స్టైలస్ పెన్ సపోర్ట్ తో Motorola కొత్త ఫోన్ లాంచ్! ధర, స్పెసిఫికేషన్ల వివరాలు 

మోటోరోలా నుంచి స్టైలస్ పెన్ సపోర్ట్ తో Moto G Stylus 5G (2023) మంగళవారం USలో లాంచ్ చేయబడింది. మోటోరోలా ఇదే ఫోన్ యొక్క 4G వెర్షన్‌ను కూడా ఈ నెల ప్రారంభంలో విడుదల చేసింది, దీనికి మోటో G స్టైలస్(2023) అని పేరు పెట్టారు. 4G మోడల్ 4GB RAMతో జత చేయబడిన మీడియా టెక్ హీలియో G85 SoC ద్వారా శక్తిని పొందుతుంది.

అయితే 5G వెర్షన్ స్నాప్‌డ్రాగన్ 6 జెన్ 1 చిప్‌సెట్‌తో వస్తుంది. ఈ హ్యాండ్‌సెట్ అంతర్నిర్మిత స్టైలస్‌ పెన్ తో వస్తుంది, ఇది కంటెంట్ సృష్టి, మెసేజింగ్ యాప్‌లపై యానిమేటెడ్ పనితో, ఫోటోలను గీయడం లేదా సవరించడం మరియు గేమ్‌లు ఆడటంలో వినియోగదారులకు సహాయపడుతుందని పేర్కొన్నారు.

Moto G Stylus 5G (2023) ధర, లభ్యత వివరాలు
కొత్తగా లాంచ్ చేయబడిన ఈ మోటోరోలా స్మార్ట్‌ఫోన్ USలో 6GB + 256GB ఒకే వేరియంట్‌లో అందుబాటులో ఉంది. దీని ధర $399.99 (దాదాపు రూ. 33,100). ఇది జూన్ 2న, ఫోన్ క్రికెట్‌లో అమ్మకానికి రాబోతోంది. మరియు జూన్ 16 నుండి,ఈ ఫోన్ Amazon.com, Best Buy మరియు Motorola.com వెబ్‌సైట్‌లలో కొనుగోలు చేయడానికి అందుబాటులో ఉంటుంది. ఈ మోటో G స్టైలస్ 5G (2023) కాస్మిక్ బ్లాక్ మరియు రోజ్ షాంపైన్ కలర్ ఆప్షన్‌లలో అందుబాటులో ఉంటుంది.

Moto G Stylus 5G (2023) స్పెసిఫికేషన్‌లు, ఫీచర్ల వివరాలు
ఈ స్మార్ట్ ఫోన్ 6.6 అంగుళాల పూర్తి-HD+ (2400 x 1080 పిక్సెల్‌లు) LCD డిస్‌ప్లే తో, 120Hz రిఫ్రెష్ రేట్‌తో వస్తుంది. డ్యూయల్ సిమ్ సపోర్ట్ ఉన్న హ్యాండ్‌సెట్ పైన My UXతో ఆండ్రాయిడ్ 13లో రన్ అవుతుంది. ఇది 4nm ఆక్టా కోర్ స్నాప్‌డ్రాగన్ 6 జెన్ 1 5G SoC ద్వారా 6GB RAM మరియు 256GB ఇంటర్నల్ స్టోరేజీ తో జత చేయబడింది.

ఇక ఈ ఫోన్ యొక్క కెమెరాల విషయానికొస్తే, మోటో G స్టైలస్ 5G (2023) 50 మెగాపిక్సెల్ ప్రైమరీ సెన్సార్ మరియు అల్ట్రా-వైడ్ లెన్స్‌తో కూడిన 8-మెగాపిక్సెల్ సెన్సార్‌ను కలిగి ఉన్న డ్యూయల్ రియర్ కెమెరా యూనిట్‌ను కలిగి ఉంది. కెమెరా యూనిట్‌లు దీర్ఘచతురస్రాకార కెమెరా మాడ్యూల్‌తో పాటు వెనుక ప్యానెల్ యొక్క ఎగువ ఎడమ మూలలో LED ఫ్లాష్ యూనిట్‌ ని కలిగి ఉంటుంది. ఇంకా, 16-మెగాపిక్సెల్ ఫ్రంట్ కెమెరా సెన్సార్ డిస్‌ప్లే పైభాగంలో సెంటర్-అలైన్డ్ హోల్ పంచ్ స్లాట్‌లో ఉంచబడింది.

మోటో G స్టైలస్ 5G (2023) స్మార్ట్ ఫోన్ 20W వైర్డ్ ఫాస్ట్ ఛార్జింగ్ సపోర్ట్‌తో 5,000mAh బ్యాటరీని ప్యాక్ చేస్తుంది. భద్రత కోసం, ఈ ఫోన్‌లో సైడ్ మౌంటెడ్ ఫింగర్ ప్రింట్ సెన్సార్ మరియు ఫేస్ అన్‌లాక్ ఫీచర్‌ను అమర్చారు. ఈ హ్యాండ్‌సెట్ 3.5mm ఆడియో జాక్, USB టైప్ సి పోర్ట్, డాల్బీ అట్మోస్ సపోర్టెడ్ స్టీరియో స్పీకర్లు మరియు మైక్రో SD కార్డ్ ద్వారా 2TB వరకు విస్తరించదగిన మెమరీ ఫీచర్ కలిగి ఉంటుంది.