రియల్‌మి స్మార్ట్‌ఫోన్‌లను వాడేవారికి గొప్ప శుభవార్త!!!!

VoWiFi లేదా Wi-Fi కాలింగ్ మద్దతు

VoWiFi లేదా Wi-Fi కాలింగ్ మద్దతు రియల్‌మి X2 ప్రోతో ప్రారంభించి మిగిలిన అన్ని రియల్‌మి స్మార్ట్‌ఫోన్‌లకు వై-ఫై కాలింగ్ సపోర్ట్ లభిస్తుందని CEO మాధవ్ షెత్ ధృవీకరించారు. ఇతర రియల్‌మి ఫోన్‌లు ఫిబ్రవరి మరియు మార్చిలో అప్‌డేట్ ను పొందనున్నాయి. ముందుగా ఫిబ్రవరి నెలలో రియల్‌మి ఎక్స్‌2, రియల్‌మి XT, రియల్‌మి X, రియల్‌మి 5 ప్రో, రియల్‌మి 3 ప్రో, రియల్‌మి 5, రియల్‌మి 5i, రియల్‌మి 5S స్మార్ట్‌ఫోన్‌లకు Wi-Fi కాలింగ్ మద్దతు విడుదల అవుతుంది. మార్చి నెలలో రియల్‌మి 2 ప్రో, రియల్‌మి U1, రియల్‌మి1, రియల్‌మి 2, రియల్‌మి 3, రియల్‌మి 3i, రియల్‌మి C1, రియల్‌మి C2 వంటి స్మార్ట్‌ఫోన్‌లకు కొత్త అప్‌డేట్ పొందనున్నది.

రియల్‌మి స్మార్ట్‌ఫోన్‌ల VoWiFi అప్‌డేట్ లిస్ట్

జనవరి 2020

-Realme X2 Pro

ఫిబ్రవరి 2020

-Realme 5 Pro
-Realme 3 Pro
-Realme 5, 5i, 5s
-Realme X2
-Realme XT
-Realme X

మార్చి 2020

-Realme 1
-Realme 2/C1
-Realme C2
-Realme 3/3i
-Realme 2 Pro
-Realme U1

క్వాల్కమ్ సమ్మిట్‌

ఇటీవల ఇండియాలో జరిగిన క్వాల్కమ్ సమ్మిట్‌లో రియల్‌మి సరికొత్త క్వాల్‌కామ్ స్నాప్‌డ్రాగన్ 720G చిప్‌సెట్‌తో స్మార్ట్‌ఫోన్‌ను లాంచ్ చేసిన మొదటి సంస్థ అవుతుందని ప్రకటించింది. క్వాల్‌కామ్ న్యూ డిల్లీలో ఈ కార్యక్రమాన్ని నిర్వహించింది. ఇక్కడ చిప్‌మేకర్ క్వాల్‌కామ్ స్నాప్‌డ్రాగన్ 460, స్నాప్‌డ్రాగన్ 662 మరియు స్నాప్‌డ్రాగన్ 720G లతో సహా మూడు కొత్త మొబైల్ ప్లాట్‌ఫామ్‌లను ఆవిష్కరించింది.

VoWFii ఫీచర్

VoWFii లేదా వాయిస్ ఓవర్ Wi-Fi వినియోగదారులను Wi-Fi నెట్‌వర్క్‌ల ద్వారా కాల్ చేయడానికి అనుమతిస్తుంది. ఈ ఫీచర్ కు ఎటువంటి ప్రత్యేకమైన యాప్ అవసరం లేదు. టెలికాం ఆపరేటర్ సర్వీసు అందుబాటులో ఉన్నందున అనుకూల ఫోన్‌లలో ఈ ఫీచర్ ను ఉపయోగించవచ్చు.

ఎయిర్‌టెల్ & జియో

గత నెలలో ఎయిర్‌టెల్ ఈ ఫీచర్ ను మొట్టమొదటిసారిగా ప్రవేశపెట్టింది. ఇది మొదటిసారి డిల్లీ ఎన్‌సిఆర్‌లో మాత్రమే అందుబాటులోకి వచ్చింది. తరువాత ముంబై, కోల్‌కతా, ఆంధ్రప్రదేశ్, కర్ణాటక, తమిళనాడు వంటి నగరాలలో కూడా ఈ ఫీచర్ ను తీసుకువచ్చింది. వాయిస్ ఓవర్ Wi-Fi ఇప్పుడు పాన్-ఇండియా ప్రాతిపదికన అందుబాటులో ఉంది. జియో కూడా ఈ నెల ప్రారంభంలో VoWiFi కాలింగ్ సేవను దేశవ్యాప్తంగా ప్రారంభించింది. జియో వై-ఫై కాలింగ్ సేవకు 150 కి పైగా హ్యాండ్‌సెట్ మోడల్స్ మద్దతు ఇస్తున్నాయని ముంబైకి చెందిన టెల్కో పేర్కొంది.