వన్‌ప్లస్ 7 సిరిస్ వచ్చేస్తోంది, అదరగొట్టేలా కొత్త ఫీచర్లు !

లీకయిన ఫీచర్లు

వ‌న్‌ప్ల‌స్ 7 సిరీస్ ఫోన్ల‌లో 6.7 ఇంచ్ డిస్‌ప్లే, స్నాప్‌డ్రాగ‌న్ 855 ప్రాసెస‌ర్‌, 6/8/12 జీబీ ర్యామ్‌, 128/256 జీబీ స్టోరేజ్‌, 48, 8 మెగాపిక్స‌ల్ డ్యుయ‌ల్ బ్యాక్ కెమెరాలు, 16 మెగాపిక్స‌ల్ సెల్ఫీ కెమెరా, ఇన్ డిస్‌ప్లే ఫింగ‌ర్ ప్రింట్ సెన్సార్‌, 4000 ఎంఏహెచ్ బ్యాటరీ, వార్ప్ చార్జ్ తదిత‌ర ఫీచ‌ర్ల‌ను ఏర్పాటు చేసిన‌ట్లు తెలిసింది. ఇక ఈ ఫోన్ల‌కు చెందిన పూర్తి స్థాయి స్పెసిఫికేష‌న్ల వివ‌రాలు త్వ‌ర‌లో తెలుస్తాయి.

మూడు ఫోన్లు

వన్‌ప్లస్‌ 7 సిరీస్‌లో మూడు ఫోన్లు మార్కెట్‌లోకి రావొచ్చనే అంచనాలున్నాయి. సీఈఓ విడుదల చేసిన టీజర్‌ అంచనాలకు బలాన్ని చేకూర్చుతోంది. వీటి పేర్లు వన్‌ప్లస్‌ 7, వన్‌ప్లస్‌ 7 ప్రో, వన్‌ప్లస్‌ 7 ప్రో 5జీ అయ్యి ఉండొచ్చని సమాచారం.

ఓచర్లు

ఈ ఈవెంట్లో పార్టిసిపేట్ చేయాలనుకున్నవారికి కంపెనీ ఓచర్లను అందిస్తోంది. ఈ నెల 25వ తేదీ నుంచి ఈ ఓచర్లు కంపెనీ అధికారిక వెబ్ సైట్ oneplus.inలో అందుబాటులో ఉన్నాయి. ఈ ఈవెంట్ కి హాజరు కాలేని వారు లైవ్ స్ట్రీమ్ ద్వారా కూడా ఈవెంట్ విశేషాలను తెలుసుకోవచ్చు.

అన్ని దేశాల్లో ఒకేసారి

యూకే, యూఎస్ఏల‌తోపాటు ఇండియాలోనూ అదే తేదీన వ‌న్‌ప్ల‌స్ 7 సిరీస్ ఫోన్లు విడుద‌ల కానున్నాయి.ఈ ఫోన్లను ఈ కామర్స్ దిగ్గజం అమెజాన్ ఎక్స్ క్లూజివ్ గా విక్రయించనుంది. ఇప్పటికీ ఈ ఫోన్ల మీద భారీగా అంచనాలు నెలకొని ఉన్నాయి.

వన్‌ప్లస్‌ 6కి సక్సెసర్

వన్‌ప్లస్‌ నుంచి రానున్న వన్‌ప్లస్‌ 7 స్మార్ట్ ఫోన్ గతంలో వచ్చిన వన్‌ప్లస్‌ 6, వన్‌ప్లస్‌ 6 టిలకు సక్సెసర్ గా వచ్చినట్లు తెలుస్తోంది. వన్‌ప్లస్‌ 7 ప్రొ ప్రీమియం సెగ్మెంట్లో శాంసంగ్ ఆపిల్ ఫోన్లకు గట్టి పోటీనివ్వనుంది.

5జీ సపోర్ట్

ఈ ఫోన్ 5జీ సపోర్ట్ చేయనున్నట్లు వార్తలు వస్తున్నాయి. Qualcomm's latest 5G modem, the Qualcomm X55ని ఇందులో పొందుపరిచారు. అలాగే గేమింగ్ విషయంలో ఈ ఫోన్ అద్భుతమైన పనితీరును కూడా కనపరచనుంది. గతంలో వచ్చిన Razer Phone 2 and Asus' ROG Phoneలను మించి గేమింగ్ అనుభూతిని అందివ్వనుందని తెలుస్తోంది.