Moto G34 5G ధర రూ. 9,999 కే కొత్త 5G ఫోన్..! సేల్ వివరాలు.. ఇండియాలో లాంచ్ అయింది..!

Updated: Tuesday, January 9, 2024, 16:49 [IST]

ఇది వరకే మోటోరోలా సంస్థ ప్రకటించిన షెడ్యూల్ ప్రకారం, మోటరోలా భారతదేశంలో 2024 లో తన మొదటి స్మార్ట్ ఫోన్ ని విడుదల చేసింది. అధికారికంగా Moto G34 5G అని పిలువబడే పరికరం బడ్జెట్ 5G స్మార్ట్‌ఫోన్.

ఇది ప్రారంభంలో క్రిస్మస్ కు ముందుగానే చైనాలో అధికారికంగా లాంచ్ అయింది. ఈ హ్యాండ్‌సెట్‌ లాంచ్ ను అందుకున్న మొదటి అంతర్జాతీయ మార్కెట్ భారతదేశం మాత్రమే. ఈ ఫోన్ యొక్క ధర మరియు లభ్యత వివరాలతో పాటు దాని ఫీచర్లను కూడా ఇక్కడ చూద్దాం.

Motorola Moto G34 5G With Snapdragon 695 Soc Processor,50MP Camera And 5000mAh Battery Launched In India. Sale Details

మోటోరోలా Moto G34 5G స్పెసిఫికేషన్ల వివరాలు
మోటో G34 5G చాలా బడ్జెట్ స్మార్ట్‌ఫోన్‌ల మాదిరిగానే ప్లాస్టిక్ బిల్డ్‌ డిజైన్ ను కలిగి ఉంది. కానీ కలర్ వేరియంట్‌లలో ఒకదాని వెనుక వెగన్ లెదర్ ఫినిషింగ్ ఉంది. అలాగే, ఇది స్ప్లాష్ రెసిస్టెన్స్ కోసం IP52 రేటింగ్ తో వస్తుంది.

ఈ పరికరం యొక్క డిస్ప్లే 6.5 అంగుళాల కేంద్రీకృత పంచ్-హోల్ డిస్‌ప్లే తో నిర్మించబడింది. స్క్రీన్ ప్యానెల్ HD+ రిజల్యూషన్ (1600 x 720 పిక్సెల్‌లు) మరియు 120Hz రిఫ్రెష్ రేట్‌ను అందిస్తుంది.

ఈ Moto G34 5G స్మార్ట్ ఫోన్ లో క్వాల్కమ్ స్నాప్ డ్రాగన్ 695 SoC ప్రాసెసర్ ఉంది. ఈ చిప్‌సెట్ LPDDR4x RAM మరియు UFS 2.2 స్టోరేజీ తో జత చేయబడింది. ఇక సాఫ్ట్‌వేర్ విషయానికొస్తే, ఇది తాజాగా ఆండ్రాయిడ్ 14 ని బూట్ చేస్తుంది. 4GB RAM మరియు 8GB RAM కాన్ఫిగరేషన్లలో వస్తుంది ఈ RAM ని 16GB వరకు పెంచుకునే అవకాశం కూడా ఉంది

ఇక కెమెరా వివరాలు గమనిస్తే, ఫోన్ వెనుక భాగంలో 50MP ప్రైమరీ సెన్సార్ మరియు 2MP మాక్రో స్నాపర్‌తో కూడిన డ్యూయల్ కెమెరా సెటప్‌ను కలిగి ఉంది. ముందు భాగంలో, ఇది 16MP సెల్ఫీ కెమెరాను కలిగి ఉంది.

ఇంకా, ఈ పరికరం యొక్క ఇతర స్పెసిఫికేషన్లలో డాల్బీ అట్మోస్ సపోర్ట్ తో డ్యూయల్ స్టీరియో స్పీకర్లు, మైక్రో SD కార్డ్ స్లాట్, 3.5mm హెడ్‌ఫోన్ జాక్ మరియు రెడీ ఫర్ (8GB RAM వేరియంట్‌లో మాత్రమే) ఉన్నాయి.చివరగా బాటరీ వివరాలు గమనిస్తే, ఈ స్మార్ట్‌ఫోన్ 5,000mAh బ్యాటరీ నుండి శక్తిని తీసుకుంటుంది మరియు 18W ఛార్జింగ్‌కు మద్దతు ఇస్తుంది.

భారతదేశంలో మోటోరోలా Moto G34 5G ధర వివరాలు
మోటోరోలా సంస్థ ఈ Moto G34 5G స్మార్ట్ ఫోన్ ను రెండు మెమరీ కాన్ఫిగరేషన్‌లలో వస్తుంది. వీటి ధర 4GB + 128GB వేరియంట్ కు ₹10,999 మరియు 8GB + 128GB వేరియంట్ కు ₹11,999 గా ఉంది. వినియోగదారులు లాంచ్ ఆఫర్ గా, అదనంగా రూ.1,000 తగ్గింపు పొందవచ్చు. ఈ ఆఫర్ తో ఈ ఫోన్ యొక్క ప్రభావవంతమైన ధర కేవలం రూ. 9,999 మరియు రూ.10,999 వరుసగా ఉంటుంది.

మోటోరోలా Moto G34 5G ఫోన్ ఐస్ బ్లూ, చార్‌కోల్ బ్లాక్ లేదా ఓషన్ గ్రీన్ (వేగన్ లెదర్) కలర్ ఆప్షన్‌లలో లభిస్తుంది. ఇది ఫ్లిప్‌కార్ట్ మరియు ప్రముఖ రిటైల్ స్టోర్‌ల ద్వారా జనవరి 17 నుండి కొనుగోలుకు అందుబాటులో ఉంటుంది.