పేటీఎంలోకి 660 మిలియన్ డాలర్ల పెట్టుబడులు

డిజిటల్ పేమెంట్స్ కంపెనీ పేటీఎం వచ్చే ఆరు నెలల్లో తన ట్రావెల్ వ్యాపారాల్లో రూ.250 కోట్లను ఇన్వెస్ట్ చేయనున్నట్టు ప్రకటించింది. ఈ ఇన్వెస్ట్‌‌మెంట్ ద్వారా తన ప్రొడక్ట్, టెక్నాలజీ టీమ్‌‌ను మరింత బలోపేతం చేయనుంది. అంతేకాక ప్రస్తుత ట్రావెల్ మార్కెట్‌‌లో వాటాను కూడా పెంచుకుంటుంది. తన ట్రావెల్ వ్యాపారాలకు 1.5 కోట్ల మందికి పైగా కస్టమర్లున్నారని, యాన్యువల్ గ్రాస్ మెర్చండైజ్ వాల్యు రూ.7,100 కోట్లు ఉంటుందని పేటీఎం చెప్పింది. 

టైర్ 2, 3 నగరాల నుంచి బలమైన వృద్ధి నమోదవుతుందని, తమ కొత్త కస్టమర్లలో 65 శాతానికి పైగా వీరే ఉన్నారని పేటీఎం ట్రావెల్ సీనియర్ వైస్‌‌ ప్రెసిడెంట్ అభిషేక్ రాజన్ అన్నారు. ట్రావెల్ బుకింగ్ స్పేస్‌‌లో తమల్ని అతిపెద్ద కంపెనీగా నిలిపేందుకు ఈ ఇన్వెస్ట్‌‌మెంట్ సహకరిస్తుందని పేర్కొన్నారు.

స్మార్ట్‌ఫోన్ కొనుగోలుదారుల కోసం పేటీఎమ్ మాల్ ఓ సరికొత్త బీమా సదుపాయాన్ని పరిచయం చేస్తున్నది. మొబైల్ ప్రొటెక్షన్ ప్లాన్ పేరిట దీన్ని తెస్తున్నట్లు ప్రకటించింది. ఇందులో భాగంగా స్క్రీన్ డ్యామేజ్, లిక్విడ్ డ్యామేజ్, అపహరణ తదితర యాక్సిడెంటల్ డ్యామేజీల్లో బాధితులకు పరిహారం అందిస్తామని ఓ ప్రకటనలో పేటీఎమ్ మాల్ స్పష్టం చేసింది. ఫోన్ ధరలో దాదాపు 5 శాతం చెల్లింపుతో ఈ సౌకర్యాన్ని స్మార్ట్‌ఫోన్ వినియోగదారులు పొందవచ్చని పేర్కొంది. ఆపిల్, షియామీ, మోటోరోలా, వివో, ఒప్పో తదితర బ్రాండ్ల మొబైల్ ఫోన్స్ కొనుగోలుదారులకు తమ ప్లాన్ అందుబాటులో ఉంటుందని పేటీఎమ్ సీవోవో అమిత్ సిన్హా తెలిపారు.