్ లో ప్రాబ్లం...

అది కూడా మీ మొబైల్ నెట్ వర్క్ లో ప్రాబ్లం ఉంది. కీ ప్యాడ్ లోని నెంబర్ 1 ను నొక్కమని వాయిస్ వినిపిస్తుంది. అది నిజమే అనుకొని 1ని ప్రెస్ చేస్తే మొబైల్ నెట్ వర్క్ ఒక్కసారిగా జీరో లెవల్ కి వెళ్తుంది.

ఒక మాల్ వేర్ ని మొబైల్ కి పంపిస్తారు...

ఆ టైంలోనే ఒక మాల్ వేర్ ని మొబైల్ కి పంపిస్తారు. దీంతో మొబైల్లో ఉన్న డేటాతో పాటు అంతకుముందు చేసిన ట్రాన్ క్షాషన్స్ డీటైల్స్, OTPలు కూడా సైబర్ నేరగాళ్లకు వెళ్తాయి. దీంతో ఆ నెంబర్ తో లింక్ అయి ఉన్న బ్యాంక్ అకౌంట్ లను ఖాళీ చేస్తారు.