జియో, ఎయిర్‌టెల్‌కి సవాల్, ఐడియా,వొడాఫోన్ విలీనం మరో అడుగు ముందుకు !

గత ఏడాది మార్చిలో..

కాగా దేశీయ టెలికాం రంగంలో జియో, ఎయిర్‌టెల్‌ నుంచి వచ్చిన పోటీలను తట్టుకునేందుకు ఈ మెగాడీల్‌కు పునాది పడిందని తెలుస్తోంది. గత ఏడాది మార్చిలో బ్రిటన్ టెలికం దిగ్గజం వొడాఫోన్ గ్రూపు, ఐడియా సెల్యులార్‌తో విలీనం కాబోతున్నట్టు వెల్లడించాయి.

23 బిలియన్ డాలర్ల విలువ..

23 బిలియన్ డాలర్ల విలువైన, 35 శాతం మార్కెట్ వాటాతో ఈ అతిపెద్ద విలీనానికి ఇరు సంస్థలు అంగీకరించాయి. అటు అక్టోబర్‌లో ఐడియా వాటాదారులు వొడాఫోన్‌తో విలీనానికి ఆమోదం తెలిపారు.

ఏడాది జూన్‌ నాటికి ఈ పక్రియ పూర్తి..

ఇప్పటికే మార్కెట్‌ రెగ్యులేటరీ సెబీ, కాంపిటీషన్‌ కమిషన్‌ ఆఫ్‌ ఇండియా (సీసీఐ) నుంచి ఈ మెర్జ్‌కి ఆమోదం లభించిన సంగతి తెలిసిందే. కాగా డిపార్ట్‌మెంట్‌ ఆఫ్‌ టెలి కమ్యూనికేషన్స్‌ (డాట్‌) ఇచ్చే తుది ఆమోదంతో ఏడాది జూన్‌ నాటికి ఈ పక్రియ పూర్తి చేయాలని రెండు కంపెనీలు యోచిస్తున్నాయి.

వొడాఫోన్ 45.1 శాతం

ఈ ఉమ్మడి సంస్థలో బ్రిటిష్ కంపెనీ వొడాఫోన్ 45.1 శాతం వాటా, ఐడియా పేరెంట్‌ సం‍స్థ ఆదిత్య బిర్లా గ్రూపు 26 శాతం వాటా కలిగి ఉంటుంది. మిగిలిన 28.9 శాతం ఇతర వాటాదారుల సొంతం.

నంబర్ 2 , 3 స్థానాల్లో..

ప్రస్తుతం భారతదేశంలో నంబర్ 2 , 3 స్థానాల్లో కొనసాగుతున్న వొడాఫోన్ ఇండియా, ఐడియాల జాయింట్‌ వెంచర్‌ సంస్థ ఆవిష్కారంతో ప్రపంచ రెండవ అతిపెద్ద టెలికాం భారతి ఎయిర్‌టెల్‌కు గట్టిపోటీగా నిలుస్తుందని అంచనాలు వెలువడుతున్నాయి.