లక్షకు పైన ధరతో మైక్రోసాఫ్ట్ సర్ఫేస్ ల్యాప్‌టాప్ 4 లాంచ్!! ఫీచర్స్ బ్రహ్మాండం...

మైక్రోసాఫ్ట్ సర్ఫేస్ ల్యాప్‌టాప్ 4 ధరల వివరాలు

భారతదేశంలో మైక్రోసాఫ్ట్ సర్ఫేస్ ల్యాప్‌టాప్ 4 మూడు వేరియంట్‌లలో విడుదలయింది. ఇందులో 13.5 అంగుళాల డిస్‌ప్లేతో AMD రైజెన్ 5 4680U మరియు 8GB ర్యామ్ 256GB SSD మోడల్ యొక్క ధర రూ .1,02,999. అలాగే అదే ర్యామ్, స్టోరేజ్లను కలిగి ఉండి AMD రైజెన్ 7 4980U తో గల 15-అంగుళాల వేరియంట్‌ యొక్క ధర 1,34,999 రూపాయలు. చివరిగా ఇంటెల్ కోర్ i5-1135 G7, 16GB ర్యామ్, మరియు 512GB SSD స్టోరేజ్‌ను కలిగి ఉండి 13.5 అంగుళాల మోడల్ యొక్క ధర 1,51,999 రూపాయలు. దీనిని రిటైల్ స్టోర్ మరియు అమెజాన్ ఇండియా ద్వారా కొనుగోలు చేయవచ్చు. వినియోగదారులు నెలకు రూ.11,444 వద్ద తొమ్మిది నెలల వరకు నో-కాస్ట్ ఇఎంఐ ఎంపికను ఎంచుకోవచ్చు.

మైక్రోసాఫ్ట్ సర్ఫేస్ ల్యాప్‌టాప్ 4 స్పెసిఫికేషన్స్

మైక్రోసాఫ్ట్ సర్ఫేస్ ల్యాప్‌టాప్ 4 టచ్ సపోర్ట్‌తో 3: 2 పిక్సెల్‌సెన్స్ హై-కాంట్రాస్ట్ డిస్ప్లేతో వస్తుంది. ఇది నోట్బుక్ 11వ తరం ఇంటెల్ కోర్ మరియు AMD రైజెన్ 5 లేదా రైజెన్ 7 మొబైల్ ప్రాసెసర్లచే శక్తిని పొందుతుంది. సర్ఫేస్ ల్యాప్‌టాప్ 4 16GB ర్యామ్ మరియు 512GB ఎస్‌ఎస్‌డి మద్దతుతో వస్తుంది. అలాగే ఇది డాల్బీ అట్మోస్ మద్దతుతో మెరుగైన ఆడియో అనుభవం కోసం ఓమ్నిసోనిక్ స్పీకర్లను కలిగి ఉంది.

అంతేకాకుండా ఈ ల్యాప్‌టాప్ వీడియో కాల్స్ మరియు సెల్ఫీ పిక్చర్స్ క్లిక్ చేయడానికి ముందు వైపున ఉన్న HD కెమెరా సెన్సార్‌ను కూడా అందిస్తుంది. కనెక్టివిటీ ఎంపికలలో సర్ఫేస్ ల్యాప్‌టాప్ 4 వై-ఫై 6, బ్లూటూత్ V5, యుఎస్‌బి టైప్-సి, యుఎస్‌బి టైప్-ఎ మరియు 3.5mm హెడ్‌ఫోన్ జాక్‌ను కలిగి ఉన్నాయి. ఈ ల్యాప్‌టాప్ బ్లాక్ మరియు ప్లాటినం కలర్స్ ఆప్షన్లలో అందుబాటులో ఉంటుంది.