ఫ్లిప్‌కార్ట్, అమెజాన్‌లలో ఇక డిస్కౌంట్లు ఉండవు, కొత్త పాలసీ వచ్చేస్తోంది!

ఈ కరెంటు ఇష్యూకు సంబంధించి...

ఈ కరెంటు ఇష్యూకు సంబంధించి ఓ సీనియర్ ప్రభుత్వాధికారి ‘ద ఎకనమిక్స్ టైమ్స్‌' మీడియాకు వెల్లడించిన వివరాల ప్రకారం డిస్కౌంట్స్‌ను గుప్పించే విషయంలో చాలా వరకు ఈ-కామర్స్ ప్లాట్‌ఫామ్స్ నిబంధనలను విరుద్థంగా వ్యవహరిస్తున్నాయంటూ అనేక ఫిర్యాదులు వెల్లువెత్తుతున్నాయట. త్వరలోనే ఈ డిస్కౌంట్స్ విషయంలో కఠినతరమైన నిబంధనలు అమల్లోకి రాబోతున్నాయి.

ఈ-కామర్స్ పోర్టల్స్‌లో మాత్రమే విక్రయిస్తున్నాయి...

ప్రస్తుతం మనం చూసినట్లయితే చాలా వరకు బ్రాండ్స్ తమ మొత్తం ప్రొడక్ట్స్‌ను కేవలం ఈ-కామర్స్ పోర్టల్స్‌లో మాత్రమే విక్రయిస్తున్నాయి. త్వరలో ఈ ప్రాసెస్ మారబోతోంది. తాజా విధి విధానాలతో ఏదైనా బ్రాండ్ ఒక మార్కెట్ ప్లేస్‌లో కేవలం 25శాతం కంటే ఎక్కువ ప్రొడక్ట్స్‌ను విక్రయించేందుకు ఆస్కారం ఉండదు.

ఫారిన్ డైరెక్ట్ ఇన్వెస్ట్‌మెంట్ పాలసీకి సంబంధించి...

ఫారిన్ డైరెక్ట్ ఇన్వెస్ట్‌మెంట్ పాలసీకి సంబంధించి ప్రభుత్వం జారీ చేసిన తాజా నిబంధనలు నేపథ్యంలో అమెజాన్, ఫ్లిప్‌కార్ట్ వంటి దిగ్గజం ఈ-కామర్స్ ప్లాట్‌ఫామ్‌లు తమ బిగ్ సేల్స్‌ను తగ్గించుకునే అవకాశం ఉంది. తాజా నిబంధనలు నేపథ్యంలో అమెజాన్, ఫ్లిప్‌కార్ట్ వంటి సంస్థలు ఏదైనా బ్రాండ్‌లో పెట్టుబడులు పెట్టి దానిని కంట్రోల్ చేస్తున్నట్లయితే ఇక పై ఆ బ్రాండ్ తాలూకా ప్రొడక్ట్స్‌ను తమ ప్లాట్‌ఫామ్‌లలో విక్రయించకూడదు. దీందో ఫ్రీ డెలివరీస్ అనేవి సాధ్యపడకపోవచ్చు.

కొత్త నిబంధనలు ఫిబ్రవరి 1, 2019 నుంచి...

ఫారిన్ డైరెక్ట్ ఇన్వెస్ట్‌మెంట్ పాలసీకి సంబంధించిన కొత్త నిబంధనలు ఫిబ్రవరి 1, 2019 నుంచి అమల్లోకి రాబోతున్నాయి. తాజా నిబంధనలతో షాప్ కీపర్స్ అలానే బ్రిక్ అండ్ మోర్టార్ రిటైలర్స్ కు మరింత లబ్థి చేకూరనుంది. ఫ్లిప్‌కార్ట్‌ను 16 బిలియన్ డాలర్లకు పైగా వెచ్చించి సొంతం చేసుకున్న వాల్‌మార్ట్‌కు తాజా పరిణామాలు మింగుడుపడేలా లేవు.