5G మద్దతుతో క్వాల్కమ్ స్నాప్‌డ్రాగన్ 4-సిరీస్ చిప్‌సెట్‌లు

5G మద్దతు చిప్‌సెట్‌లు

5G మద్దతుతో కూడిన మిడ్-రేంజ్  చిప్‌సెట్లను మీడియాటెక్ సంస్థ దాని ఉత్పత్తి శ్రేణిలో అమలు చేయడం ప్రారంభించింది. ఈ కంపెనీ వివిధ రకాల ధరల విభాగాలలో వాటి డైమెన్సిటీ సిరీస్ చిప్‌సెట్లను తయారుచేస్తున్నది. క్వాల్కమ్ సంస్థ కూడా ఇటీవల స్నాప్‌డ్రాగన్ 690 అనే 5G చిప్‌సెట్‌ను విడుదల చేశారు. కాకపోతే ఇది హై-ఎండ్ స్మార్ట్‌ఫోన్‌లకు 5G అనుభవాన్ని అందించడానికి రూపొందించబడింది. ఇది ఇప్పటికీ చాలా ఖరీదైనది. క్వాల్కమ్ సంస్థ ఇప్పుడు అందుబాటు ధరలో తమ కొత్త స్నాప్‌డ్రాగన్ 4-సిరీస్ చిప్‌లకు 5G మద్దతుతో తీసుకురావాలని యోచిస్తున్నారు.

IFA 2020 లో క్వాల్కమ్ 5G ప్రకటన

క్వాల్‌కామ్ సంస్థ మొదటిసారిగా IFA 2020 ఈవెంట్ లో 5G చిప్ లను ప్రకటించింది. 2021 మొదటి త్రైమాసికంలో స్నాప్‌డ్రాగన్ 4-సిరీస్ చిప్‌సెట్‌లను 5G కనెక్టివిటీ సపోర్ట్‌తో తీసుకువస్తున్నట్లు యుఎస్ చిప్‌మేకర్ తన ప్రకటనలో వెల్లడించింది.

క్వాల్కమ్ 5G చిప్‌సెట్ వివరాలు

5G కనెక్టివిటీని విస్తృతంగా అందించడమే లక్ష్యంగా స్నాప్‌డ్రాగన్ 4-సిరీస్‌ చిప్‌సెట్‌లను తీసుకువస్తున్నట్లు క్వాల్కమ్ తెలిపింది. స్నాప్‌డ్రాగన్ 4-సిరీస్‌తో కనీసం 3.5 బిలియన్ స్మార్ట్‌ఫోన్ వినియోగదారులు 5G స్పీడ్ మద్దతుతో డేటాను ఆస్వాదించగలుగుతారు. అంతేకాక ఇది తరువాతి తరం కనెక్టివిటీని చాలా త్వరగా స్వీకరించడాన్ని వేగవంతం చేస్తుంది.

క్వాల్కమ్ చిప్‌సెట్‌ల మార్కెట్

4G కనెక్టివిటీని ప్రవేశపెట్టినప్పుడు మొదట 1 బిలియన్ వినియోగదారులను చేరుకోవడానికి దాదాపు రెండు సంవత్సరాలు పట్టింది. 2022 నాటికి 5G స్మార్ట్‌ఫోన్ వినియోగదారుల సంఖ్య 750 మిలియన్లకు పెరుగవచ్చు అని క్వాల్కమ్ అంచనా వేసింది. ఈ సంఖ్య 2023 నాటికి 1 బిలియన్లకు అధిగమించాలని లక్ష్యంగా పెట్టుకున్నది. స్నాప్‌డ్రాగన్ 4-సిరీస్ అనేది క్వాల్కమ్ యొక్క సరసమైన చిప్‌సెట్ అంటే 5G కనెక్టివిటీ కలిగిన తక్కువ ధర ట్యాగ్‌లతో స్మార్ట్‌ఫోన్‌లను త్వరలోనే చూస్తాము. మోటరోలా, ఒప్పో మరియు షియోమి వంటి అనేక కంపెనీలు దీనిని ఉపయోగించడానికి ఇప్పటికే సిద్ధంగా ఉన్నాయి.

స్నాప్‌డ్రాగన్ 4-సిరీస్ చిప్‌సెట్ ఫీచర్స్

క్వాల్కమ్ యొక్క కొత్త స్నాప్‌డ్రాగన్ 4-సిరీస్ చిప్‌సెట్ల యొక్క ప్రత్యేకతల గురించి ఇప్పటి వరకు ఎటువంటి వివరాలు తెలియలేదు. కాకపోతే ఇవి హై-స్పీడ్ సబ్- 6GHz 5G మరియు mmWave నెట్‌వర్క్‌లకు మద్దతు ఇస్తుందా లేదా అనేది కూడా అస్పష్టంగా ఉంది. రాబోయే లీక్‌లలో వీటి యొక్క వివరాలను తెల్సుకోవచ్చు అని ఆశిద్దాము.