Realme నుంచి కొత్త స్మార్ట్ ఫోన్లు రాబోతున్నాయి ! లాంచ్ వివరాలు తెలుసుకోండి.

Realme 8s, Realme 8i, Realme 9 సిరీస్ ఇండియా లాంచ్ వెల్లడించింది

టిప్‌స్టర్ యోగేష్ (91 మొబైల్స్) సహకారంతో ఒక నివేదిక విడుదలైంది.ఈ నివేదిక బడ్జెట్ ధరలలో Realme నుంచి కొత్త ఫోన్ల లాంచ్ టైమ్‌లైన్‌ను సూచిస్తుంది. నివేదిక ప్రకారం, కంపెనీ సెప్టెంబర్‌లో Realme 8s మరియు Realme 8i లను లాంచ్ చేయనుంది. నివేదిక ఖచ్చితమైన తేదీని వెల్లడించలేదు. ఏదేమైనా, ఆఫ్‌లైన్ స్టోర్‌లు రాబోయే లాంచ్‌ను నిర్ధారిస్తూ పోస్టర్‌లను విడుదల చేయడం ప్రారంభించాయని ఇది వెల్లడించింది.Realme 9 ఫోన్, Realme 8s మరియు Realme 8i తోపాటు కాకుండా వేరుగా ఈ ఏడాది అక్టోబర్‌లో విడుదల అయ్యే అవకాశం ఉంది.అక్టోబర్ లో జరుపుకోనున్న దీపావళి పండుగ సీజన్‌కు ముందు రియల్‌మి 9 లైనప్ లాంచ్ చేయబడుతుంది. అలాగే, బ్రాండ్ రెడ్‌మి 9 సిరీస్‌లో నాలుగు మోడళ్లను విడుదల చేయాలని భావిస్తున్నారు.

Realme 9 సిరీస్‌

ఈ కొత్త బడ్జెట్ స్మార్ట్‌ఫోన్ సిరీస్‌లో రియల్‌మే 9, రియల్‌మీ 9 ప్రో, రియల్‌మే 9 ప్రైమ్ మరియు రియల్‌మే 9A మోడల్స్ సూచించబడ్డాయి. ఇప్పటి వరకు, పైన పేర్కొన్న యూనిట్ల హార్డ్‌వేర్ మరియు ఫీచర్‌లకు సంబంధించిన సమాచారం అందుబాటులో లేదు. అయితే, విడుదల అయినా లీక్ ల ప్రకారం రియల్‌మి 8 ఐ మరియు రియల్‌మి 8s స్పెసిఫికేషన్‌ల గురించి కొన్ని విషయాలు తెలిసాయి.

Realme 8s, Realme 8i అంచనా స్పెసిఫికేషన్లు

రియల్‌మి 8s మొదటి డైమెన్సిటీ 810 ప్రాసెసర్ ఆధారిత స్మార్ట్‌ఫోన్ అని నిర్ధారించబడింది. ఇది 90Hz రిఫ్రెష్ రేట్‌తో 6.5-అంగుళాల FHD+ డిస్‌ప్లేను కలిగి ఉంటుందని భావిస్తున్నారు. మరోవైపు, హీలియో జి 96 ప్రాసెసర్‌తో ప్రారంభించిన మొదటి ముఖ్యమైన స్మార్ట్‌ఫోన్ రియల్‌మీ 8i అని కూడా చెప్పబడింది. ముఖ్యంగా, ఇటీవలి లీక్ రియల్‌మీ 8i యొక్క మొత్తం స్పెక్-షీట్‌ను వెల్లడించింది, ఇక్కడ ప్రాసెసర్‌తో పాటు 50MP ట్రిపుల్ రియర్ కెమెరా ప్రధాన హైలైట్. హ్యాండ్‌సెట్‌లో 5,000 mAh బ్యాటరీ యూనిట్ కూడా ఉంది.

Realme తమ ముందు మోడళ్ల ధరలను పెంచింది

సాధారణంగా కొత్త స్మార్ట్ ఫోన్లను లాంచ్ చేసేటప్పుడు, ముందు మోడల్ స్మార్ట్ఫోన్ల ధరలను తగ్గిస్తుంటారు కానీ ,దీనికి భిన్నంగా Realme తమ ముందు మోడళ్ల ధరలను పెంచింది.రియల్‌మి సంస్థ భారతదేశంలో ఈ సంవత్సరంలో విడుదల చేసిన రియల్‌మి 8, రియల్‌మి 8 5G, రియల్‌మి C11 (2021), రియల్‌మి C21 మరియు రియల్‌మి C25s స్మార్ట్ ఫోన్ల యొక్క ధరలను ఇప్పుడు సుమారు రూ.1,500 వరకు పెంచారు. వీటిలో రియల్‌మి C21 (2021) ఫోన్ మీద రూ.300 ధరల పెంపు, రియల్‌మి C21 మరియు రియల్‌మి C25 ల మీద రూ.500 వరకు ధరల పెరుగుదలను అందుకున్నాయి. అలాగే మరొకవైపు రియల్‌మి 8 మరియు రియల్‌మి 8 5G ల మీద రూ.1,500 వరకు ధరల పెంపును అందుకున్నది. ఈ ధరల పెరుగుదల ఇప్పుడు Flipkart మరియు Realme.com వంటి అన్ని ఆన్‌లైన్‌ మాధ్యమాలలో అందుబాటులో ఉంది, గమనించండి.