రియల్‌మి 9 5G సిరీస్ స్మార్ట్‌ఫోన్‌లు లాంచ్ అయ్యాయి!! ధరలు, ఫీచర్స్ ఇవే...

రియల్‌మి 9 5G ధరలు & లభ్యత వివరాలు

భారతదేశంలో రియల్‌మి 9 5G ఫోన్ రెండు వేరియంట్లలో లాంచ్ అయింది. ఇందులో 4GB RAM + 64GB స్టోరేజ్ బేస్ మోడల్‌ యొక్క ధర రూ.14,999 కాగా 6GB ర్యామ్ + 128GB స్టోరేజ్ వేరియంట్ రూ.17,499 ధర వద్ద మెటోర్ బ్లాక్ మరియు స్టార్‌గేజ్ వైట్ కలర్ ఆప్షన్‌లలో లభిస్తుంది. మార్చి 14 నుండి Flipkart మరియు Realme.com మరియు రిటైల్ స్టోర్‌ల ద్వారా నిర్వహించే మొదటి అమ్మకంలో కంపెనీ ICICI బ్యాంక్ మరియు SBI బ్యాంక్ క్రెడిట్ కార్డ్ లావాదేవీలపై రూ.1,500 తక్షణ తగ్గింపును అందిస్తోంది.

రియల్‌మి 9 5G SE స్మార్ట్‌ఫోన్‌ ధరలు & సేల్స్ డిస్కౌంట్ ఆఫర్స్

రియల్‌మి 9 5G SE స్మార్ట్‌ఫోన్‌ కూడా భారతదేశంలో రెండు వేరియంట్ లలో లాంచ్ అయింది. ఇందులో 6GB RAM + 128GB స్టోరేజ్ మోడల్ ధర రూ.19,999 కాగా 8GB ర్యామ్ + 128GB స్టోరేజ్ వేరియంట్ యొక్క ధర రూ.22,999. ఈ స్మార్ట్‌ఫోన్ అజూర్ గ్లో మరియు స్టార్రీ గ్లో కలర్ ఆప్షన్‌లలో లభిస్తుంది. ఇది మార్చి 14 నుండి ఫ్లిప్‌కార్ట్, Realme.com మరియు రిటైల్ దుకాణాల ద్వారా కొనుగోలు చేయడానికి మొదటిసారి అందుబాటులోకి రానున్నది. మొదటి సేల్స్ లో ICICI బ్యాంక్ మరియు SBI బ్యాంక్ క్రెడిట్ కార్డ్ మరియు క్రెడిట్ కార్డ్ EMI లావాదేవీలపై రూ.2,000 వరకు తక్షణ తగ్గింపును అందిస్తోంది.

రియల్‌మి 9 5G స్పెసిఫికేషన్స్

రియల్‌మి 9 5G స్మార్ట్‌ఫోన్‌ యొక్క స్పెసిఫికేషన్స్ విషయానికి వస్తే ఇది డ్యూయల్-సిమ్ (నానో) స్లాట్ కలిగి ఉండి ఆండ్రాయిడ్ 11 పై మరియు కంపెనీ యొక్క రియల్‌మి UI 2.0 పై రన్ అవుతుంది. ఇది 6.5-అంగుళాల ఫుల్-HD+ డిస్‌ప్లేను 90Hz రిఫ్రెష్ రేట్‌తో మరియు 1,080x2,400 పిక్సెల్‌లు, 600 నిట్‌ల గరిష్ట ప్రకాశంతో కలిగి ఉంది. అలాగే ఇది హుడ్ కింద మీడియాటెక్ డైమెన్సిటీ 810 SoC ద్వారా శక్తిని పొందుతూ గరిష్టంగా 6GB వరకు LPDDR4X RAMతో జత చేయబడింది. ఇంటర్నల్ స్టోరేజ్ ను ఉపయోగించడం ద్వారా అందుబాటులో ఉన్న RAMని 11GB వరకు విస్తరించే సామర్థ్యాన్ని స్మార్ట్‌ఫోన్ అందిస్తుంది. ఆప్టిక్స్ విషయానికి వస్తే స్మార్ట్‌ఫోన్ వెనుక భాగంలో ట్రిపుల్ రియర్ కెమెరా సెటప్‌ను అమర్చబడి ఉంది. ఇందులో 48-మెగాపిక్సెల్ ప్రైమరీ కెమెరా f/1.8 ఎపర్చరు లెన్స్‌తో పాటుగా పేర్కొనబడని మోనోక్రోమ్ పోర్ట్రెయిట్ సెన్సార్ మరియు f/2.4 ఎపర్చర్ లెన్స్‌లతో కూడిన మాక్రో కెమెరా ఉన్నాయి. సెల్ఫీలు మరియు వీడియో కాలింగ్ కోసం ముందు భాగంలో f/2.1 ఎపర్చరు లెన్స్‌తో 16-మెగాపిక్సెల్ సెల్ఫీ కెమెరాను కలిగి ఉంది.

