Netflix లో కొత్తగా 'టూ థంబ్స్ అప్' బటన్‌ ఫీచర్!! ఉపయోగం ఏమిటో

Updated: Tuesday, April 12, 2022, 15:45 [IST]

వినోదం అనేది ప్రతి ఒక్కరి జీవితంలో తప్పనిసరి. వేగవంతమైన స్మార్ట్ ప్రపంచంలో తమ యొక్క గమ్యాలను వేగంగా చేరుకోవడం కోసం తమకు నచ్చిన దారిలో వేగంగా పరిగెడుతున్నారు. అయితే తమ రోజువారి అలసటను తీర్చుకోవడం కోసం అనుసరిస్తున్న అనేక మార్గాలలో వినోదం ఒకటి. నేటి ప్రపంచంలో వినోదం అనేక రూపాలలో లభిస్తుంది. అందులో ఒకటి OTT ప్రపంచం. ప్రస్తుతం అందుబాటులో గల అనేక OTT యాప్ లలో నెట్‌ఫ్లిక్స్ ఒకటి. నెట్‌ఫ్లిక్స్ నిరంతరం కొత్త ఫీచర్‌లను అమలు చేస్తూ తన యొక్క వినియోగదారులకు మెరుగైన అనుభవాన్ని అందిస్తోంది. అందులో భాగంగా కంపెనీ ఇప్పుడు ముందుగా ఉన్న థంబ్స్ అప్ మరియు థంబ్స్ డౌన్ బటన్‌లకు కొనసాగింపుగా "టూ థంబ్స్ అప్" బటన్‌ను జోడిస్తోంది. సబ్‌స్క్రైబర్‌లు ఇప్పుడు తాము వీక్షించిన సినిమా లేదా షోని ఇష్టపడుతున్నారా లేదా ఇష్టపడలేదా అని నెట్‌ఫ్లిక్స్ కి తెలియజేయవచ్చు.

నెట్‌ఫ్లిక్స్ ప్లాట్‌ఫారమ్‌లలో విడుదలయ్యే అన్ని రకాల సినిమాలు, టీవీ షోల యొక్క రేటింగ్ ను మరియు సూచనలను తెలుసుకోవడం కోసం కంపెనీ వీటిని రూపొందించడానికి ఉపయోగిస్తుంది. ఈ సరికొత్త రేటింగ్ సూచిక ఆండ్రాయిడ్ మరియు ఐఫోన్ మరియు వెబ్‌లోని Netflix.comలలో ఉపయోగిస్తున్న నెట్‌ఫ్లిక్స్ ప్లాట్‌ఫారమ్‌లలో థంబ్స్ అప్ మరియు థంబ్స్ డౌన్ బటన్‌లతో పాటు నేటి నుండి అందుబాటులో ఉంటుంది. మీ యొక్క వాచింగ్ హిస్టరీ మరియు రేటింగ్‌ల ఆధారంగా నెట్‌ఫ్లిక్స్ అల్గారిథమ్ అనుభవం ఎంత మార్గనిర్దేశం చేయబడిందో తెలుసుకోవచ్చు. నెట్‌ఫ్లిక్స్‌లోని కంటెంట్‌ను రేట్ చేయడానికి మరిన్ని ఎంపికలను సబ్‌స్క్రైబర్‌లకు అందిస్తోంది.

నెట్‌ఫ్లిక్స్ ప్రకారం టూ థంబ్స్ అప్ ఆప్షన్ "మీ యొక్క సిఫార్సులను చక్కగా తీర్చిదిద్దడానికి ఒక మార్గం." మీకు నచ్చిన మెటీరియల్‌ని హైలైట్ చేయడానికి మీరు ఇప్పటికీ సింగిల్ థంబ్స్ అప్‌ని ఉపయోగించవచ్చు. అయితే మీరు బదులుగా టూ థంబ్స్ అప్ ఆప్షన్‌ని ఎంచుకుంటే కనుక దానికి నెట్‌ఫ్లిక్స్ ప్లాట్‌ఫారమ్‌లో మరింత ఎక్కువ ప్రాముఖ్యతను ఇస్తుంది. "ఇది మా మొత్తం వ్యూహంలో భాగం మరియు యూజర్ల సిఫార్సులను మెరుగుపరచడానికి, మరింత ఫీడ్‌బ్యాక్ మరియు ఇన్‌పుట్ ఇవ్వడానికి మాకు వీలు కల్పిస్తుంది" అని సంస్థ యొక్క ఇన్నోవేషన్ ఫర్ పర్సనలైజేషన్ డైరెక్టర్ క్రిస్టీన్ డోయిగ్-కార్డెట్ అన్నారు.

నెట్‌ఫ్లిక్స్ ప్లాట్‌ఫారమ్‌లలో మీరు ఇప్పటికే రేట్ చేసిన సినిమాలు మరియు టీవీ షోల యొక్క మీ రేటింగ్‌లను కూడా సవరించవచ్చు. నెట్‌ఫ్లిక్స్ రీడిజైన్ చేయబడిన ఇంటర్‌ఫేస్ వినియోగదారులకు సులభతరం చేయవచ్చని సూచించింది. టూ థంబ్స్ డౌన్ ఆప్షన్ గురించి అడిగినప్పుడు, కంపెనీ అధికారులు ప్రతిస్పందించారు. కొత్త టూ థంబ్స్ అప్ ఎంపిక ఇప్పుడు మీ టీవీ, వెబ్, ఆండ్రాయిడ్ మరియు iOS మొబైల్ పరికరాలలో థంబ్స్ అప్ మరియు థంబ్స్ డౌన్ బటన్‌ల పక్కన అందుబాటులో ఉంది.