OnePlus కొత్త స్పీకర్ లు! డిజైన్ వివరాలు విడుదల

ప్రముఖ స్మార్ట్ ఫోన్ మరియు ఎలక్ట్రానిక్స్ తయారీ సంస్థ అయిన OnePlus త్వరలో దాని ఆడియో పరికరాల సిరీస్ ని విస్తరిస్తుందని ఊహించబడింది. నివేదికల ప్రకారం కంపెనీ మార్కెట్లోకి కొత్త OnePlus స్పీకర్‌ను విడుదల చేసే అవకాశం ఉంది. ఇది షెన్‌జెన్ ఆధారిత సంస్థ నుండి రాబోతున్న మొదటి స్పీకర్ అవుతుందని భావిస్తున్నారు. ఇప్పటివరకు, OnePlus వైర్డు మరియు వైర్‌లెస్ ఇయర్‌ఫోన్‌లు మరియు హెడ్‌ఫోన్‌ల శ్రేణిని కలిగి ఉంది.

ఈ సంవత్సరం ప్రారంభంలో, సంస్థ భారత దేశంలో నార్డ్ బడ్స్ 2R మరియు నార్డ్ బడ్స్ 2 ఇయర్ బడ్ లను విడుదల చేశారు. వారు త్వరలో వన్‌ప్లస్ బడ్స్ 3 ని కూడా ఆవిష్కరించాలని భావిస్తున్నారు. ఇటీవల, కంపెనీ స్పీకర్‌ను లాంచ్ చేయడాన్ని టీజ్ చేసింది. మరియు ఈ డిజైన్ ఎలా ఉంటుందో కూడా సూచించింది.

సంస్థ యొక్క అధికారిక ఇన్‌స్టాగ్రామ్ ఖాతా నుంచి పోస్ట్‌లో, వన్‌ప్లస్ స్పీకర్ యొక్క లాంచ్‌ను టీజ్ చేసింది. సంస్థ నుంచి మార్కెట్లోకి రాబోతున్న, మొట్టమొదటి స్పీకర్ ఇదే అని చెప్పబడింది. ఈ పోస్ట్ యొక్క క్యాప్షన్ ను గమనిస్తే "కొంత సంగీతాన్ని రూపొందించడానికి సిద్ధంగా ఉండండి" అని రాసి ఉంది. అలాగే,పోస్ట్‌లో సమాచారం ప్రకారం "త్వరలో రాబోతుంది" అనే ట్యాగ్‌తో పాటు, దీనికి "సంగీతం యొక్క అద్భుతం సాంకేతికత యొక్క శక్తిని కలిగిఉంటుంది " అనే ట్యాగ్‌లైన్ కూడా ఉంది.

టీజర్‌లో కనిపించే డిజైన్ స్పీకర్ యొక్క అంతర్గత హార్డ్‌వేర్‌ను చూపుతుంది. ఇది వివిధ దిశల్లో ఎదురుగా ఉన్న బహుళ వూఫర్‌లతో స్పీకర్‌ను చూపుతుంది. ఇది స్పీకర్ 360-డిగ్రీల ఆడియో అనుభవాన్ని అందించడాన్ని సూచించవచ్చు. అయితే, కంపెనీ ఈ రాబోయే ఉత్పత్తి గురించి మరిన్ని వివరాలను వెల్లడించలేదు. OnePlus నుండి రాబోయే స్పీకర్ యొక్క మోనికర్ గురించి కూడా పూర్తి వివరాలు తెలియవు.

OnePlus నుండి ఇంతవరకు విడుదలైన ఆడియో పరికరాలలో, Nord Buds 2R మరియు Nord Buds 2 ప్రముఖమైనవి, భారత మార్కెట్లో వీటి ధర వరసగా రూ. 2,199 మరియు రూ. 2,999 గా ఉన్నాయి. నార్డ్ బడ్స్ 2R డీప్ గ్రే మరియు ట్రిపుల్ బ్లూ కలర్ ఆప్షన్‌లలో అందించబడుతుంది. వాయిస్ కాల్స్ సమయంలో నాయిస్ తగ్గింపుకు మద్దతు ఇచ్చే ఈ బడ్స్‌లో 12.4mm డైనమిక్ డ్రైవర్‌లను ప్యాక్ చేస్తారు.

ఇది గరిష్టంగా 46 గంటల బ్యాటరీ జీవితాన్ని అందిస్తుందని పేర్కొంది. మరోవైపు, Nord Buds 2 యాక్టివ్ నాయిస్ క్యాన్సిలేషన్ సపోర్ట్‌ను కూడా కలిగి ఉంది మరియు ANC ఫీచర్ ఆఫ్ చేస్తే 36 గంటల పాటు బ్యాటరీ జీవితాన్ని అందిస్తుందని స్పెసిఫికేషన్లు తెలియచేస్తున్నాయి.

కంపెనీ, బడ్స్ 3 పై కూడా పని చేస్తుందని పేర్కొనబడింది. ఇది మెటాలిక్ ఫినిషింగ్‌తో వస్తుంది. 48dB యాక్టివ్ నాయిస్ క్యాన్సిలేషన్ (ANC), బ్లూటూత్ 5.3 లేదా గూగుల్ ఫాస్ట్ పెయిర్ మరియు డ్యూయల్ కనెక్షన్‌కి కూడా మద్దతు ఇచ్చే అవకాశం ఉంది. ఈ ఇయర్‌బడ్‌లు IP55 రేటింగ్‌తో వస్తాయని చెబుతారు. అయితే ఛార్జింగ్ కేస్ IPX4 రేటింగ్‌తో రావచ్చు. ప్రతి సింగిల్ బడ్ కూడా 520mAh సెల్‌ను ప్యాక్ చేసే ఛార్జింగ్ కేస్‌తో 58mAh బ్యాటరీని కలిగి ఉంటుందని భావిస్తున్నారు. కేస్‌తో పాటు కలిపి 33 గంటల బ్యాటరీ లైఫ్‌ అందిస్తాయని తెలుస్తోంది.