సమాజం ఎటుపోతోంది?గేమ్ ఆపమన్నందుకు పిల్లాడు ఉరేసుకున్నాడు

16 ఏళ్ల పిల్లాడు

మల్కాజిగిరిలోని విష్ణుపురి ఎక్స్‌టెన్షన్‌ కాలనీలో నివాసముంటున్న భరత్‌రాజ్‌, ఉమాదేవిల రెండో కుమారుడు సాంబశివ(16) పదో తరగతి చదువుతున్నాడు. గత వారం ప్రారంభమైన పదో తగరతి పరీక్షలు.. బుధవారంతో పూర్తికానున్నాయి.

తల్లి మందలించడంతో

రాత్రి సాంబశివ ఇంట్లో పబ్జి ఆడుతూ అమ్మకి కనిపించాడు. తెల్లవారితే పరీక్ష పెట్టుకుని చదువుకోకుండా ఏంచేస్తున్నావని.. తల్లి మందలించడంతో.. ఆవేశంతో ఇంట్లోకి వెళ్లి.. తలుపులు వేసుకున్నాడు. కానీ ఆ తల్లి మందలింపు.. తన కొడుకును దూరం చేస్తుందని అనుకోలేదు.

ఉరేసుకున్నాడు

అరగంట తర్వాత కూడా తలుపులు తీయలేదని ఇంట్లో ఏ చప్పుడు రాట్లేదని తలుపు తీసేందుకు తల్లి ప్రయత్నించింది.. రాకపోవడంతో కిటికి సాయంతో ఇంట్లోకి చూడడంతో సాంబశివ కిందపడి ఉన్నాడు. అనుమానం వచ్చి పక్కింటి వాళ్లతో తలుపులు విరగ్గొట్టించి వెంటనే కుమారుడిని ఆస్పత్రికి తరలించింది. కానీ అప్పటికే ఆలస్యమైందని వైద్యులు తెలిపారు.

తల్లి ఫిర్యాదుతో

బాలుడు తువ్వాలుతో ఉరేసుకున్నాడని బరువు ఎక్కువగా ఉండటంతో అది ఊడి కింద పడిపోయాడని భావిస్తున్నారు. తల్లి ఫిర్యాదుతో మల్కాజ్‌గిరి పోలీసులు కేసు నమోదు చేసుకుని దర్యాప్తు చేపట్టారు. ఈ గేమ్‌కు బానిసై ఇటీవల జగిత్యాలలో ఓ బాలుడు మృతిని చెందిన సంగతి తెలిసిందే.

పబ్‌జీ గేమ్ డ్రగ్స్ కంటే

పబ్‌జీ గేమ్ డ్రగ్స్ కంటే ప్రమాదకరమైనదని మానసిక వైద్యులు చెబుతున్నారంటేనే దాని ప్రభావాన్ని అర్థం చేసుకోవచ్చు. దీనికి బానిసలై ఎంతోమంది ప్రాణాలు తీసుకుంటున్న ఘటనలు పెరుగుతున్నాయి. కాబట్టి ఈ విషయంలో అందరూ చాలా జాగ్రత్తగా ఉండాలని సూచిస్తున్నారు.