Realme 7 5G మొదటి స్మార్ట్‌ఫోన్ లాంచ్ త్వరలోనే!!! ధరలు , ఫీచర్స్ ఇవే...

రియల్‌మి7 5G స్మార్ట్‌ఫోన్ స్పెసిఫికేషన్స్

రియల్‌మి7 5G స్మార్ట్‌ఫోన్‌ అనేది రియల్‌మి V5 యొక్క రీబ్రాండెడ్ వెర్షన్‌గా రానున్నది. ఎందుకంటే ఇటీవల మోడల్ నంబర్ RMX2111 ను కలిగి ఉన్న రియల్‌మి ఫోన్ NBTC వెబ్‌సైట్‌లో కనిపించింది. ఇందులో ఆసక్తికరమైన విషయం ఏమిటంటే అదే మోడల్ నంబర్ భారతదేశంలో ఆగస్టులో తిరిగి ప్రారంభించిన రియల్‌మి V5 తో అనుబంధించబడి ఉంది. అందువల్ల రియల్‌మి 7 5G ఫోన్ 90HZ రిఫ్రెష్ రేట్‌ మద్దతుతో 6.5-అంగుళాల డిస్ప్లేను కలిగి ఉండవచ్చు అని ఉహించవచ్చు. సెల్ఫీ కెమెరాను ఉంచడానికి ఫోన్ స్క్రీన్ మధ్యలో పంచ్-హోల్ డిజైన్‌ను కలిగి ఉండవచ్చు.

రియల్‌మి7 5G స్మార్ట్‌ఫోన్ 48MP కెమెరా సెటప్ ఫీచర్స్

రియల్‌మి 7 5G ఫోన్ ఆక్టా-కోర్ మీడియాటెక్ డైమెన్సిటీ 720 SoC చేత రన్ అవ్వగలదని భావిస్తున్నారు. కెమెరాల విభాగంలో వెనుక భాగంలో మొదటి కెమెరా లెన్స్ 48MP, సెకండరీ కెమెరాగా 8MP అల్ట్రా-వైడ్ యాంగిల్ సెన్సార్ మరియు మరో రెండు 2MP సెన్సార్ల కెమెరాలు జతచేయబడిన క్వాడ్-కెమెరా సెటప్ ను కలిగి ఉండవచ్చు. అలాగే ముందు భాగంలో సెల్ఫీలు మరియు వీడియో కాల్‌ల కోసం 16MP సెన్సార్‌తో సెల్ఫీ కెమెరాను కలిగి ఉండవచ్చు. అలాగే స్మార్ట్‌ఫోన్ 5,000mAh బ్యాటరీతో ప్యాక్ చేయబడి రావచ్చు. ఇది 30W ఫాస్ట్ ఛార్జింగ్‌తో వచ్చే అవకాశం ఉంది. అదనపు భద్రత కోసం రియల్‌మి 7 5G ఫోన్ ఫింగర్ ప్రింట్ సెన్సార్ తో వచ్చే అవకాశం ఉంది.

రియల్‌మి7 5G స్మార్ట్‌ఫోన్ ధరల వివరాలు

రియల్‌మి7 5G స్మార్ట్‌ఫోన్ యొక్క ధరల వివరాలు సంస్థ ఇంకా ప్రకటించలేదు. కానీ ఆన్‌లైన్ లీక్‌ల ప్రకారం రియల్‌మి 7 5G ఫోన్ యొక్క 6GB ర్యామ్ + 128GB స్టోరేజ్ వేరియంట్‌ యొక్క ధర CNY1,499 (సుమారు రూ.17,000), అలాగే 8GB ర్యామ్ + 128GB స్టోరేజ్ వేరియంట్‌ యొక్క ధర CNY 1,899 (సుమారు రూ. 21,400) గా నిర్ణయించింది.