Poco M3 స్మార్ట్‌ఫోన్ కొనుగోలుకు సరైన సమయం!! అద్బుతమైన ఆఫర్లు...

Published: Tuesday, February 16, 2021, 10:37 [IST]

ఇండియాలో పోకో M2 స్మార్ట్‌ఫోన్ కి అప్ గ్రేడ్ వెర్షన్ గా ఇటీవల విడుదల అయిన పోకో M3 స్మార్ట్‌ఫోన్ ను కొనుగోలు చేయాలనుకునే వారికి నేడు మరొక సువర్ణ అవకాశం రాబోతోంది. పరిమిత సమయంలో లభించే సేల్స్ ద్వారా నేడు ఫ్లిప్‌కార్ట్ లో మధ్యాహ్నం 12PM నుంచి దీని యొక్క అమ్మకాలు మొదలుకానున్నాయి. గత వారంలో దీని యొక్క మొదటి సేల్స్ ప్రారంభం అయ్యాయి. ఈ మొదటి అమ్మకంలో రికార్డు స్థాయిలో ఇవి అమ్ముడయ్యాయి. క్వాల్కమ్ స్నాప్‌డ్రాగన్ 662 చిప్ సెట్, 128GB ఇంటర్నల్ స్టోరేజ్ వంటి ఫీచర్లతో నాలుగు వేరు వేరు కలర్ ఎంపికలలో లభించే పోకో M3 గురించి మరిన్ని వివరాలు తెలుసుకోవడానికి ముందుకు చదవండి.

పోకో M3 ఫ్లిప్‌కార్ట్ ధరలు & సేల్ ఆఫర్స్

భారతదేశంలో పోకో M3 స్మార్ట్‌ఫోన్ రెండు వేరు వేరు వేరియంట్‌లలో లభిస్తుంది. ఇందులో 6GB ర్యామ్ + 64GB స్టోరేజ్ వేరియంట్‌ ధర రూ.10,999 ఉండగా, 6GB ర్యామ్ + 128GB స్టోరేజ్ మోడల్ ధర రూ.11,999 గా ఉంది. దీనిని ఇప్పుడు కూల్ బ్లూ, పోకో ఎల్లో మరియు పవర్ బ్లాక్ వంటి కలర్ ఆప్షన్లలో కొనుగోలు చేయవచ్చు. మధ్యాహ్నం 12లకు మొదలయ్యే అమ్మకంలో ఫ్లిప్‌కార్ట్ యాక్సిస్ బ్యాంక్ క్రెడిట్ మరియు డెబిట్ కార్డ్లపై 5% వరకు క్యాష్ బ్యాక్ లభిస్తుంది. అలాగే రూ.1834 వద్ద నుండి ప్రారంభమయ్యే నో-కాస్ట్ EMI పద్దతిలో పొందవచ్చు.

పోకో M3 స్మార్ట్‌ఫోన్ స్పెసిఫికేషన్స్

పోకో M3 స్మార్ట్‌ఫోన్ డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 10 లోని MIUI 12 తో రన్ అవుతుంది. 6.53-అంగుళాల ఫుల్-హెచ్‌డి + డిస్ప్లేని 1,080x2,340 పిక్సెల్స్, 19.5: 9 కారక నిష్పత్తి మరియు కార్నింగ్ గొరిల్లా గ్లాస్ రక్షణతో కలిగి ఉంది. ఇది ఆక్టా-కోర్ క్వాల్కమ్ స్నాప్‌డ్రాగన్ 662 SoC తో రన్ అవుతూ 6GB LPDDR4x RAM తో జతచేయబడి వస్తుంది.

పోకో M3 కెమెరా ఫీచర్స్

పోకో M3 స్మార్ట్‌ఫోన్ యొక్క ఆప్టిక్స్ విషయానికి వస్తే ఫోన్ వెనుక భాగంలో ట్రిపుల్ రియర్ కెమెరా సెటప్‌ను కలిగి ఉంది. ఇందులో ఎఫ్ / 1.79 లెన్స్‌తో 48 మెగాపిక్సెల్ ప్రైమరీ సెన్సార్‌ కెమెరాను కలిగి ఉండగా. కెమెరా సెటప్‌లో ఎఫ్ / 2.4 మాక్రో లెన్స్‌తో 2 మెగాపిక్సెల్ సెకండరీ సెన్సార్ మరియు ఎఫ్ / 2.4 లెన్స్‌తో 2 మెగాపిక్సెల్ డెప్త్ సెన్సార్ కెమెరాలు ఉన్నాయి. అలాగే సెల్ఫీలు మరియు వీడియో చాట్‌ల కోసం ముందు భాగంలో ఎఫ్ / 2.05 లెన్స్‌తో 8 మెగాపిక్సెల్ సెల్ఫీ కెమెరాను కలిగి ఉంది.

పోకో M3 6,000mAh బ్యాటరీ & 18W ఫాస్ట్ ఛార్జింగ్ ఫీచర్స్

పోకో M3 స్మార్ట్‌ఫోన్ యొక్క కనెక్టివిటీ ఎంపికల విషయానికి వస్తే ఇందులో 4G వోల్‌టిఇ, వై-ఫై, బ్లూటూత్, జిపిఎస్ / ఎ-జిపిఎస్, ఇన్‌ఫ్రారెడ్ (IR) బ్లాస్టర్, యుఎస్‌బి టైప్-సి మరియు 3.5mm హెడ్‌ఫోన్ జాక్ వంటివి ఉన్నాయి. ఇది 64GB మరియు 128GB (UFS 2.2) ఇంటర్నల్ స్టోరేజ్ ఎంపికలతో వస్తుంది. అలాగే ఇందులో గల మైక్రో SD కార్డ్ ప్రత్యేకమైన స్లాట్ ద్వారా మెమొరీని 512GB వరకు విస్తరించడానికి మద్దతును ఇస్తుంది. ఇది సైడ్-మౌంటెడ్ ఫింగర్ ప్రింట్ సెన్సార్ తో పాటుగా స్టీరియో స్పీకర్లను కలిగి ఉండి 18W ఫాస్ట్ ఛార్జింగ్ సపోర్ట్‌తో 6,000mAh బ్యాటరీతో ప్యాక్ చేయబడి వస్తుంది.