Realme Narzo 10 Sale: గొప్ప తగ్గింపు ఆఫర్లతో నేడే ప్రారంభం..

| Published: Monday, May 18, 2020, 11:21 [IST]

మీడియాటెక్ హెలియో G80 ప్రాసెసర్‌తో తయారైన మొట్టమొదటి స్మార్ట్‌ఫోన్ రియల్‌మి నార్జో 10. ఈ స్మార్ట్‌ఫోన్ మే 18 ఈ రోజు ఇండియాలో మొదటిసారిగా అమ్మకాలను జరగనున్నాయి. మొదట ఈ రియల్ మి నార్జో 10 సిరీస్ స్మార్ట్‌ఫోన్ లను 2020 మార్చిలో ప్రారంభించాలని చూసారు కానీ మార్చి 24 న ప్రకటించిన దేశవ్యాప్త లాక్డౌన్ కారణంగా రియల్‌మి సంస్థ తన స్మార్ట్‌ఫోన్ సిరీస్ లాంచ్ ను ఆలస్యం చేయవలసి వచ్చింది.

రియల్‌మి సంస్థ ఏప్రిల్ 21 న వీటిని లాంచ్ చేయాలని ప్రకటించడానికి ప్రయత్నించారు కాని దానిని లాక్ డౌన్ పొడగింపు కారణంగా దీనిని మరింత ఆలస్యం చేయవలసి వచ్చింది. చివరికి ఇండియాలో గత వారంలో రియల్‌మి తన రెండు ఫోన్లను లాంచ్ చేసింది. ఇప్పుడు వీటిని ప్రజలు కొనుగోలు చేయడానికి వీలుగా మొదటి సారిగా వీటిని అమ్మకానికి ఉంచింది.

Airtel, Vodafone, Jio: 3GB డేటాతో పాటు అధిక ప్రయోజాలను ఇస్తున్న టెల్కో ఇదే... Airtel, Vodafone, Jio: 3GB డేటాతో పాటు అధిక ప్రయోజాలను ఇస్తున్న టెల్కో ఇదే...

రియల్‌మి నార్జో 10 సేల్స్

రియల్‌మి నార్జో 10 సిరీస్‌లో భాగంగా లాంచ్ అయిన రెండు ప్రీమియం స్మార్ట్‌ఫోన్లు కేవలం ఒకే ఒక స్టోరేజ్ ఆప్షన్‌లో మాత్రమే లాంచ్ అయ్యాయి. ఈ ఫోన్ల యొక్క అమ్మకాలు మొదటిసారిగా ఈ రోజు మధ్యాహ్నం 12:00 గంటలకు రియల్‌మి.కామ్ మరియు ఫ్లిప్‌కార్ట్ ద్వారా షెడ్యూల్ చేయబడింది. ఈ స్మార్ట్‌ఫోన్ల యొక్క సేల్స్ ప్రస్తుతం ఇండియాలో గ్రీన్ మరియు ఆరంజ్ జోన్ లలో మాత్రమే లభిస్తుంది అని ప్రత్యేకంగా చెప్పనవసరం లేదు. రెడ్ జోన్‌లో నివసించే వారు ఈ రోజు అమ్మకం సమయంలో స్మార్ట్‌ఫోన్‌ను కొనుగోలు చేయలేరు.

Realme Smartwatch : స్మార్ట్‌వాచ్‌తో పాటు మరో 8 కొత్త ఉత్పత్తులను లాంచ్ చేస్తున్న సంస్థ Realme Smartwatch : స్మార్ట్‌వాచ్‌తో పాటు మరో 8 కొత్త ఉత్పత్తులను లాంచ్ చేస్తున్న సంస్థ

ధరల వివరాలు

ఇండియాలో రియల్‌మి సిరీస్ ఫోన్లను ఒకే ఒక వేరియంట్‌లలో విడుదల చేసింది. ఇందులో రియల్‌మి నార్జో 10 యొక్క ఏకైక వేరియంట్ 4GB ర్యామ్ + 128GB స్టోరేజ్ వేరియంట్‌ యొక్క ధర రూ.11,999. ఈ స్మార్ట్ ఫోన్ గ్రీన్ మరియు వైట్ కలర్ ఆప్షన్లలో వస్తుంది. అలాగే రియల్‌మి నార్జో 10A కూడా ఒకే ఒక వేరియంట్ లో విడుదల చేసింది. ఇందులో 3GB ర్యామ్ + 32GB స్టోరేజ్ ఆప్షన్‌ యొక్క ధర 8,499 రూపాయలు. దీనిని వినియోగదారులు బ్లూ మరియు వైట్ కలర్ వేరియంట్లలో కొనుగోలు చేయవచ్చు.

