Poco X6 సిరీస్, ఇండియా లాంచ్ త్వరలోనే! లీక్ అయిన వివరాలు

ప్రముఖ చైనీస్ స్మార్ట్ ఫోన్ తయారీ సంస్థ Poco, తన Poco X6 సిరీస్ స్మార్ట్ ఫోన్లను త్వరలో భారతదేశంలో లాంచ్ చేయవచ్చు. ఈ సంవత్సరం ప్రారంభంలో ఫిబ్రవరిలో ప్రపంచవ్యాప్తంగా విడుదలైన Poco X5 సిరీస్‌ కు కొనసాగింపు గా ఈ కొత్త Poco X6 సిరీస్ లైనప్ వస్తుందని భావిస్తున్నారు. ఇది దాని మునుపటి సిరీస్ మాదిరిగానే బేస్ Poco X6 మరియు Poco X6 ప్రో మోడల్ లను కలిగి ఉండే అవకాశం ఉంది.

ఈ స్మార్ట్‌ఫోన్‌ల లాంచ్‌ను కంపెనీ ఇంకా అధికారికంగా ధృవీకరించలేదు లేదా ఫోన్‌లను ప్రకటించలేదు. ఇటీవల, ఈ ఫోన్‌లు IMEI వెబ్‌సైట్‌లో గుర్తించబడ్డాయి. ఇప్పుడు, Poco X6 ప్రో భారతదేశం యొక్క ధృవీకరణ సైట్‌లలో ఒకదానిలో కూడా గుర్తించబడింది.

నివేదికల ప్రకారం, Poco X6 ప్రో ఇటీవలే భారతదేశ BIS (బ్యూరో ఆఫ్ ఇండియన్ స్టాండర్డ్స్) వెబ్‌సైట్‌లో కనిపించింది. ఈ హ్యాండ్‌సెట్ మోడల్ నంబర్ 23122PCD1Iతో జాబితా చేయబడిందని నివేదిక పేర్కొంది. ఇందులో మోనికర్ జాబితా చేయబడనప్పటికీ, IMEI వెబ్‌సైట్‌లో ఇలాంటి మోడల్ నంబర్‌తో కూడిన ఫోన్ ఇటీవల కనుగొనబడింది మరియు దానిని Poco X6 ప్రో గా గుర్తించినట్లు నివేదిక తెలియచేస్తోంది.

Poco X6 ప్రో స్మార్ట్ ఫోన్, రెడ్‌మి నోట్ 13 ప్రో యొక్క రీబ్రాండెడ్ వెర్షన్‌గా లాంచ్ అవుతుందని, బేస్ Poco X6 రీబ్రాండెడ్ రెడ్‌మి నోట్ 13 5G కావచ్చునని నివేదికలు పేర్కొంటున్నాయి. Redmi Note 13 మోడల్‌లు సెప్టెంబరులో చైనాలో మూడు వేరియంట్ లు Redmi Note 13, Redmi Note 13 ప్రో, Redmi Note 13 Pro+ గా లాంచ్ అయ్యాయి.

ఇంకా, Poco X5 సిరీస్ ఫిబ్రవరిలో ప్రపంచ మార్కెట్లో లాంచ్ చేయబడింది. Poco X5 Pro 5G అదే నెలలో భారతదేశంలో లాంచ్ చేయబడింది. మరియు దీని ధర బేస్ 6GB + 128GB కోసం రూ.22,999 గా ఉంది. ఈ ఫోన్ 8GB + 256GB వేరియంట్‌లో కూడా అందుబాటులో ఉంది. దీని ధర రూ. 24,999 గా ఉంది. ఇది ఆస్ట్రల్ బ్లాక్, హారిజన్ బ్లూ మరియు ఎల్లో కలర్ ఆప్షన్‌లలో వస్తుంది.

Poco X5 5G భారతదేశంలో రెండు స్టోరేజ్ ఆప్షన్‌లలో కూడా అందుబాటులో ఉంది - 6GB + 128GB మరియు 8GB + 256GB, దీని ధర వరుసగా రూ. 16,999 మరియు రూ.19,999 గా ఉన్నాయి. ఈ మోడల్ ఆస్ట్రల్ బ్లాక్, హారిజన్ బ్లూ మరియు ఎల్లో రంగులలో కూడా వస్తుంది.

డ్యూయల్ నానో సిమ్ సపోర్ట్ ఉన్న పోకో X5 5G స్మార్ట్‌ఫోన్ ఆండ్రాయిడ్ 12 అవుట్-ఆఫ్-ది-బాక్స్ ఆధారంగా MIUI 13 ని తీసుకువస్తుంది. ఈ స్మార్ట్‌ఫోన్ 120Hz రిఫ్రెష్ రేట్ మరియు 1,080 x 2,400 పిక్సెల్‌ల రిజల్యూషన్‌తో 6.67-అంగుళాల అమోలెడ్ ఫుల్ HD+ స్క్రీన్‌ను కలిగి ఉంది. క్వాల్కమ్ స్నాప్ డ్రాగన్ 695 చిప్‌సెట్ ప్రాసెసర్ తో ఇది పనిచేస్తుంది.

ఈ పోకో ఫోన్ ట్రిపుల్ రియర్ కెమెరా సెటప్‌లో 48 మెగాపిక్సెల్ ప్రైమరీ సెన్సార్, 8 మెగాపిక్సెల్ సెకండరీ సెన్సార్ మరియు 2 మెగాపిక్సెల్ సెన్సార్ ఉన్నాయి. పోక X5 5G ఫోన్ లో ముందువైపు సెల్ఫీ కెమెరా 16 మెగాపిక్సెల్ సెన్సార్‌తో అమర్చబడి ఉంటుంది. ఇది డిస్‌ప్లే పైభాగంలో పంచ్ హోల్ కట్ ఔట్ లో ఉంటుంది.