నోకియా రీఎంట్రీ కార్యక్రమాన్ని ప్రత్యక్ష ప్రసారం చేస్తున్న HMD గ్లోబల్

మైబైల్ వరల్డ్ కాంగ్రెస్ 2017కు సమయం సమీపిస్తోంది. సరికొత్త మొబైల్ ఆవిష్కరణలతో పండుగ వాతవరణాన్ని తలిపించే ఈ అంతర్జాతీయ మొబైల్ ఎగ్జిబిషన్‌ను స్పెయిన్‌ కాస్మోపాలిటన్ క్యాపిటల్ అయిన బార్సిలోనాలో ఫిబ్రవరి 27నుంచి మార్చి 2వరకు నిర్వహించనున్నారు. నాలుగు రోజుల పాటు జరిగే ఈ మెగా ఈవెంట్‌‌లో భాగంగా పురస్కరించుకుని తమ తమ కొత్త మొబైల్ ఫోన్‌లను లాంచ్ చేసేందుకు ప్రముఖ బ్రాండ్‌లు పోటీపడుతున్నాయి.

ఒకప్పుడు దిగ్గజ కంపెనీగా పేరొందిన నోకియా, MWC 2017తో మార్కెట్ రీఎంట్రీ ఇవ్వాలనుకుంటోంది. ఇందుకు గాను ఫిబ్రవరి 26న ఓ ప్రత్యేక లాంచ్ ఈవెంట్‌ను కూడా నోకియా ఏర్పాటు చేసింది. ఈ కార్యక్రమంలో భాగంగా నోకియా పీ1, నోకియా 8, నోకియా డీ2సీ, నోకియా 3, నోకియా 3310 వంటి ఫోన్‌లతో పాటు పలు హెల్త్ డివైసెస్, వీఆర్ హెడ్‌సెట్‌లను కూడా లాంచ్ చేసేందుకు HMD గ్లోబల్ సిద్ధంగా ఉన్నట్లు రూమర్ మిల్స్ చెబుతున్నాయి.

ఈ ప్రీ MWC ఈవెంట్‌ను నోకియా లైవ్ స్ట్రీమ్ చేయనుంది. Nokia OZO ద్వారా ఈ కార్యక్రమాన్ని 360 డిగ్రీ అనుభూతులతో వీక్షించే అవకాశాన్ని కల్పిస్తున్నారు. ఇదే సమయంలో నోకియా యూట్యూబ్ ఛానల్ కూడా ఈ కార్యక్రమాన్ని 3డీ ఫార్మాట్ లో ప్రత్యక్ష ప్రసారం చేయబోతోంది. నోకియా అఫీషియల్ ఫేస్‌బుక్ పేజీలో కూడా ఈ కార్యక్రమాన్ని టెలికాస్ట్ చేయబోతున్నట్లు సమాచారం.

నోకియా యూట్యూబ్ ఛానల్ లింక్

నోకియా ఫేస్‌బుక్ పేజీ లింక్