స్పెసిఫికేషన్స్

రియల్‌మి 10 సిరీస్‌ ఫోన్లు 6.5-అంగుళాల డిస్ప్లేను (720x1600 పిక్సెల్స్) కలిగి ఉంటాయి. ఇవి హెచ్‌డి + రిజల్యూషన్, 89.8 శాతం స్క్రీన్-టు-బాడీ రేషియో మరియు "మినీ-డ్రాప్" నాచ్ స్టైల్ వంటి ఫీచర్ లను కలిగి ఉన్నాయి. రియల్‌మి నార్జో 10 స్మార్ట్‌ఫోన్ 2.5D గొరిల్లా గ్లాస్ 3 ప్రొటెక్షన్ తో మరియు రియల్‌మి నార్జో 10 A సింపుల్ గొరిల్లా గ్లాస్ 3 ప్రొటెక్షన్ తో వస్తుంది. రియల్‌మి నార్జో 10 మీడియాటెక్ హెలియో G80 SoC తో మరియు 10A స్పోర్ట్స్ మీడియాటెక్ హెలియో G70 SoC తో రన్ అవుతుంది. ఈ రెండు ఫోన్ లు ఆండ్రాయిడ్ 10-ఆధారిత రియల్‌మి UI తో పనిచేస్తాయి.

కెమెరా

రియల్‌మి 10 సిరీస్ ఫోన్ల యొక్క కెమెరాల విషయానికి వస్తే ఈ ఫోన్ క్వాడ్ రియర్ కెమెరా సెటప్‌ను కలిగి ఉంది. దీనిలో f / 1.8 లెన్స్‌తో 48 మెగాపిక్సెల్ ప్రైమరీ సెన్సార్ మరియు ఎఫ్ / 2.25 లెన్స్‌తో 8 మెగాపిక్సెల్ సెకండరీ సెన్సార్ కెమెరాలు ఉన్నాయి. ఇది 119 డిగ్రీల ఫీల్డ్-ఆఫ్-వ్యూను కలిగి ఉంది. కెమెరా సెటప్‌లో ఎఫ్ / 2.4 లెన్స్‌తో 2 మెగాపిక్సెల్ మోనోక్రోమ్ పోర్ట్రెయిట్ సెన్సార్ మరియు ఎఫ్ / 2.4 ఎపర్చర్‌తో 2 మెగాపిక్సెల్ మాక్రో షూటర్ కూడా ఉన్నాయి. అలాగే సెల్ఫీలు మరియు వీడియో కాల్స్ కోసం రియల్‌మి నార్జో 10 ముందువైపు ఎఫ్ / 2.0 లెన్స్‌తో 16 మెగాపిక్సెల్ కెమెరా సెన్సార్‌తో సెల్ఫీ కెమెరా ఉంది. ఈ సెల్ఫీ కెమెరా 30fps ఫ్రేమ్ రేట్ వద్ద HD (720p) వీడియో రికార్డింగ్‌కు మద్దతు ఇస్తుంది. వెనుక కెమెరా సెటప్ ఫుల్ -హెచ్‌డి (1080p) వీడియో రికార్డింగ్‌కు మద్దతు ఇస్తుంది.

కనెక్టివిటీ ఎంపికలు

రియల్‌మి నార్జో 10 సిరీస్ ఫోన్లు 128GB మరియు 64GB ఇంటర్నల్ స్టోరేజ్ మద్దతును కలిగి ఉంటాయి. ఇందులో గల ప్రత్యేకమైన మైక్రో SD కార్డ్ స్లాట్ ద్వారా మెమొరీని మరింత విస్తరించవచ్చు. ఫోన్‌లోని కనెక్టివిటీ ఎంపికల విషయానికి వస్తే 4G ఎల్‌టిఇ, వై-ఫై 802.11 బి / జి / ఎన్, బ్లూటూత్ వి 5.0, జిపిఎస్ / ఎ-జిపిఎస్ మరియు యుఎస్‌బి టైప్-సి పోర్ట్ ఉన్నాయి. బోర్డులోని సెన్సార్లలో యాక్సిలెరోమీటర్, యాంబియంట్ లైట్ సెన్సార్, గైరోస్కోప్, మాగ్నెటోమీటర్ మరియు సామీప్య సెన్సార్ ఉన్నాయి.