చాట్ సర్వీస్ ‘గుగూల్ టాక్’ ఆగిపోయింది?

Posted By: Staff

చాట్ సర్వీస్ ‘గుగూల్ టాక్’ ఆగిపోయింది?

అవును ప్రముఖ ఛాటింగ్ సర్వీస్ గుగూల్ టాక్(Google Talk) ఐదు గంటల పాటు ప్రధాన అంతరాయాన్ని ఎదుర్కొంది. గురువారం సాయంత్రం 4:10 నిమిషాలకు ఏర్పడిన అంతరాయం సుధీర్ఘంగా రాత్రి 8:55 వరకు కొనసాగింది. అంతరాయం తరువాత సర్వీస్ కార్యకలపాలు పున:ప్రారంభమయ్యాయి. సమస్యకు గల కారణాలను గుగూల్ ప్రకటించలేదు. అంతరాయం నేపధ్యంలో వేలాదిమంది మంది యూజర్లు ఆసౌకర్యానికి గురయ్యారు.

గుగూల్ సెర్చ్‌లో.. క్యాలిక్యులేషన్ టూల్‌!

నెటిజనులకు గుగూల్ సెర్చ్ ఒక వరం. ఈ సెర్చ్‌ఇంజన్ సౌలభ్యతతో కావల్సిన వెబ్‌పేజీలను శోధించటంతో పాటు అనేక రకాలైన సమాచారాన్ని రాబట్టగలుగుతున్నాం. తాజాగా గుగూల్ 34బటన్లతో కూడిన వాస్తవిక శాస్త్రీయ క్యాలిక్యులేషన్ టూల్‌ను ‘గుగూల్ సెర్చ్’లో పొందుపరిచింది. ఈ ఫీచర్ ప్రపంచవ్యాప్తంగా అందుబాటులో ఉంది. ఈ టూల్‌ను ఉపయోగించుకోవాలనుకునే వారు సెర్చ్‌‌బాక్స్‌లో క్యాలిక్యులేటర్ (calculator) అని టైప్ చేస్తే చాలు. 34బటన్లతో కూడి క్యాలుకులేషన్ టూల్ మీ వైబ్‌పేజీ పై ప్రత్యక్షమవుతుంది. ఈ గణన యంత్రం ప్రత్యేకతను పరిశీలిస్తే సాధారణ లెక్కలతో పాటు సైన్, కొసైన్, స్పర్శరేఖ, సంవర్గమానం, పై, పవర్, స్క్వేర్ రూట్, సహజ సంవర్గమానం వంటి కష్టతరమైన గణిత ఫంక్షన్లను సమర్థవంతంగా లెక్కగడుతుంది.

Please Wait while comments are loading...
Opinion Poll

Social Counting