OnePlus కొత్త ఫోన్ ఫీచర్లు లీక్! ధర వివరాలు చూడండి

OnePlus Nord N30 5G స్మార్ట్ ఫోన్, గత సంవత్సరం లాంచ్ అయిన OnePlus Nord N20 5G ఫోన్ కి కొనసాగింపుగా త్వరలో లాంచ్ చేయబడుతుంది అని భావిస్తున్నారు. అధికారిక ప్రకటన కంటే ముందే, ఈ నోర్డ్ సిరీస్ స్మార్ట్‌ఫోన్ గీక్ బెంచ్ బెంచ్‌మార్కింగ్ సైట్‌లో మొదట కనిపించింది.

వన్ ప్లస్ నోర్డ్ N30 5G స్మార్ట్ ఫోన్ ఆక్టా కోర్ స్నాప్‌డ్రాగన్ 695 SoC మరియు 8GB RAMతో చూపబడింది. ఈ జాబితా లో మోడల్ నంబర్ CPH2513 మరియు ఆండ్రాయిడ్ 13 ఆపరేటింగ్ సిస్టమ్‌ను సూచిస్తుంది. వన్ ప్లస్ నోర్డ్ N30 5G, వన్ ప్లస్ నోర్డ్ CE 3 Lite యొక్క రీబ్రాండెడ్ వెర్షన్‌గా US మార్కెట్‌లో విడుదల చేయబడుతుందని అంచనాలున్నాయి.

గీక్ బెంచ్ జాబితా మోడల్ నంబర్ CPH2513తో వన్ ప్లస్ స్మార్ట్‌ఫోన్‌ను చూపుతుంది. అదే మోడల్ నంబర్ ఇటీవల గూగుల్ ప్లే కన్సోల్ సైట్‌లో కూడా కనిపించింది మరియు ఆ తర్వాత వన్ ప్లస్ నోర్డ్ N30 5G గా పరిగణించబడింది. లీక్ అయిన జాబితా ప్రకారం, ఆక్టా-కోర్ చిప్‌సెట్ ఈ ఫోన్‌కు శక్తినిస్తుంది.

ఇది గరిష్టంగా 2.21GHz క్లాక్ స్పీడ్‌తో రెండు CPU కోర్లను మరియు 1.80GHz వద్ద క్యాప్ చేయబడిన ఆరు కోర్లను చూపుతుంది. దీని CPU వేగం స్నాప్‌డ్రాగన్ 695 SoCతో అనుబంధించబడింది. ఈ ఫోన్ 7.23GB RAM మెమరీని కూడా సైట్ చూపిస్తుంది. ఇంకా లీక్ వివరాల ప్రకారం 8GB RAM ను అందిస్తుంది.

బెంచ్‌మార్క్ జాబితా ప్రకారం వన్ ప్లస్ నోర్డ్ N30 5G స్మార్ట్ ఫోన్ లో ఆండ్రాయిడ్ 13 ని సూచిస్తుంది. ఇది 888 పాయింట్ల సింగిల్ కోర్ స్కోర్ మరియు 2076 పాయింట్ల మల్టీ కోర్ స్కోర్‌ను కలిగి ఉంటుంది. ఇవి ఈ OnePlus ఫోన్ యొక్క వాస్తవ పనితీరును తెలియచేయవు. గీక్‌బెంచ్‌లో కనిపించిన హ్యాండ్‌సెట్ కేవలం ప్రోటోటైప్ కావచ్చు మరియు విడుదలకు ముందు మరిన్ని అప్గ్రేడ్ లను పొందవచ్చు.

వన్ ప్లస్ నోర్డ్ N30 5G స్మార్ట్ ఫోన్ USలో వన్ ప్లస్ నోర్డ్ CE 3 లైట్ 5G యొక్క రీబ్రాండెడ్ వెర్షన్‌గా లాంచ్ అవుతుందని భావిస్తున్నారు. రెండోది భారతదేశంలో ఏప్రిల్‌లో ప్రారంభించబడింది, దీని ప్రారంభ ధర 8GB RAM + 128GB స్టోరేజ్ మోడల్ కోసం రూ. 19,999 గా ఉంది.

వన్ ప్లస్ నోర్డ్ CE 3 లైట్ 5G 120Hz డైనమిక్ రిఫ్రెష్ రేట్‌తో 6.72-అంగుళాల పూర్తి HD (1,080x2,400 పిక్సెల్‌లు) LCD డిస్‌ప్లేను కలిగి ఉంది. ఇది స్నాప్‌డ్రాగన్ 695 SoC ద్వారా ఆధారితం, 8GB LPDDR4X RAMతో జత చేయబడింది. హ్యాండ్‌సెట్ 108-మెగాపిక్సెల్ శామ్‌సంగ్ HM6 సెన్సార్ నేతృత్వంలోని ట్రిపుల్ రియర్ కెమెరా యూనిట్‌ను కలిగి ఉంది. ఇది 16-మెగాపిక్సెల్ సెల్ఫీ సెన్సార్‌ను కలిగి ఉంది మరియు 256GB UFS 2.2 స్టోరేజీ వరకు ప్యాక్ చేస్తుంది.ఇంకా ఈ ఫోన్ 67W సూపర్ ఊక్ వైర్డ్ ఛార్జింగ్‌కు మద్దతు ఇచ్చే 5,000mAh బ్యాటరీతో మద్దతునిస్తుంది.