రియల్‌మి 9 5G ఫోన్ 128GB వరకు అంతర్నిర్మిత UFS 2.1 స్టోరేజ్ తో వస్తుంది. దీనిని మైక్రో SD కార్డ్ ద్వారా 1TB వరకు విస్తరించవచ్చు. కనెక్టివిటీ ఎంపికలలో 5G, 4G LTE, Wi-Fi, బ్లూటూత్ v5.1, GPS/ A-GPS ఉన్నాయి. అలాగే ఇందులోని సెన్సార్‌లలో ప్రాక్సిమిటీ సెన్సార్, లైట్ సెన్సార్, గైరోస్కోప్, యాక్సిలెరోమీటర్ మరియు సైడ్-మౌంటెడ్ ఫింగర్ ప్రింట్ సెన్సార్ ఉన్నాయి. Realme 9 5G USB టైప్-C పోర్ట్‌లో 18W క్విక్ ఛార్జ్ సపోర్ట్‌తో 5,000mAh బ్యాటరీతో ప్యాక్ చేయబడి వస్తుంది.

రియల్‌మి 9 5G SE స్పెసిఫికేషన్స్

రియల్‌మి 9 5G SE ఫోన్ యొక్క స్పెసిఫికేషన్స్ విషయానికి వస్తే ఇది డ్యూయల్ సిమ్ (నానో) కలిగి ఉండి ఆండ్రాయిడ్ 11పై మరియు Realme UI 2.0 తో రన్ అవుతుంది. ఈ స్మార్ట్‌ఫోన్‌లో 6.6-అంగుళాల ఫుల్-HD+ (1,080x2,412 పిక్సెల్‌లు) డిస్‌ప్లే 144Hz రిఫ్రెష్ రేట్ మరియు 600 నిట్‌ల గరిష్ట ప్రకాశంతో అమర్చబడి ఉంటుంది. అలాగే ఇది స్నాప్‌డ్రాగన్ 778G SoC ఆధారితం ద్వారా శక్తిని పొందుతూ గరిష్టంగా 8GB RAMతో జత చేయబడి వస్తుంది. ఈ స్మార్ట్‌ఫోన్ కూడా ఉపయోగించని స్టోరేజ్ ని వర్చువల్ RAMని 13GB వరకు విస్తరించడానికి అనుమతిస్తుంది.

Realme 9 5G SE స్మార్ట్‌ఫోన్‌లో ఆప్టిక్స్ విషయానికి వస్తే ఫోన్ వెనుక భాగంలో ట్రిపుల్ కెమెరా సెటప్ ను కలిగి ఉంది. ఇందులో f/1.8 ఎపర్చరు లెన్స్‌తో 48-మెగాపిక్సెల్ ప్రైమరీ కెమెరా, మోనోక్రోమ్ పోర్ట్రెయిట్ సెన్సార్ మరియు f/2.4 ఎపర్చరు లెన్స్‌లతో కూడిన మాక్రో కెమెరాను కలిగి ఉంది. సెల్ఫీలు మరియు వీడియో కాలింగ్ కోసం f/2.1 ఎపర్చరు లెన్స్‌తో 16-మెగాపిక్సెల్ సెల్ఫీ కెమెరాతో వస్తుంది. అలాగే ఇది 128GB వరకు అంతర్నిర్మిత UFS 2.2 స్టోరేజ్ తో వస్తుంది. దీనిని మైక్రో SD కార్డ్ ద్వారా 1TB వరకు విస్తరించవచ్చు. కనెక్టివిటీ ఎంపికలలో 5G, 4G LTE, Wi-Fi, బ్లూటూత్ v5.2, GPS/ A-GPS ఉన్నాయి. హ్యాండ్‌సెట్‌లోని సెన్సార్‌లలో ప్రాక్సిమిటీ సెన్సార్, లైట్ సెన్సార్, గైరోస్కోప్, యాక్సిలెరోమీటర్ మరియు సైడ్-మౌంటెడ్ ఫింగర్ ప్రింట్ సెన్సార్ ఉన్నాయి.అలాగే ఇది USB టైప్-C పోర్ట్‌లో 30W క్విక్ ఛార్జ్ సపోర్ట్‌తో 5,000mAh బ్యాటరీతో ప్యాక్ చేయబడి వస్తుంది.