Poco X6 సిరీస్ లాంచ్ ఈ రోజే! లాంచ్ టైమింగ్ మరియు లైవ్ వివరాలు

Poco నుంచి ఎంతో ఆసక్తిగా ఎదురుచూస్తున్న POCO X6 సిరీస్ స్మార్ట్‌ఫోన్‌లను ఈ రోజు భారతీయ మార్కెట్లో విడుదల చేయబోతోంది. ఇప్పుడు మీరు ఈ లాంచ్ ఈవెంట్‌ను ఎప్పుడు, ఎక్కడ మరియు ఎలా ప్రత్యక్షంగా చూడాలనే వివరాలను ఇక్కడ తెలుసుకుందాం.

పోకో X6 సిరీస్ స్మార్ట్ ఫోన్లు ఈ సంవత్సరం Poco నుండి వచ్చిన మొదటి స్మార్ట్‌ఫోన్ పరికరం అవుతుంది. ఈ సిరీస్ కింద, కంపెనీ POCO X6 మరియు POCO X6 ప్రో అనే రెండు స్మార్ట్‌ఫోన్ పరికరాలను లాంచ్ చేయనున్నట్లు ఇది వరకే లీక్ ల ద్వారా మనకు తెలిసిన విషయమే.

ఈ రెండు స్మార్ట్‌ఫోన్ మోడళ్లను ఈ రోజు, జనవరి 11న సాయంత్రం 5:30 గంటలకు లాంచ్ చేయనున్నట్లు కంపెనీ ప్రకటించింది. ఇది Poco యొక్క అధికారిక యూట్యూబ్ మరియు సోషల్ మీడియా ఛానెల్‌ల ద్వారా ప్రత్యక్ష ప్రసారం చేయబడుతుంది. ఈ ఈవెంట్‌ను ప్రత్యక్షంగా చూడటానికి https://www.youtube.com/watch?v=-Dw4NJO1PDs లింక్‌ని క్లిక్ చేయండి.

POCO X6 మరియు POCO X6 ప్రో:
ఈ Poco X6 సిరీస్ స్మార్ట్‌ఫోన్ మీడియా టెక్ డైమెన్సిటీ 8300 అల్ట్రా SoC ప్రాసెసర్ తో వస్తుంది. పోకో నుంచి భారతదేశానికి వచ్చిన మొట్ట మొదటి స్మార్ట్‌ఫోన్. ఇది చాలా శక్తివంతమైన చిప్‌సెట్. ఇది మీకు ఊహించని పనితీరు మరియు వేగాన్ని అందిస్తుంది. ఇందులో నాణ్యమైన AI ఫీచర్లు కూడా ఉన్నాయి.

Poco X6 మరియు Poco X6 ప్రో స్మార్ట్‌ఫోన్‌లు అపూర్వమైన వినియోగదారుని అనుభవాన్ని అందిస్తాయి. ముఖ్యంగా, ఈ స్మార్ట్‌ఫోన్ పరికరం షియోమీ యొక్క HyperOS తో వచ్చిన మొదటి Poco పరికరం. ఈ స్మార్ట్‌ఫోన్ డివైస్ బడ్జెట్ ధరల విభాగంలో రేపు భారత మార్కెట్లో విడుదల కానుంది.

Poco X6 Pro స్పెసిఫికేషన్‌ల వివరాలు: దీని ప్రకారం, Poco X6 Pro పరికరం 120Hz రిఫ్రెష్ రేట్‌తో 6.7" LTPS అమోలెడ్ డిస్‌ప్లేను కలిగి ఉంటుంది. ఇది 1.2K రిజల్యూషన్‌తో వస్తుంది. ఇది OIS తో 64MP ప్రైమరీ కెమెరా, 8MP అల్ట్రా-వైడ్ మరియు 2MP మాక్రో లెన్స్‌తో కూడిన ట్రిపుల్ రియర్ కెమెరాను కలిగి ఉంది. ఇది 67W ఫాస్ట్ ఛార్జింగ్‌తో 5000mAh బ్యాటరీని కలిగి ఉంది. తెలియని వారికి, ఈ స్మార్ట్‌ఫోన్ పరికరం బడ్జెట్ విభాగంలో అధిక AnTuTu స్కోర్‌లను స్కోర్ చేసిందని గమనించాలి.

Poco X6 ప్రో స్మార్ట్‌ఫోన్ పరికరం భారతీయ స్మార్ట్‌ఫోన్ మార్కెట్‌లో బహుళ స్టోరేజ్ వేరియంట్ ఆప్షన్ లతో రూ. 19,000 నుండి రూ. 29,000 ధరల శ్రేణితో విడుదల చేయబడుతుందని చెప్పబడింది. మరోవైపు, భారతీయ అభిమానులు Poco X6 స్మార్ట్‌ఫోన్ పరికరాన్ని రూ. 20,000 లోపు కొనుగోలు చేయవచ్చని చెబుతున్నారు.

Poco X6 ప్రో వెర్షన్ Poco X5 Pro కి ఇది కొనసాగింపు అవుతుందని అంచనా వేయబడింది. ఈ రాబోయే Poco X6 ప్రో ఫోన్ నవంబర్ 2023 లో చైనాలో ఇప్పటికే లాంచ్ అయిన Redmi K70E యొక్క రీబ్యాడ్జ్ వెర్షన్‌గా వస్తుందని తెలుస్తోంది.