OnePlus కొత్త ప్రోగ్రామ్ ! మీకు కావలసిన వస్తువు, ఎలాంటి ఫీచర్ల తో ఉండాలో చెప్పండి 

సెలెబ్రేషన్స్ సందర్భంగా

OnePlus ప్రెసిడెంట్ కిండర్ లియు మాట్లాడుతూ, "మేము 'నెవర్ సెటిల్' అనే నినాదంతో జీవిస్తున్నాము మరియు కస్టమర్‌లకు ఉత్తమమైన ఉత్పత్తులు మరియు అనుభవాలను అందించడానికి కట్టుబడి ఉన్నాము. మా వినియోగదారుల నుండి విలువైన అభిప్రాయం, అంతర్దృష్టులు మరియు ఆలోచనలు మమ్మల్ని అన్వేషించడానికి మరియు సవాలు చేయడానికి మమ్మల్ని ప్రేరేపిస్తాయి. " అని చెప్పారు.

వన్‌ప్లస్ ఫీచర్

OnePlus అనేది ఒక బ్రాండ్, ఇంకా తమ కమ్యూనిటీ యొక్క అభిప్రాయాలను చాలా విలువైనవిగా భావిస్తుంది.  మరియు తమ వినియోగదారులతో ఎల్లప్పుడూ సంబంధాలు కొనసాగిస్తు ఉంటుంది. బహుశా మరే ఇతర బ్రాండ్ చేయనట్లుగా. వన్‌ప్లస్ ఫీచర్ అనేది బ్రాండ్ తన కస్టమర్‌లు ఏమి కోరుకుంటున్నారో తెలుసుకోవడానికి ఒక కొత్త ఆరంభం అని చెప్పవచ్చు.

OnePlus ఫీచర్: కొత్త కో-క్రియేషన్ ప్లాట్‌ఫారమ్

OnePlus ఫీచర్ ప్లాట్‌ఫారమ్‌లో, OnePlus ఇప్పుడు తమ కొత్త ఉత్పత్తులను సహ-సృష్టించడానికి వినియోగదారులను ఆహ్వానిస్తోంది. కొత్త 'వన్‌ప్లస్ ఫీచరింగ్' ప్లాట్‌ఫారమ్‌లో సహ-సృష్టించబడిన మార్కెట్-సిద్ధమైన ఉత్పత్తిని పరిచయం చేయనున్నట్లు OnePlus తెలిపింది. ఈ సంవత్సరం ప్రారంభంలో, OnePlus తమ తదుపరి ఏ ఉత్పత్తిని తయారు చేయాలో నిర్ణయించడానికి కస్టమర్ల నుండి అభిప్రాయాన్ని తీసుకుంది. ఈ అభిప్రాయాలలో  యాంత్రిక మరియు అనుకూలీకరించదగిన కీబోర్డ్‌ లాంచ్ చేయాలనీ వచ్చింది. OnePlus Keychronతో భాగస్వామ్యం కలిగి ఉంది మరియు ఒక ఉత్పత్తిని సహ-సృష్టించడానికి OnePlus పరిశ్రమ ప్లేయర్‌తో భాగస్వామ్యం చేయడం ఇదే మొదటిసారి. ఈ కీబోర్డ్ 2023లో విడుదలయ్యే అవకాశం ఉంది.

వన్‌ప్లస్ AR గ్లాసెస్‌

అయితే అతి త్వరలో, వన్‌ప్లస్ కమ్యూనిటీతో కలిసి రూపొందించిన డఫెల్ బ్యాగ్ మరియు AR గ్లాసెస్‌ను కూడా విడుదల చేయనుంది. OnePlus ఫీచర్ ప్లాట్‌ఫారమ్‌లో, వినియోగదారులు కొత్త ఉత్పత్తి కోసం వారి సూచనలను అందించవచ్చు, ఉత్తమ డిజైన్‌లకు ఓటు వేయవచ్చు మరియు ఉత్పత్తిని వాణిజ్యపరంగా ప్రారంభించే వరకు వేచి ఉండవచ్చు. OnePlus తన కస్టమర్‌లతో ఇంటరాక్ట్ అవ్వడానికి ఇది ఖచ్చితంగా ఒక ఆసక్తికరమైన మార్గం, అవుతుందని చెప్పవచ్చు.

నాలుగు సంవత్సరాల పాటు

ఇటీవలే, కన్స్యూమర్ ఎలక్ట్రానిక్స్ బ్రాండ్ అయిన OnePlus, 2023 నుండి ఎంపిక చేసిన తమ పరికరాలకు నాలుగు సంవత్సరాల పాటు ఆండ్రాయిడ్ అప్‌డేట్‌లను అందజేయనున్నట్లు ఇటీవల ప్రకటించింది.ఇది మీకు తెలిసిన విషయమే. అలాగే, ఈ ఎంపిక చేసిన పరికరాలకు ఐదేళ్ల పాటు సెక్యూరిటీ అప్డేట్ లు లభిస్తాయి. దీని కారణంగా వినియోగదారులు తమ పరికరాలను సౌకర్యవంతమైన పద్ధతిలో ఎక్కువ కాలం ఉంచుకోగలుగుతారు.

ప్రస్తుతం

ప్రస్తుతం, OnePlus పరికరాలు 2 సంవత్సరాల పాటు ప్రధాన Android అప్డేట్ లను  మరియు 3 సంవత్సరాల పాటు సెక్యూరిటీ అప్డేట్ లను పొందుతాయి. మరిన్ని Android OS అప్‌డేట్‌లు మరియు సెక్యూరిటీ అప్‌డేట్‌లు కూడా ఈ పరికరానికి మెరుగైన విలువను సూచిస్తాయి. కానీ ఇక్కడ గమనించవలసిన ముఖ్య విషయం ఏమిటంటే, ఎంచుకున్న కొన్ని పరికరాలు మాత్రమే కంపెనీ నుండి ఈ అనేక నవీకరణలను పొందుతాయి. ఇవి ఫ్లాగ్‌షిప్ ఫోన్‌లు కావచ్చు. 2023లో, OnePlus నుండి ఫ్లాగ్‌షిప్ సిరీస్ OnePlus 11 లాంచ్ కు సిద్ధం అవుతోంది. పరికరం ఇప్పటికే అందిన సమాచారం ప్రకారం ఈ ఫోన్ ఆండ్రాయిడ్ 13లో రన్ అయ్యే అవకాశం ఉంది. అంటే, మరో నాలుగు సంవత్సరాల పాటు అంటే  Android 17 సిరీస్ వరకు ఈఫోన్లకు అప్‌డేట్‌లను పొందవచ్చు.