నోకియా కొత్త ఫోన్ ఇండియాలో లాంచ్ అయింది! అత్యధిక ధర కలిగిన నోకియా ఫోన్ ఇదే!

నోకియా తన కొత్త స్మార్ట్‌ఫోన్ నోకియా X30 5G స్మార్ట్ ఫోన్ ని లాంచ్ చేసింది. ఇది "పర్యావరణ అనుకూలమైనది" అని సంస్థ పేర్కొంది. ఇప్పటి వరకు నోకియా యొక్క అత్యుత్తమ కెమెరా అయిన ప్యూర్‌వ్యూ కెమెరా తో ఈ స్మార్ట్‌ఫోన్ విడుదల చేయబడింది. నోకియా X30 5G ప్రకాశవంతమైన రంగులు మరియు మృదువైన డిస్ప్లే డిజైన్ తో 6.43-అంగుళాల 90 Hz ప్యూర్ డిస్ప్లేను కలిగి ఉంది. ఈ కొత్త ఫోన్‌ను నోకియా రూ.48,999 ప్రారంభ ధరకు ఇండియాలో లాంచ్ చేసింది. ఇండియన్ మార్కెట్లో ఉన్న అన్ని నోకియా ఫోన్లలో ఇదే అత్యధిక ధర కలిగిన ఫోన్.

ఈ కొత్త స్మార్ట్‌ఫోన్, ప్రీ-బుకింగ్ కోసం ప్రస్తుతం అందుబాటులో ఉంది. ఈ ఫోన్ రెండు ఆసక్తికరమైన రంగులలో వస్తుంది. క్లౌడీ బ్లూ లేదా ఐస్ వైట్ కలర్ లలో ఇది వస్తుంది. ఈ ఫోన్ ఫిబ్రవరి 20 నుండి అమెజాన్ మరియు నోకియా వెబ్సైటు లలో ప్రత్యేకంగా సేల్ చేయబడుతుంది.

నోకియా X30 5G స్మార్ట్ ఫోన్ 100 శాతం రీసైకిల్ అల్యూమినియం మరియు 65 శాతం రీసైకిల్ ప్లాస్టిక్‌తో తయారు చేయబడింది మరియు ఈ ఫోన్ 1 సంవత్సరం పాటు వారంటీతో వస్తుంది. "నోకియా X30 5G స్థిరత్వం మరియు మన్నిక ను రెండింటినీ దృష్టిలో ఉంచుకుని నిర్మించబడింది" అని నోకియా తెలిపింది.

ఈ ఫోన్‌లో 13MP అల్ట్రా-వైడ్ కెమెరాతో కూడిన 50MP ప్యూర్‌వ్యూ కెమెరా ఉంది, ఇది కంటెంట్‌ను మరింత వివరంగా సంగ్రహించడానికి కృత్రిమ మేధస్సు (AI) మరియు ఆప్టికల్ ఇమేజ్ స్టెబిలైజేషన్ (OIS) టెక్నాలజీ ని ఉపయోగిస్తుంది.

ఈ స్మార్ట్‌ఫోన్ క్యాప్చర్ ఫ్యూజన్‌ ఫీచర్ ను కలిగి ఉంది, ఇది అద్భుతమైన నేచర్ ఫోటోలను అందించడానికి అల్ట్రా వైడ్ యాంగిల్ షాట్‌లకు ప్రధాన కెమెరాకు శక్తిని అందిస్తుంది.
నోకియా X30 5G ఫోన్లో డార్క్ విజన్ మరియు నైట్ సెల్ఫీ ,సన్ డౌన్ ఫీచర్లు కారణంగా చాలా అద్భుతమైన ఫోటోలు మరియు సెల్ఫీలను అందిస్తుంది.

ఈ స్మార్ట్‌ఫోన్‌లోని కెమెరా DX+ తో స్క్రాచ్ రెసిస్టెంట్ కార్నింగ్ గొరిల్లా గ్లాస్ ద్వారా రక్షించబడింది, ఇది లెన్స్ ద్వారా మొత్తం కాంతిలో 98 శాతం అనుమతిస్తుంది. ఈ ఫోన్ 16MP ఫ్రంట్ సెల్ఫీ కెమెరాతో వస్తుంది మరియు 5G పనితనాన్ని ఆప్టిమైజ్ చేయడానికి క్వాల్కమ్ స్నాప్ డ్రాగన్ 695 ప్రాసెసర్‌తో అమర్చబడి ఉంటుంది. ఇది కాకుండా, నోకియా X30 5G నైట్ మోడ్ 2.0తో వస్తుంది, ఇది క్లీన్, నేచురల్ మరియు బ్యాలెన్స్‌డ్ నైట్ వ్యూని క్యాప్చర్ చేయడంలో సహాయపడుతుంది.ఈ ఫోన్ స్థిరంగా ఉన్నప్పుడు లేదా ట్రైపాడ్‌పై మౌంట్ చేసినప్పుడు ఆటోమేటిక్‌గా ఎనేబుల్ చేయడానికి ట్రైపాడ్ మోడ్ లాంగ్ ఎక్స్‌పోజర్ ఫీచర్ కలిగి ఉంది. ఇంకా, ఇది బెస్ట్ క్వాలిటీ నైట్ ఫోటోలను క్యాప్చర్ చేస్తుంది.

టెక్ సెక్టార్‌లో నోకియా ఎవర్‌గ్రీన్ మొబైల్ బ్రాండ్‌గా పేరుగాంచిన విషయం మనకు తెలిసిందే. ఫోన్లు మాత్రమే కాదు, స్మార్ట్ టీవీలు, ల్యాప్‌టాప్ ల తో సహా స్మార్ట్ ట్యాబ్ ల మార్కెట్‌లో కూడా Nokia కంపెనీ తనదైన ఆధిపత్యాన్ని కలిగి ఉంది. ఇటీవలే, నోకియా కంపెనీ కొత్త నోకియా T21 టాబ్లెట్‌ను ట్యాబ్లెట్ మార్కెట్‌లో విడుదల చేసింది. 8,200mAh కెపాసిటీ గల పెద్ద బ్యాటరీ బ్యాకప్‌తో, ఈ ట్యాబ్ యువత కోరికల మేరకు రూపొందించబడింది. Nokia కంపెనీ కొత్త Nokia T21 టాబ్లెట్‌ను పరిచయం చేసింది. గ్రే కలర్ ఆప్షన్‌లో మాత్రమే ప్రారంభించబడిన ఈ ట్యాబ్ 400 నిట్స్ బ్రైట్‌నెస్‌ను అందించే డిస్‌ప్లేను కలిగి ఉంది. ఇది LED ఫ్లాష్‌తో ఒకే వెనుక కెమెరాను కూడా కలిగి ఉంటుంది. అంతేకాకుండా, ఈ స్మార్ట్‌ట్యాబ్ డస్ట్ మరియు వాటర్ ప్రూఫ్ కోసం IP52 రేటింగ్‌ను కలిగి ఉంది.