వాహనదారులకు శుభవార్త... ఇప్పుడు సరికొత్త ఫీచర్లతో డ్రైవింగ్ లైసెన్స్

ఒకే రంగు, ఒకే డిజైన్, ఒకే సెక్యూరిటీ ఫీచర్లతో...

అన్ని రాష్ట్రాలు , కేంద్రపాలిత ప్రాంతాల్లో ఒకే రంగు, ఒకే డిజైన్, ఒకే సెక్యూరిటీ ఫీచర్లతో ఈ సరికొత్త డ్రైవింగ్ లైసెన్సులు, ఆర్సీలు ప్రవేశపెట్టనున్నారు. ఇండియన్ యూనియన్ డ్రైవింగ్ లైసెన్స్ పేరుతో దీన్ని జారీ చేస్తారు. వాహన డ్రైవర్ పేరు, బ్లడ్ గ్రూప్, అవయవదానం చేస్తామంటూ ఇచ్చే డిక్లరేషన్ వివరాల్ని కూడా కొత్త డ్రైవింగ్ లైసెన్స్‌పై పొందుపరుస్తారు.

దివ్యాంగులైతే వారి కోసం ప్రత్యేకంగా తయారుచేసిన వాహనం ఉంటే...

ఒకవేళ దివ్యాంగులైతే వారి కోసం ప్రత్యేకంగా తయారుచేసిన వాహనం ఉంటే ఆ వివరాల్ని కార్డుపై ముద్రిస్తారు. దేశవ్యాప్తంగా ప్రతి రోజూ 32వేల కొత్త డ్రైవింగ్ లైసెన్సులు(నెలకు సుమారు 9.6 లక్షలు) జారీ లేదా రెన్యువల్ చేస్తున్నారు.

నిత్యం 43వేల వాహనాలు కొత్తగా రిజిస్టర్ అవుతున్నాయి....

అలాగే నిత్యం 43వేల వాహనాలు(నెలకు సుమారు 13 లక్షలు) కొత్తగా రిజిస్టర్ లేదంటే రీ-రిజిస్టర్ అవుతున్నాయి. వీరందరికీ కొత్తగా ప్రవేశపెట్టే లైసెన్సులు, ఆర్సీలను రవాణాశాఖ జారీచేయనున్నది. ఈ స్మార్ట్ కార్డుల ప్రక్రియ నిరంతరం సాగుతుందని రవాణాశాఖ ఉన్నతాధికారి ఒకరు చెప్పారు. ఇందుకు సంబంధించిన ప్రక్రియను కేంద్ర రోడ్డు, రవాణా మంత్రిత్వశాఖ ఇప్పటికే ప్రారంభించింది.

కొత్త కార్డుల ధర....

ఈ కొత్త కార్డుల ధర 15 నుంచి 20 రూపాయలకు మించకపోవచ్చు . వాహనం కాలుష్య నియంత్రణ పరీక్షను రెగ్యూలర్‌గా చేయిస్తున్నారా? లేదా? అని తెలిపే ఫీచర్‌ను సైతం ఆర్సీలో పొందుపర్చారు తద్వారా వాహనం బీఎస్-4/బీఎస్-6 ప్రమాణాలకు అనుగుణంగా ఉన్నదా? లేదా? అనే విషయం తెలిసిపోతుంది.

వాహనానికి సంబంధించిన కాలుష్య పరీక్షల గురించి....

ఇప్పటివరకూ వాహనానికి సంబంధించిన కాలుష్య పరీక్షల గురించి యజమానిని అడగాల్సి వచ్చేది. కొత్త స్మార్ట్ కార్డులతో ఇక అవసరం ఉండదు. ప్రతీ అంశం ఇందులో నమోదవుతుంది. లైసెన్సు, ఆర్సీ స్మార్ట్ కార్డుల జారీ ద్వారా వాహనాలు, డ్రైవర్లకు సంబంధించిన సంపూర్ణ సమాచారాన్ని సులువుగా తెలుసుకోవచ్చు

తాజా స్మార్ట్ కార్డుల ద్వారా....

తాజా స్మార్ట్ కార్డుల ద్వారా కేంద్రం నిర్వహణలోని సెంట్రల్ డాటాబేస్‌లో వాహన్(వాహనాలు), సారథి(డ్రైవర్ల)కు సంబంధించిన పూర్తి సమాచారాన్ని నిల్వ చేయవచ్చు.