వన్‌ప్లస్ ‘5టీ’ ధర ఎంతంటే..?

వన్‌ప్లస్ 5టీ లాంచ్‌కు సమయం సమీపిస్తోంది. నవంబర్ 16న న్యూయార్క్‌లో నిర్వహించే ప్రత్యేక ఈవెంట్‌లో భాగంగా ఈ ఫ్లాగ్‌షిప్ డివైస్‌ను వన్‌ప్లస్ ప్రపంచానికి పరిచయం చేయబోతోంది. ఈ క్రమంలో తన లేటెస్ట్ ఫోన్‌కు సంబంధించిన ఒక్కో హింటును వన్‌ప్లస్ రివీల్ చేస్తూ వస్తోంది.

తాజాగా వన్‌ప్లస్ 5టీకి సంబంధించిన ప్రైస్ పాయింట్‌ను కంపెనీ సీఈఓ Pete Lau రివీల్ చేసారు. ఓ Weibo యూజర్ అడిగిన ప్రశ్నకు సమాధానంగా ఈ ఫోన్ ధర 4,000 Yuan (రూ.39,000)లోపు ఉండొచ్చని ఆయన సమాధానమిచ్చారు. ఈ ధరను బట్టి చూస్తుంటే వన్‌ప్లస్ 5తో పోలిస్తే 5టీ మోడల్ ధర రూ.5,000 ఎక్కువుగా ఉండొచ్చని తెలుస్తోంది.

ప్రముఖ బెంచ్ మార్కింగ్ యాప్ AnTuTu, వన్‌ప్లస్ 5టీకి సంబంధించిన లిస్టింగ్స్‌ను ఇప్పటికే రివీల్ చేయటం జరిగింది. ఈ యాప్ వెల్లడించిన వివరాల ప్రకారం వన్‌ప్లస్ 5టీ స్మార్ట్‌ఫోన్ 20 మెగా పిక్సల్ + 20 మెగా పిక్సల్ కెమెరాతో పాటు సరికొత్త 18:9 స్ర్కీన్‌తో రాబోతోంది.

ఆండ్రాయిడ్ 8.0 Oreo సాఫ్ట్‌వేర్ పై రన్ అయ్యే ఈ స్మార్ట్‌ఫోన్‌లో 8జీబి ర్యామ్‌తో పాటు 128జీబి ఇంటర్నల్ స్టోరేజ్ సౌకర్యం ఉంటుందని AnTuTu లిస్టింగ్ పేర్కొంది. ఇదిలా ఉండగా, చైనా చెందిన ప్రముఖ ఈ-కామర్స్ సైట్ oppomart వన్‌ప్లస్ 5టీకి సంబంధించిన ప్రీ-ఆర్డర్స్‌ను ఇప్పటికే స్వీకరిస్తోంది. 64జీబి స్టోరేజ్ వేరియంట్ ధర $549 (ఇండియన్ కరెన్సీలో ఈ విలువ రూ.35,775), 128జీబి స్టోరేజ్ వేరియంట్ ధర $649 (ఇండియన్ కరెన్సీలో ఈ విలువ రూ.42,292)

భారత్‌లో ఈ ఫోన్‌కు సంబంధించిన ప్రీ-ఆర్డర్ పేజీని SlashLeaks అనే టెక్నాలజీ డిస్కషన్ ప్లాట్‌ఫామ్ కొద్ది రోజుల క్రితం లీక్ చేసింది. ఈ ఇమేజ్‌లో సూచించబడుతోన్న సమాచారం ప్రకారం OnePlus 5T నవంబర్ 16న మార్కెట్లో లాంచ్ కాబోతోంది. Amazon ఇండియాలో మాత్రమే ఈ ఫోన్ ఎక్స్‌క్లూజివ్‌గా లభ్యంకానుందట. సేల్ కూడా నవంబర్‌లోనే ప్రారంభమవుతుందని ఈ పేజ్ సజెస్ట్ చేస్తోంది.