OnePlus 12 ధర, సేల్ వివరాలు లీక్! లాంచ్ ఈవెంట్ వివరాలు

OnePlus సంస్థ జనవరి 23న భారతదేశంలో OnePlus 12 మరియు OnePlus 12R స్మార్ట్‌ఫోన్‌లను లాంచ్ చేయడానికి సిద్ధంగా ఉంది. జనవరి 23, 2024న స్మూత్ బియాండ్ బిలీఫ్ అనే లాంచ్ ఈవెంట్‌ను నిర్వహిస్తోంది. ఈ ఈవెంట్‌లో, భారతదేశంలో 3 కొత్త OnePlus ఉత్పత్తులు ప్రారంభించబడతాయి. ఈ పరికరాలు అమెజాన్ ద్వారా భారతదేశంలో విక్రయించబడతాయని ఇప్పటికే నిర్ధారించబడింది.

ఈ పరికరాలు రెండూ ఇప్పటికే చైనాలో లాంచ్ అయినందున వాటి స్పెసిఫికేషన్‌ల గురించి కూడా తెలిసిన విషయమే. ఇప్పుడు, మనము ఈ పరికరాల యొక్క అధికారిక లాంచ్ కోసం వేచి ఉండగా, OnePlus 12 యొక్క ధర మరియు సేల్ తేదీని టిప్‌స్టర్ అభిషేక్ యాదవ్ X (గతంలో ట్విట్టర్)లో లీక్ ద్వారా వెల్లడించారు.

భారతదేశంలో OnePlus 12R సేల్ ఫిబ్రవరిలో ప్రారంభమవుతుంది
ప్రముఖ టిప్‌స్టర్ అభిషేక్ పంచుకున్న వివరాల ప్రకారం, భారతదేశంలో OnePlus 12 ధర బేస్ 12GB RAM మోడల్ కోసం రూ.64,999 నుండి ప్రారంభమవుతుంది. ఈ లీక్ ప్రకారం 16GB RAM కలిగిన వేరియంట్ రూ.69,999 కి రిటైల్ అవుతుంది. వన్‌ప్లస్ 12 సేల్ జనవరి 30 నుండి ప్రారంభమవుతుంది, అయితే వన్‌ప్లస్ 12R దేశంలో ఫిబ్రవరిలో అంటే వచ్చే నెలలో సేల్ కు వస్తుందని టిప్‌స్టర్ పోస్ట్ ప్రకారం తెలుస్తోంది.

వన్‌ప్లస్ 12 యొక్క ఇండియా వేరియంట్ చైనీస్ మోడల్‌లో ఉన్న స్పెసిఫికేషన్‌లను అందిస్తుందని మనము ఆశించవచ్చు. గుర్తు చేసుకుంటే, వన్ ప్లస్ 12 2K రిజల్యూషన్ మరియు 120Hz రిఫ్రెష్ రేట్‌తో 6.82 అంగుళాల అమోలెడ్ డిస్‌ప్లేను కలిగి ఉంది. ఈ పరికరం క్వాల్కమ్ యొక్క స్నాప్‌డ్రాగన్ 8 జెన్ 3 SoC ద్వారా పనిచేస్తుంది. ఇది గరిష్టంగా 24GB RAM మరియు 1TB అంతర్గత స్టోరేజీ తో జత చేయబడింది.

ఇంకా, ఈ పరికరం 50MP ట్రిపుల్-కెమెరా సెటప్, 32MP సెల్ఫీ కెమెరా మరియు 5,400mAh బ్యాటరీని కలిగి ఉంది. ఇది 100W వైర్డు ఫాస్ట్ ఛార్జింగ్ మరియు 50W వైర్‌లెస్ ఛార్జింగ్‌కు కూడా మద్దతు ఇస్తుంది.

ఇక OnePlus 12R విషయానికొస్తే, ఈ స్మార్ట్‌ఫోన్ ఈ నెల ప్రారంభంలో చైనాలో లాంచ్ అయిన OnePlus Ace 3 యొక్క రీబ్రాండ్‌గా వస్తుంది. OnePlus 12R ఫోన్ 1.5K రిజల్యూషన్‌తో 6.78-అంగుళాల LTPO అమోలెడ్ డిస్‌ప్లే, స్నాప్‌డ్రాగన్ 8 Gen 2 ప్రాసెసర్, 16GB వరకు RAM, 1TB ఇంటర్నల్ స్టోరేజ్, 50MP ట్రిపుల్-కెమెరా సెటప్, 16MP సెల్ఫీ కెమెరా మరియు ఇన్ -డిస్‌ప్లే ఫింగర్‌ప్రింట్ సెన్సార్.

వన్‌ప్లస్ 12 సిరీస్‌తో పాటు, వన్‌ప్లస్ వన్‌ప్లస్ బడ్స్ 3ని కూడా ఈ ఈవెంట్ లో లాంచ్ చేస్తుంది. వన్‌ప్లస్ బడ్స్ 3ని వన్‌ప్లస్ Ace 3 తో పాటు ఆవిష్కరించింది. వన్‌ప్లస్ బడ్స్ 3 ఇయర్ బడ్స్ 10.4 mm డ్రైవర్ మరియు ఇన్-ఇయర్ స్టెమ్ డిజైన్‌ను కలిగి ఉంది. ఇంకా, ఇయర్‌బడ్స్‌లో 49dB ANC సపోర్ట్, IP55 రేటింగ్, AAC, SBC కోడెక్ సపోర్ట్ మరియు 6.5 గంటల బ్యాటరీ లైఫ్ ఉన్నాయి.

OnePlus స్మూత్ బియాండ్ బిలీఫ్ - లైవ్ స్ట్రీమింగ్ వివరాలు:
ఈ కార్యక్రమం న్యూఢిల్లీలోని ప్రగతి మైదాన్‌లో జరుగుతుంది. హాజరు కావాలనుకునే వారు PayTM ఇన్‌సైడర్ మరియు OnePlus ఆన్‌లైన్ స్టోర్ ద్వారా టిక్కెట్‌లను కొనుగోలు చేయవచ్చు. ఉచితంగా, ఆన్‌లైన్‌లో చూడాలనుకునే వారు అధికారిక OnePlus వెబ్‌సైట్ మరియు OnePlus YouTube ఛానల్ ద్వారా స్మూత్ బియాండ్ బిలీఫ్ ఈవెంట్‌ను ప్రత్యక్షంగా చూడవచ్చు.