ఫేషియల్ రికగ్నిషన్ టెక్నాలజీతో 3000 అనాధ పిల్లలు ఆచూకీ లభ్యం

మన దేశంలో అదృశ్యమైన వేలాది మంది పిల్లలకు సంబంధించిన ఆచూకీని నూతనంగా అందుబాటులోకి వచ్చిన ఓ ఫేషియల్ రికగ్నిషన్ టెక్నాలజీ నాలుగే నాలుగు రోజుల్లో ఐడెంటిఫై చేయగలిగింది. ఈ ప్రయోగాత్మక ప్రాజెక్టును విజయవంతంగా ఇంప్లిమెంట్ చేసిన న్యూఢిల్లీ పోలీస్ శాఖ ఊహించని ఫలితాలను రాబడుతోంది. ఈ ప్రాజెక్టలో భాగంగా దేశవ్యాప్తంగా కనిపించకుండా పోయిన 60,000 మంది చిన్నారులకు సంబందించి ఫోటోలను ఓ డేటాబేస్ క్రింద క్రియేట్ చేసి వాటిని గుర్తించబడని 45,000 అనాధ ఫోటోలతో పోల్చి చూడటం ద్వారా వేరువేరు అనాధశ్రమాల్లో ఉన్న 2930 చిన్నారులను ఐడెంటిఫై చేయటం జరిగింది.

90,000 మంది మాత్రమే అనాధాశ్రమాల్లో..
100 కోట్లకు పైగా జనాభాను కలిగి ఉన్న భారతదేశం అనేక సామాజిక సమస్యలతో సతమతమవుతోన్న విషయం తెలిసిందే. పేదిరికం ఇంకా కుటుంబకలహాల నేపథ్యంలో రోజు వందలాది చిన్నారులు ఇళ్ల నుంచి పారిపోతున్నారు. ఈ పరిణామాల పై బచ్పన్ బచావో ఆందోలన్ చైల్డ్ కేర్ ఉద్యమకారుడు భువన్ రిబూ మాట్లాడుతూ దేశంలో ఇప్పటి వరకు 2 లక్షలు చిన్నారులు మిస్ అవ్వగా వారిలో 90,000 మంది మాత్రమ వివిధ పిల్లల సంరక్షణ సంస్థలు ఆశ్రయం పొందుతున్నారని తెలిపారు.

మిగిలిన రాష్ట్రాల్లోనూ అమలు..
న్యూఢిల్లీ పోలీస్ శాఖ నిర్వహించిన ఫేషియల్ రికగ్నిషన్ స్కాన్ ఆపరేషన్ విజయవంతమైన నేపథ్యంలో ఈ ట్రాక్ చైల్డ్ డేటాను మిగిలిన రాష్ట్రాల్లోని పోలీస్ ఫోర్సులు ఉపయోగించుకునే పనిలో ఉన్నారు. ఈ డేటా బేస్‌లో పొందుపరిచిన ఫేషియల్ రికగ్నిషన్ సాఫ్ట్‌వేర్ భవిష్యత్‌లో మరిన్ని మెరుగైన ఫలితాలను అందించే అవకాశం ఉంది.

ఫేషియల్ రికగ్నిషన్ సిస్టం అంటే ఏంటి..?
ఆధునిక కమ్యూనికేషన్ అవసరాలకు అనగుణంగా అభివృద్ధి చేయబడిన ఫేషియల్ రికగ్నిషన్ సిస్టం, డిజిటల్ ఇమేజ్ లేదా వీడియో ఫ్రేమ్ ఆధారంగా వ్యక్తిని ఐడెంటిఫై చేయటం జరుగుతుంది. ఫేషియల్ రికగ్నిషన్ సిస్టమ్స్ అనేవి అనేక పద్ధతుల్లో పనిచేయగలుగుతాయి. డేటా బేస్‌లో పొందుపరచబడిన సెలెక్టెడ్ ఫేషియల్ ఫీచర్స్ ఆధారంగా ఇమేజ్‌లను సిస్టమ్ పోల్చి చూడటం జరుగుతుంది. ఫేషియల్ రికగ్నిషన్ టెక్నాలజీని ముఖ్యంగా సెక్యూరిటీ పరమైన అంశాల్లో వినియోగించటం జరుగుతోంది. తాజాగా మొబైల్ ప్లాట్ ఫామ్ లలోనూ ఫేషియల్ రికగ్నిషన్ ఫీచర్ అనేది కీలకంగా మారిపోయింది. ముఖ్యంగా మొబైల్ ఫోటోగ్రఫీకి ఈ టెక్నాలజీ మరింత ఆదరణను తీసుకువస్తోంది.