గూగుల్ పే యాప్ ద్వారా రైల్వే టికెట్ బుక్ చేసుకోవడం ఎలా ?

గూగుల్ పే యాప్

ఇకపై రైలు టికెట్ బుక్ చేయడానికి మీ ఫోన్‌లో ఐఆర్‌సీటీసీ యాప్ లేకపోయినా గూగుల్ పే యాప్ ఉంటే చాలు. టికెట్ బుకింగ్, క్యాన్సిలేషన్, ట్రెయిన్ స్టేటస్ లాంటి సేవల్ని పొందొచ్చు. అయితే ఇలా చేయాలంటే మీకు ముందుగానే ఐఆర్‌సీటీసీ అకౌంట్ ఉండాలి. గూగుల్ పే యాప్‌లో ఐఆర్‌సీటీసీ అకౌంట్ క్రియేట్ చేయడం సాధ్యం కాదు.

ఎలా బుక్ చేయాలి

ముందుగా మీ గూగుల్ పే యాప్ ఓపెన్ చేయండి. తర్వాత కనిపించే పేజీలో 'Book train tickets' అనే ఆప్సన్ క్లిక్ చేయాలి. మీరు రైలు ఎక్కాల్సిన స్టేషన్, గమ్యస్థానం, తేదీ, కోటా వివరాలు అందులో ఎంటర్ చేయాలి. మీరు ఏ రైలు ఎక్కాలనుకుంటున్నారో దాన్ని ఎంచుకుని ఆ తర్వాత మీ ఐఆర్‌సీటీసీ యూజర్ నేమ్, పేరు, ఫోన్‌ నెంబర్, వయస్సు లాంటి వివరాలు ఎంటర్ చేయాలి. తర్వాతి పేజీలో ఐఆర్‌సీటీసీ అకౌంట్ పాస్‌వర్డ్ ఎంటర్ చేసి పేమెంట్ చేయాలి.

IRCTC TikTok Contest

ఇదిలా ఉంటే #HoliwithIRCTC పేరుతో ఐఆర్‌సీటీసీ ఓ కాంటెస్ట్ ప్రకటించింది. Holi పర్వదినాన్ని మరింత ఆనందకరంగా జరుపుకునేందుకు ఈ కాంటెస్ట్ తీసుకువచ్చింది. దీి ద్వారా మీరు మీ ఫోన్‌లోని టిక్‌టాక్ యాప్‌లో ఏదైనా బాలీవుడ్ హోళీ పాటకు పెర్ఫామ్ చేసి ప్రైజులు గెలుచుకోవచ్చు.

మీరు చేయాల్సింది

మీ పాటను టిక్‌టాక్ యాప్‌లో రికార్డ్ చేయాలి. మీకు ఆ పాట ఎందుకు ఇష్టమో అందులో తెలపాలి. దాంతోపాటు మీ ఫేవరెట్ ట్రావెల్ డెస్టినేషన్ ఏదో కూడా చెప్పాలి. ఆ వీడియోను ఐఆర్‌సీటీసీకి పంపాలి. కంటెస్టెంట్స్ పంపిన వీడియోల్లో ఉత్తమమైనవి ఎంపిక చేసి ప్రైజులు ప్రకటించనుంది. మరిన్ని వివరాలకు IRCTC ట్విట్టర్ పేజీని చూడవచ్చు.