Realme Watch 2 Pro ధరలు, 90 రకాల స్పోర్ట్స్ మోడ్ ఫీచర్స్ మీద ఓ లుక్ వేయండి!!

రియల్‌మి వాచ్ 2 ప్రో ధరల వివరాలు

రియల్‌మి అవుట్‌గోయింగ్ మోడల్‌ అప్‌గ్రేడ్‌లలో భాగంగా మలేషియాలో విడుదలైన రియల్‌మి వాచ్ 2 ప్రో యొక్క ధర 299 మలేషియా రింగ్‌గిట్ ను కలిగి ఉంది. ఇండియా యొక్క కరెన్సీ ప్రకారం దీని విలువ సుమారు రూ.5,200. ఇది స్పేస్ గ్రే మరియు మెటాలిక్ సిల్వర్ అనే రెండు కలర్ వేరియంట్‌లలో వస్తుంది. ఈ వాచ్ అనేక మార్కెట్లలో ఇప్పటికే ప్రారంభించిన పాత రియల్‌మి వాచ్ S వలె ఉంటుందని భావిస్తున్నారు. ఈ వాచ్‌లోని వివిధ రకాల రంగులను కూడా ఎంచుకోవచ్చు. అయితే రియల్‌మి దీనిని ఇతర మార్కెట్లలో ప్రారంభించటానికి ఎటువంటి ప్రణాళికలను ఇంకా ప్రకటించలేదు. కాని ఈ ఏడాది చివర్లో కంపెనీ దీనిని భారతదేశంలో ప్రారంభించాలని చూస్తున్నది.

రియల్‌మి వాచ్ 2 ప్రో స్పెసిఫికేషన్స్

రియల్‌మి వాచ్ 2 ప్రో యొక్క స్పెసిఫికేషన్స్ విషయానికి వస్తే ఇది 320 x 285 పిక్సెల్‌లతో 1.7-అంగుళాల పెద్ద LCD డిస్‌ప్లేను కలిగి ఉంటుంది. ఇందులో రియల్‌మి గరిష్టంగా 600 నిట్‌ల ప్రకాశాన్ని అందిస్తుందని సంస్థ తెలిపింది. ఈ వాచ్ IP68 వాటర్ రెసిస్టెన్స్ రేటింగ్‌ను కలిగి ఉండడమే కాకుండా సింగిల్ పవర్ కీని కలిగి ఉంటుంది. అది మెనూ కీగా కూడా పనిచేస్తుంది. ఈ కొత్త స్మార్ట్ వాచ్ 390mAh బ్యాటరీతో ప్యాక్ చేయబడి ఉండి ఒక ఛార్జ్ మీద14 రోజుల వరకు బ్యాటరీ లైఫ్ ను అందించగలదని రియల్‌మి తెలిపింది.

రియల్‌మి వాచ్ 2 ప్రో ఫిట్నెస్ ట్రాకింగ్ ఫీచర్స్

ఫిట్నెస్ ట్రాకింగ్ విభాగంలో వాచ్ కొన్ని అప్డేట్ లను పొందుతుంది. ఇది 90 స్పోర్ట్స్ మోడ్ ట్రాకింగ్లను కలిగి ఉన్నాయి. కాని భవిష్యత్తులో సాఫ్ట్‌వేర్ అప్ డేట్ తో మరిన్ని ఫీచర్స్ అందుబాటులోకి రానున్నాయి. వాచ్ 2 ప్రో సాధారణ దశ మరియు క్యాలరీ ట్రాకర్లతో పాటు ఆప్టికల్ హృదయ స్పందన సెన్సార్ మరియు రక్తంలో ఆక్సిజన్ పర్యవేక్షణ పనితీరును కూడా పొందుతుంది. ఈ వాచ్ మరింత ఖచ్చితమైన డేటా లాగ్‌లతో డ్యూయల్-జిపిఎస్ లొకేషన్ ట్రాకింగ్ సహాయం పొందుతుంది. ఈ రోజుల్లో జిపిఎస్ కనెక్టివిటీని అందించే వివిధ రకాల వాచ్ ల కంటే మెరుగ్గా ఇది వస్తుంది. అవుట్గోయింగ్ మోడల్ మాదిరిగానే రియల్‌మి వాచ్ 2 ప్రో వినియోగదారులను సెట్టింగులను మార్చడానికి మరియు అన్ని ఆరోగ్య డేటాను పర్యవేక్షించడానికి రియల్‌మి లింక్ యాప్ పై ఆధారపడుతుంది.