టెలికం వ్యాపారానికి అనిల్ అంబాని గుడ్‌బై, తరువాత వ్యూహం ఇదే !

వచ్చే నెల 30 నుంచి..

నష్టాల్లో కొనసాగుతున్న టెలికం సేవల సంస్థ రిలయన్స్ కమ్యూనికేషన్‌ను వచ్చే నెల 30 నుంచి వైర్‌లెస్ టెలిఫోన్ వ్యాపారాన్ని మూసివేస్తున్నట్లుగా కంపెనీ ప్రకటించింది. ప్రస్తుతం సంస్థకు రూ.46 వేల కోట్ల అప్పు ఉంది.

4 కోట్ల మంది వినియోగదారులు..

ప్రస్తుతం కంపెనీకి ఉన్న 4 కోట్ల మంది వినియోగదారులు 4జీకి అప్‌గ్రేడ్ కావడమా లేదా ఇతర నెట్‌వర్క్‌లను ఎంచుకోవాల్సిన పరిస్థితి ఏర్పడింది.

4జీ ఇంటర్‌నెట్ సేవలను..

2జీ సర్వీసును మూసివేస్తున్నప్పటికీ 4జీ ఇంటర్‌నెట్ సేవలను యథాతథంగా కొనసాగించనున్నట్లు కంపెనీ వర్గాలు వెల్లడించాయి.

రిలయన్స్ జియోతో స్పెక్ట్రం..

4జీ మొబైల్ సేవలకు సంబంధించి ముకేశ్ అంబానీకి చెందిన రిలయన్స్ జియోతో స్పెక్ట్రం పంచుకుంటున్నది. ఐఎల్‌డీ వాయిస్, కన్జ్యూమర్ వాయిస్, 4జీ డోంగిల్ పోస్ట్ పెయిడ్ సర్వీసులను కొనసాగించనున్నది.

1500-2000 మంది సిబ్బంది భవిష్యత్తుపై

దీంతో ఆర్‌కామ్‌లో పనిచేస్తున్న 1500-2000 మంది సిబ్బంది భవిష్యత్తుపై నీలినీడలు నెలకొన్నాయి. ఈ విషయంపై కంపెనీ వర్గాలు స్పందించడానికి నిరాకరించాయి.

లాభాలు తెచ్చే 4జీ సేవలపై..

లాభాలు తెచ్చే 4జీ సేవలపై ప్రత్యేక దృష్టి సారించనున్నట్లు, మిగతా వాటిని తగ్గించుకోవాలని చూస్తున్నట్లు ఇటీవల కంపెనీ ప్రకటించిన విషయం తెలిసిందే.

చ్చే నెల రోజుల్లో ఈ సేవలకు స్వస్తి ..

ప్రస్తుత పరిస్థితుల దృష్ట్యా టెలికం సేవలను ఇంకా కొనసాగించలేమని, వచ్చే నెల రోజుల్లో ఈ సేవలకు స్వస్తి పలుకాలనుకుంటున్నట్లు ఉద్యోగులకు పంపిన ఈ-మెయిల్స్‌లో ఆర్‌కామ్ ఎగ్జిక్యూటివ్ డైరెక్టర్ గుర్‌దీప్ సింగ్ పేర్కొన్నారు.

డీటీహెచ్ వ్యాపారానికి సంబంధించి..

అలాగే డీటీహెచ్ వ్యాపారానికి సంబంధించి లైసెన్స్ గడువు ముగిసిన వెంటనే ఈ బిజినెస్‌ను కూడా మూసివేయనున్నట్లు తెలిపింది. నవంబర్ 21 వరకు లైసెన్స్ గడువు ఉంది.