Poco M3 కొత్త స్మార్ట్‌ఫోన్ అందుబాటు ధరలో లాంచ్ అయింది!! ఫీచర్స్ బ్రహ్మాండం...

Published: Tuesday, February 2, 2021, 13:56 [IST]

చైనా స్మార్ట్‌ఫోన్ తయారీ సంస్థ పోకో నేడు ఇండియాలో ట్రిపుల్ రియర్ కెమెరా మరియు వాటర్‌డ్రాప్ నాచ్‌ డిస్ప్లే వంటి ఫీచర్లతో కూడిన పోకో M3 విడుదల చేసింది. గత ఏడాది సెప్టెంబర్‌లో లాంచ్ అయిన పోకో M2 కి అప్ గ్రేడ్ గా వస్తున్న కొత్త ఫోన్ పోకో M3 క్వాల్కమ్ స్నాప్‌డ్రాగన్ 662 చిప్ సెట్ ద్వారా శక్తిని పొందుతూ 128GB వరకు ఆన్‌బోర్డ్ స్టోరేజ్ తో జతచేయబడి నాలుగు వేరు వేరు కలర్ ఎంపికలలో వస్తుంది. పోకో M-సిరీస్‌లో మూడవ మోడల్‌గా పోకో M3 ప్రపంచవ్యాప్తంగా నవంబర్‌లో ప్రారంభించబడింది. రియల్‌మి 7i , శామ్‌సంగ్ గెలాక్సీ M11, మోటరోలా G9 పవర్ వంటి వాటికి పోటీగా లభించే పోకో M3 గురించి మరిన్ని వివరాలు తెలుసుకోవడానికి ముందుకు చదవండి.

పోకో M3 స్మార్ట్‌ఫోన్ ధరల వివరాలు

భారతదేశంలో పోకో M3 ఫోన్ రెండు వేరు వేరు వేరియంట్‌లలో లభిస్తుంది. ఇందులో 6GB ర్యామ్ + 64GB స్టోరేజ్ వేరియంట్‌ ధర రూ.10,999 ఉండగా, 6GB ర్యామ్ + 128GB స్టోరేజ్ మోడల్ ధర రూ.11,999 గా ఉంది. ఈ ఫోన్ కూల్ బ్లూ, పోకో ఎల్లో మరియు పవర్ బ్లాక్ వంటి కలర్ ఆప్షన్లలో వస్తుంది. ఈ ఫోన్ యొక్క మొదటి అమ్మకం ఫిబ్రవరి 9 మధ్యాహ్నం 12 నుండి ఫ్లిప్‌కార్ట్ లో ప్రారంభం కానున్నది. ఈ మొదటి అమ్మకంలో ఐసిఐసిఐ బ్యాంక్ కార్డ్ ద్వారా కొనుగోలు చేసే వినియోగదారులకు రూ.1,000 తక్షణ తగ్గింపు లభిస్తుంది.

పోకో M3 స్మార్ట్‌ఫోన్ MIUI 12 స్పెసిఫికేషన్స్

పోకో M3 స్మార్ట్‌ఫోన్ డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 10 లోని MIUI 12 తో రన్ అవుతుంది. 6.53-అంగుళాల ఫుల్-హెచ్‌డి + డిస్ప్లేని 1,080x2,340 పిక్సెల్స్, 19.5: 9 కారక నిష్పత్తి మరియు కార్నింగ్ గొరిల్లా గ్లాస్ రక్షణతో కలిగి ఉంది. ఇది ఆక్టా-కోర్ క్వాల్కమ్ స్నాప్‌డ్రాగన్ 662 SoC తో రన్ అవుతూ 6GB LPDDR4x RAM తో జతచేయబడి వస్తుంది.

పోకో M3 స్మార్ట్‌ఫోన్ ట్రిపుల్ రియర్ కెమెరా ఫీచర్స్

పోకో M3 స్మార్ట్‌ఫోన్ యొక్క ఆప్టిక్స్ విషయానికి వస్తే ఫోన్ వెనుక భాగంలో ట్రిపుల్ రియర్ కెమెరా సెటప్‌ను కలిగి ఉంది. ఇందులో ఎఫ్ / 1.79 లెన్స్‌తో 48 మెగాపిక్సెల్ ప్రైమరీ సెన్సార్‌ కెమెరాను కలిగి ఉండగా. కెమెరా సెటప్‌లో ఎఫ్ / 2.4 మాక్రో లెన్స్‌తో 2 మెగాపిక్సెల్ సెకండరీ సెన్సార్ మరియు ఎఫ్ / 2.4 లెన్స్‌తో 2 మెగాపిక్సెల్ డెప్త్ సెన్సార్ కెమెరాలు ఉన్నాయి. అలాగే సెల్ఫీలు మరియు వీడియో చాట్‌ల కోసం ముందు భాగంలో ఎఫ్ / 2.05 లెన్స్‌తో 8 మెగాపిక్సెల్ సెల్ఫీ కెమెరాను కలిగి ఉంది.

పోకో M3 స్మార్ట్‌ఫోన్ 18W ఫాస్ట్ ఛార్జింగ్ ఫీచర్స్

పోకో M3 స్మార్ట్‌ఫోన్ యొక్క కనెక్టివిటీ ఎంపికల విషయానికి వస్తే ఇందులో 4G వోల్‌టిఇ, వై-ఫై, బ్లూటూత్, జిపిఎస్ / ఎ-జిపిఎస్, ఇన్‌ఫ్రారెడ్ (IR) బ్లాస్టర్, యుఎస్‌బి టైప్-సి మరియు 3.5mm హెడ్‌ఫోన్ జాక్ వంటివి ఉన్నాయి. ఇది 64GB మరియు 128GB (UFS 2.2) ఇంటర్నల్ స్టోరేజ్ ఎంపికలతో వస్తుంది. అలాగే ఇందులో గల మైక్రో SD కార్డ్ ప్రత్యేకమైన స్లాట్ ద్వారా మెమొరీని 512GB వరకు విస్తరించడానికి మద్దతును ఇస్తుంది. ఇది సైడ్-మౌంటెడ్ ఫింగర్ ప్రింట్ సెన్సార్ తో పాటుగా స్టీరియో స్పీకర్లను కలిగి ఉండి 18W ఫాస్ట్ ఛార్జింగ్ సపోర్ట్‌తో 6,000mAh బ్యాటరీతో ప్యాక్ చేయబడి వస్తుంది.