Realme 5s: బ్రహ్మాండమైన ఆఫర్లతో రియల్‌మి 5S మొదటి సేల్స్

ఇప్పుడు రియల్‌మి 5Sను మొదటిసారిగా ఈ రోజు మధ్యాహ్నం 12:00 గంటల నుంచి కొనుగోలు చేయడానికి ఉంచారు. మిడ్-సెగ్మెంట్ ధరలో ఈ స్మార్ట్‌ఫోన్‌ దేశంలో రిలీజ్ అయిన మిగిలిన బ్రాండ్లతో పోలిస్తే స్పెసిఫికేషన్ పరంగా చాలా గట్టి పోటీని ఇస్తోంది. వాటి యొక్క పూర్తి సమాచారం తెలుసుకోవడానికి మరింత ముందుకు చదవండి.

ధర వివరాలు

చైనా స్మార్ట్‌ఫోన్ తయారీ సంస్థ ఇప్పుడు ఈ కొత్త హ్యాండ్‌సెట్‌ను కేవలం రెండు వేరియంట్లలో మాత్రమే విడుదల చేస్తున్నది. ఇండియాలో రియల్‌మి 5S యొక్క ధర 4 జీబీ ర్యామ్ + 64 జీబీ స్టోరేజ్ వేరియంట్‌కు రూ.9,999లు కాగా. ఇందులో 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.10,999. ఈ స్మార్ట్‌ఫోన్ క్రిస్టల్ రెడ్, క్రిస్టల్ బ్లూ మరియు క్రిస్టల్ పర్పుల్ కలర్ వేరియంట్లలో లభిస్తుంది.

ఆఫర్స్

రియల్‌మి 5S కొనుగోలు చేయడానికి ఫ్లిప్‌కార్ట్ మరియు రియల్‌మి యొక్క వెబ్‌సైట్ కు వెళ్ళవచ్చు. ఈ స్మార్ట్‌ఫోన్ ఈ రోజుమధ్యాహ్నం 12:00 PM నుండి అమ్మకాలు జరగనున్నాయి. లాంచ్ ఆఫర్ల విషయానికొస్తే రిలయన్స్ జియో యొక్క రూ.7,000 విలువైన ప్రయోజనాలను పొందవచ్చు. ఈ స్మార్ట్‌ఫోన్ ను కొనుగోలు చేయడానికి 6 నెలల వరకు నో-కాస్ట్ EMI ఎంపిక కూడా ఉంది.

స్పెసిఫికేషన్స్

ఆండ్రాయిడ్ 9 పై ఆపరేటింగ్ సిస్టమ్ ఆధారంగా కలర్ ఓఎస్ 6.0 తో రియల్‌మి 5s రన్ అవుతుంది. ఇది ప్రొటెక్షన్ కోసం కార్నింగ్ గొరిల్లా గ్లాస్ 3+ తో గల 6.5-అంగుళాల HD + (720 x 1600 పిక్సెల్స్) డిస్ప్లేని కలిగి ఉంది. రియల్‌మి 5s స్మార్ట్‌ఫోన్ క్వాల్కమ్ స్నాప్‌డ్రాగన్ 665 చిప్‌సెట్‌తో పనిచేస్తుంది. ఇది 4GB RAM మరియు 128GB వరకు స్టోరేజ్ తో జత చేయబడి ఉంటుంది. మైక్రో SD కార్డ్ స్లాట్ ఉపయోగించి మీరు మెమరీని 256GB వరకు విస్తరించవచ్చు.

ఫోటోగ్రఫీ విషయానికొస్తే రియల్‌మి 5s 48 మెగాపిక్సెల్ మెయిన్ కెమెరా (పిడిఎఎఫ్ మరియు ఎఫ్ / 1.8 ఎపర్చరు) తో క్వాడ్ రియర్ కెమెరా సెటప్‌ను కలిగి ఉన్నాయి. 8 మెగాపిక్సెల్ సెన్సార్ (ఎఫ్ / 2.25 ఎపర్చరు మరియు 119-డిగ్రీల వైడ్ యాంగిల్ లెన్స్) కూడా ఉంది. ఈ సెటప్‌లో 2 మెగాపిక్సెల్ మాక్రో లెన్స్ (ఎఫ్ / 2.4 ఎపర్చరు మరియు 4 సెం.మీ ఫోకస్ దూరం) మరియు 2 మెగాపిక్సెల్ పోర్ట్రెయిట్ లెన్స్ కూడా ఉన్నాయి. తక్కువ-కాంతి షాట్ల కోసం సూపర్ నైట్స్కేప్ 2.0 మోడ్ మరియు క్రోమాబూస్ట్ ఫీచర్ కూడా ఉంది.