సెప్టెంబర్ 11 న లాంచ్ కానున్న Nokia G42 5G ! ధర, స్పెసిఫికేషన్ల వివరాలు 

Nokia G42 5G స్మార్ట్ ఫోన్ వచ్చే వారం భారతదేశంలో అధికారికంగా విడుదల కానుంది. సంస్థ అధికారికంగా తన X (గతంలో ట్విట్టర్)ఖాతా ద్వారా దేశంలో కొత్త 5G స్మార్ట్‌ఫోన్ రాకను ధృవీకరించింది. నోకియా యొక్క బ్రాండ్ లైసెన్సీ HMD గ్లోబల్ ఈ ఏడాది జూన్‌లో ఎంపిక చేసిన కొన్ని మార్కెట్లలో Nokia G42 5Gని ఇదివరకే లాంచ్ చేసింది.

ఈ Nokia G42 5G స్మార్ట్ ఫోన్ క్వాల్కమ్ స్నాప్ డ్రాగన్ 480+ SoC ప్రాసెసర్ పై పనిచేస్తుంది. మరియు ఇది 50-మెగాపిక్సెల్ ప్రైమరీ కెమెరా సెన్సార్ నేతృత్వంలోని ట్రిపుల్ రియర్ కెమెరా యూనిట్‌ను కలిగి ఉంది. Nokia G42 5G ప్రస్తుతం అమెజాన్ ఇండియాలో సో గ్రే మరియు సో పర్పుల్ కలర్ ఆప్షన్‌లలో లిస్ట్ చేయబడింది.

నోకియా యొక్క X ఖాతా ద్వారా భారతదేశంలో నోకియా G42 5G యొక్క అధికారిక లాంచ్ తేదీని ప్రకటించింది.ఈ 5G స్మార్ట్‌ఫోన్ సెప్టెంబర్ 11న భారత మార్కెట్లో లాంచ్ కాబోతోంది. మరియు ఇది అమెజాన్ ద్వారా ప్రత్యేకంగా సేల్ కు రానుంది. ఇది ప్రస్తుతం ఇ-కామర్స్ వెబ్‌సైట్‌లో సో గ్రే అండ్ సో పర్పుల్ కలర్ ఆప్షన్‌లలో జాబితా చేయబడింది. అయితే, ప్రస్తుతం ఇండియన్ వేరియంట్ యొక్క ధర వివరాలు విడుదలకాలేదు.

నోకియా G42 5G స్మార్ట్ ఫోన్ జూన్ లో యూరోప్‌లో 6GB RAM + 128GB స్టోరేజీ కోసం EUR 199 (దాదాపు రూ. 20,800) ధర ట్యాగ్‌తో లాంచ్ చేయబడింది. భారత మార్కెట్లో కూడా ఇంచు మించి అదే ధరలో లాంచ్ అయ్యే అవకాశం ఉంది.

Nokia G42 5G స్పెసిఫికేషన్ ల వివరాలు
ప్రస్తుతం, అమెజాన్‌లో అందుబాటులో ఉన్న టీజర్‌ వివరాల ప్రకారం, నోకియా G42 5G స్మార్ట్ ఫోన్ ఆండ్రాయిడ్ 13లో పనిచేస్తుంది మరియు ఇది రెండు సంవత్సరాల వరకు ఆండ్రాయిడ్ OS అప్‌గ్రేడ్ మరియు మూడు సంవత్సరాల పాటు నెలవారీ భద్రతా నవీకరణలను పొందుతుందని హామీ ఇవ్వబడింది.

ఈ హ్యాండ్‌సెట్ 90Hz రిఫ్రెష్ రేట్‌తో 6.56 అంగుళాల HD+ (720 x 1,612 పిక్సెల్‌లు) LCD డిస్‌ప్లేను కలిగి ఉంది. ఇది హుడ్ కింద ఆక్టా కోర్ స్నాప్‌డ్రాగన్ 480+ SoC ప్రాసెసర్ ని కలిగి ఉంది.ఈ ఫోన్లో గరిష్టంగా 6GB RAM మరియు 128GB ఆన్‌బోర్డ్ నిల్వతో జత చేయబడింది. ఇది 5G హ్యాండ్‌సెట్ మరియు ర్యామ్‌ ను అదనంగా 5GB వరకు వర్చువల్ ర్యామ్‌ను కూడా అందిస్తుంది.అంటే మొత్తం 11GB వరకు RAM ని ఉపయోగించుకోవచ్చు.

నోకియా G42 5G స్మార్ట్ ఫోన్ యొక్క యూరోపియన్ వేరియంట్ ట్రిపుల్ రియర్ కెమెరా యూనిట్‌ను కలిగి ఉంది. ఇందులో 50 మెగాపిక్సెల్ ప్రైమరీ కెమెరా సెన్సార్ మరియు రెండు 2-మెగాపిక్సెల్ సెన్సార్లు ఉన్నాయి. సెల్ఫీలు మరియు వీడియో చాట్‌ల కోసం, 8 మెగాపిక్సెల్ సెన్సార్ కూడా ఉంది. ఇది 20W వైర్డు ఫాస్ట్ ఛార్జింగ్ సపోర్ట్‌తో 5,000mAh బ్యాటరీని కలిగి ఉంది. ఈ నోకియా G42 5G భారతదేశంలోనే తయారు చేయబడుతుందని తెలుస్తోంది. మరియు 65 శాతం రీసైకిల్ చేసిన పదార్థాలతో తయారు చేయబడిన బ్యాక్ కవర్‌ను కలిగి ఉన్నట్లు సంస్థ పేర్కొంది.