Nokia 5.4, 3.4 కొత్త ఫోన్‌లు వచ్చేసాయి!! ఫీచర్స్, ధరల మీద ఓ లుక్ వేయండి...

నోకియా 5.4 ధరల వివరాలు

నోకియా 5.4 కొత్త ఫోన్‌ నేడు రెండు కాన్ఫిగరేషన్లలో విడుదల అయింది. ఇందులో 4GB ర్యామ్ + 64GB స్టోరేజ్ వేరియంట్ ధర రూ.13,999 కాగా, 6GB ర్యామ్ + 64GB స్టోరేజ్ వేరియంట్ ధర రూ.15,499 డస్క్ మరియు పోలార్ నైట్ కలర్ ఆప్షన్లలో లభిస్తుంది. ఇది ఫిబ్రవరి 17 నుండి ఫ్లిప్‌కార్ట్ మరియు నోకియా ఇండియా వెబ్‌సైట్ ద్వారా అమ్మకానికి రానున్నది.

నోకియా 3.4 ధరల వివరాలు

నోకియా 3.4 కొత్త ఫోన్ ఇండియాలో ఒకే వేరియంట్ లో విడుదల అయింది. 4GB ర్యామ్ + 64GB స్టోరేజ్ వేరియంట్ లో లభించే ఈ ఫోన్ రూ.11,999 ధర వద్ద చార్‌కోల్, డస్క్ మరియు ఫ్జోర్డ్ కలర్ ఆప్షన్లలో వస్తుంది. ఈ ఫోన్ ను నోకియా వెబ్‌సైట్ ద్వారా ప్రీ-బుకింగ్ కోసం సిద్ధంగా ఉంది. అలాగే ఫిబ్రవరి 20 నుండి మొదటిసారి అమ్మకానికి రానున్నది. ఇది నోకియా వెబ్‌సైట్, అమెజాన్, ఫ్లిప్‌కార్ట్ మరియు ప్రముఖ రిటైల్ అవుట్‌లెట్ల నుండి కొనుగోలు చేయడానికి అందుబాటులో ఉంటుంది.

నోకియా 5.4 స్పెసిఫికేషన్స్

నోకియా 5.4 ఫోన్ యొక్క స్పెసిఫికేషన్స్ విషయానికి వస్తే ఇది డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 10తో రన్ అవుతూ త్వరలోనే ఆండ్రాయిడ్ 11 అప్ డేట్ స్వీకరించడానికి సిద్ధంగా ఉంది. ఈ ఫోన్ 6.39-అంగుళాల HD + డిస్ప్లేని 720x1,560 పిక్సెల్స్, 19.5: 9 కారక నిష్పత్తి మరియు 400 నిట్స్ పీక్ బ్రైట్‌నెస్ తో కలిగి ఉంది. ఇది క్వాల్కమ్ స్నాప్‌డ్రాగన్ 662 SoC చేత శక్తిని పొందుతూ 64GB ఇంటర్నల్ స్టోరేజ్, 6GB వరకు ర్యామ్‌తో జతచేయబడి వస్తుంది. ఇందులో గల మైక్రో SD కార్డ్ స్లాట్ దారా మెమొరీని 512GB వరకు విస్తరించడానికి అనుమతిని ఇస్తుంది.

నోకియా 5.4 కెమెరా సెటప్‌

నోకియా 5.4 ఫోన్ యొక్క ఆప్టిక్స్ విషయానికి వస్తే వెనుక భాగంలో క్వాడ్ రియర్ కెమెరా సెటప్‌తో ప్యాక్ చేయబడి వస్తుంది. ఇందులో 48 మెగాపిక్సెల్ ప్రైమరీ సెన్సార్, అల్ట్రా-వైడ్-యాంగిల్ లెన్స్‌తో 5 మెగాపిక్సెల్ సెన్సార్, 2 మెగాపిక్సెల్ డెప్త్ సెన్సార్ మరియు 2 మెగాపిక్సెల్ మాక్రో షూటర్ కెమెరాలు ఉన్నాయి. ముందు భాగంలో పంచ్-హోల్ కటౌట్‌లో 16 మెగాపిక్సెల్ సెన్సార్ సెల్ఫీ కెమెరాను కలిగి ఉన్నాయి. కనెక్టివిటీ ఎంపికలలో వై-ఫై, బ్లూటూత్ 4.2, జిపిఎస్ / ఎ-జిపిఎస్, 3.5mm హెడ్‌ఫోన్ జాక్ మరియు ఛార్జింగ్ కోసం యుఎస్‌బి టైప్-సి పోర్ట్ ఉన్నాయి. ఆన్‌బోర్డ్‌లోని సెన్సార్లలో యామియంట్ లైట్ సెన్సార్, సామీప్య సెన్సార్, యాక్సిలెరోమీటర్ మరియు గైరోస్కోప్ ఉన్నాయి. ఇది 10W ఛార్జింగ్కు మద్దతుతో 4000mAh బ్యాటరీతో ప్యాక్ చేయబడి వస్తుంది.

నోకియా 3.4 స్పెసిఫికేషన్స్

నోకియా 3.4 ఫోన్ యొక్క స్పెసిఫికేషన్స్ విషయానికి వస్తే ఇది 19.5: 9 కారక నిష్పత్తి మరియు 400 నిట్స్ గరిష్ట ప్రకాశంతో 6.39-అంగుళాల HD + డిస్ప్లేని కలిగి ఉంది. అలాగే ఇది క్వాల్కమ్ స్నాప్‌డ్రాగన్ 460 SoC చేత రన్ అవుతూ 4GB RAM మరియు 64GB ఇంటర్నల్ స్టోరేజ్ తో జతచేయబడి వస్తుంది. అలాగే ఫోటోలు మరియు వీడియోల కోసం నోకియా 3.4 లో ట్రిపుల్ రియర్ కెమెరా సెటప్ను కలిగి ఉంది. ఇందులో 13 మెగాపిక్సెల్ ప్రైమరీ సెన్సార్, అల్ట్రా-వైడ్ యాంగిల్ లెన్స్‌తో 5 మెగాపిక్సెల్ సెన్సార్ మరియు 2 మెగాపిక్సెల్ డెప్త్ సెన్సార్ ఉన్నాయి. ముందు భాగంలో పంచ్-హోల్ కటౌట్‌ నిర్మాణంలో 8 మెగాపిక్సెల్ సెన్సార్‌ సెల్ఫీ కెమెరాను కలిగి ఉంటుంది.