కొత్త ఫోన్ లాంచ్ అయిన వారం లోపే, మరో OnePlus ఫోన్ లీక్! వివరాలు

ఇటీవల, వన్ ప్లస్ భారతదేశంలో వన్ ప్లస్ నోర్డ్ CE 3 లైట్ ని ప్రారంభించిన తర్వాత, కంపెనీ మరోక స్మార్ట్‌ఫోన్ ను విడుదల చేయడానికి సన్నద్ధమవుతున్నట్లు నివేదికలు తెలియచేస్తున్నాయి. వన్ ప్లస్ నోర్డ్ 3 గా పిలువబడే ఈ స్మార్ట్‌ఫోన్ వన్ ప్లస్ నోర్డ్ మరియు వన్ ప్లస్ నోర్డ్ 2 ఫోన్లకు కొనసాగింపుగా వస్తుంది.

తాజా కొత్త లీక్ ప్రకారం, ఈ ఫోన్ భారతదేశంలో "ఇప్పటి నుండి 6 లేదా 8 వారాలలో " లాంచ్ చేయబడుతుందని అంచనాలున్నాయి. అధికారిక లాంచ్ కంటే చాలా ముందుగానే స్మార్ట్‌ఫోన్ స్పెసిఫికేషన్‌లు మరియు ధరలను వెల్లడించేటప్పుడు మంచి ట్రాక్ రికార్డ్ ఉన్న యోగేష్ బ్రార్ నుండి లీక్ వచ్చింది.

ఈ లీక్ స్టార్ ఒక ట్వీట్‌లో, వన్ ప్లస్ నోర్డ్ 3 ధర రూ. 30K నుండి 40K వరకు ఉంటుందని బ్రార్ పేర్కొన్నాడు. కంపెనీ ప్రతి కొత్త తరం ఫోన్ ధరను పెంచుతున్నందున ఇది ఏమి ఆశ్చర్యం కలిగించదు. 2020లో లాంచ్ అయిన ఒరిజినల్ నోర్డ్ ధర 64GB స్టోరేజ్ ఆప్షన్ కోసం రూ.24,999 గ ఉండేది. వన్ ప్లస్ నోర్డ్ 2 5G భారతదేశంలో 6GB RAM మరియు 128GB నిల్వతో బేస్ వేరియంట్ రూ.27,999 వద్ద లాంచ్ అయింది. గతేడాది నోర్డ్ 2T ప్రారంభ ధర రూ.28,999 తో ప్రారంభించబడింది.

ధర మాత్రమే కాకుండా, వన్ ప్లస్ నోర్డ్ 3 120Hz రిఫ్రెష్ రేట్‌తో 6.7 అంగుళాల 1.5K అమోలెడ్ డిస్‌ప్లేను కలిగి ఉంటుందని ట్వీట్ చేసాడు. ఇది మీడియా టెక్ యొక్క డైమెన్సిటీ 9000 SoC మరియు 5,000 mAh బ్యాటరీని కలిగి ఉండవచ్చు. ఈ బ్యాటరీ 80W ఫాస్ట్ ఛార్జింగ్‌కు మద్దతు ఇవ్వవచ్చు, ఇది ఛార్జింగ్ స్పీడ్ పరంగా వన్ ప్లస్ ప్రత్యర్థుల కంటే మెరుగ్గా ఉంటుంది.

బ్రార్ క్లెయిమ్ చేసిన ఇతర ముఖ్యమైన స్పెసిఫికేషన్లను గమనిస్తే, 64 మెగాపిక్సెల్ ప్రైమరీ సెన్సార్, 8 మెగాపిక్సెల్ సెకండరీ కెమెరా మరియు 2 మెగాపిక్సెల్ స్నాపర్‌తో కూడిన ట్రిపుల్ రియర్ కెమెరా సిస్టమ్ కలిగి ఉన్నాయి. ఇంకా, ముందు భాగంలో 16 మెగాపిక్సెల్ సెల్ఫీ కెమెరా ఉండవచ్చు. ఇది ఈ రోజుల్లో వన్ ప్లస్ ఫోన్‌లలో చాలా సాధారణమైనది.

వన్ ప్లస్ దాని నోర్డ్ సిరీస్‌తో చాలా ప్రయోగాత్మకంగా ఉన్నప్పటికీ, ఈ ట్వీట్ డిజైన్ గురించి ఏమీ పేర్కొనలేదు. ఇటీవల, వన్ ప్లస్ నోర్డ్ CE 3 లైట్ 5G కొత్త లైమ్ కలర్ ఆప్షన్ లతో లాంచ్ చేయబడింది. ఇది కొత్త వన్ ప్లస్ పోర్ట్‌ఫోలియో. సాధారణంగా, నోర్డ్ ఫోన్‌లు కొత్త CE 3 లైట్ నీలిరంగులో బాగా ప్రసిద్ధి చెందాయి ఈ ఫోన్ కూడా అదే రంగులో ఆశించవచ్చు.

వన్ ప్లస్ సంస్థ ఈ ఫోన్లో అలర్ట్ స్లయిడర్‌ ఫీచర్ ను ఉంచాలనుకుంటున్నట్లు ఊహాగానాలు ఉన్నాయి. ఈ స్లయిడర్ వినియోగదారులకు లౌడ్ మరియు సైలెంట్ ఆడియో మోడ్‌ల మధ్య సులభంగా మారడానికి సహాయపడుతుంది. వన్ ప్లస్ తన ఫోన్ యొక్క కొన్ని బడ్జెట్ ఫోన్‌లలో నోర్డ్ CE 2 లైట్ మరియు నోర్డ్ CE 2 లైట్ వంటి ఫోన్లలో ఈ స్లైడర్‌ను తీసివేసింది. అయితే, Nord 2T స్లయిడర్‌ని కలిగి ఉంటుంది. అలాగే,ఇప్పుడు నోర్డ్ 3లో కూడా ఆశించవచ్చు. వన్ ప్లస్ ఇంకా ఈ ఫోన్ యొక్క లాంచ్ ను అధికారికంగా ధ్రువీకరించలేదు గమనించగలరు.