2 నెలలు పడుకోండి, 13 లక్షలు ఎత్తుకుపోండి

నాసా, ఈఎస్ఏ సంస్థ‌లు

యూఎస్ఏ టుడే పొందుపరిచన క‌థ‌నం ప్ర‌కారం నాసా, ఈఎస్ఏ సంస్థ‌లు త్వ‌ర‌లో ఓ ప్ర‌యోగం నిర్వ‌హించ‌నున్నాయి. అందులో పాల్గొనే వారు రెండు నెల‌ల పాటు నిద్రిస్తూనే ఉండాలి. వారు నిద్రించే రూమ్ అంతరిక్షాన్ని పోలి ఉంటుంది.

నాసా ప్ర‌యోగాలు

ఆ స్థితిలో వారిని ఆర్టిఫిషియ‌ల్ గ్రావిటీ చాంబ‌ర్ ను పోలిన ఓ గ‌దిలో ఉంచుతారు. అందులో అంత‌రిక్షంలో లాంటి వాతావ‌ర‌ణం ఉంటుంది. అంటే పూర్తిగా బ‌రువు ర‌హిత స్థితి అన్న‌మాట‌. ఆ స్థితిలో ఉన్న మాన‌వుల‌పై ఎలాంటి ప్ర‌తికూల ప్ర‌భావాలు ఉంటాయి, వాటిని ఎలా ఎదుర్కోవాలి..? అన్న అంశాల‌పై నాసా ప్ర‌యోగాలు చేయ‌నుంది.

మొత్తం 24 మంది వాలంటీర్లు

నాసా చేస్తున్న ఈ ప్ర‌యోగానికి మొత్తం 24 మంది వాలంటీర్ల కోసం చూస్తున్నారు. వారిలో 12 మంది పురుషులు, 12 మంది స్త్రీలు అయి ఉండాలి. వారిని రెండు గ్రూపులుగా విభ‌జించి ఆర్టిఫిషియ‌ల్ గ్రావిటీ చాంబ‌ర్ ను పోలిన ఓ గ‌దిలో ఉంచుతారు.

2 నెలల వ‌ర‌కు

అందులో ఒక గ్రూపు వారిని సెంట్రిఫ్యూజ్‌లో ఉంచి తిప్పుతారు. మ‌రొక గ్రూపు వారిని సాధారణ స్థితిలో ఉంచుతారు. అయితే ఆ స్థితుల్లో రెండు గ్రూపుల వారు నిద్రిస్తూనే ఉండాలి. 2 నెలల వ‌ర‌కు అలా నిద్రిస్తున్న సమయంలో సైంటిస్టులు తమ ప్ర‌యోగాలు చేస్తారు.

రూ.13 ల‌క్ష‌ల‌కు పైగా

ఈ రెండు నెలల స‌మ‌యం ముగిశాక వాలంటీర్ల‌కు 19వేల అమెరిక‌న్ డాల‌ర్ల‌ను ఇస్తారు. అంటే మ‌న క‌రెన్సీలో రూ.13 ల‌క్ష‌ల‌కు పైగానే ఉంటుంద‌న్న‌మాట‌.

సెప్టెంబ‌ర్ నుంచి డిసెంబ‌ర్ వ‌ర‌కు

ఇక ఈ ప్ర‌యోగం ఈ ఏడాది సెప్టెంబ‌ర్ నుంచి డిసెంబ‌ర్ వ‌ర‌కు జ‌ర‌గ‌నుండ‌గా ఇందులో పాల్గొనాల‌నుకునే వారు https://dlr-probandensuche.de/ వెబ్‌సైట్‌ను సంద‌ర్శించి అందులో పొందుపరిచిన వివరాలను చూడగలరు.