Realme X7 మ్యాక్స్ 5G లాంచ్ నేడే!! ఈవెంట్ చూడడం ఎలా?

రియల్‌మి X7 మ్యాక్స్ 5G ఆన్ లైన్ లాంచ్‌ ఈవెంట్

రియల్‌మి తన రియల్‌మి X7 మ్యాక్స్ 5G స్మార్ట్‌ఫోన్ మరియు 4K స్మార్ట్‌టీవీల లాంచ్‌ను నేడు అంటే మే 31 న నిర్వహిస్తుంది. ఆన్ లైన్ పద్దతిలో జరిగే ఈ ఈవెంట్ కార్యక్రమం మధ్యాహ్నం 12:30 గంటలకు IST ప్రారంభం కానున్నది. ఇండియాలో ప్రస్తుతం కొనసాగుతున్న COVID-19 మహమ్మారి కారణంగా ఈ కార్యక్రమానికి వ్యక్తి హాజరు ఉండదు. ఇది సంస్థ యొక్క అధికారిక YouTube ఛానెల్ మరియు ఫేస్బుక్ పేజీ ద్వారా ప్రత్యక్ష ప్రసారం చేయబడుతుంది.

రియల్‌మి X7 ప్రో మ్యాక్స్‌ 5G స్మార్ట్‌ఫోన్ స్పెసిఫికేషన్స్

రియల్‌మి X7 ప్రో మ్యాక్స్‌ 5G స్మార్ట్‌ఫోన్ 6.55-అంగుళాల సూపర్ అమోలెడ్ డిస్‌ప్లేను 120HZ రిఫ్రెష్ రేటు‌ మరియు కార్నింగ్ గొరిల్లా గ్లాస్ 5 ప్రొటెక్షన్‌తో కలిగి ఉంది. ఇది 7nm తయారీ ప్రక్రియ ఆధారంగా మీడియాటెక్ డైమెన్సిటీ 1000+ 5G ప్రాసెసర్ ను కలిగి ఉండి ARM మాలి-జి 77MC 9 GPU తో మరియు 8GB ర్యామ్‌, 128GB ఇంటర్నల్ స్టోరేజ్‌తో జత చేయబడి వస్తుంది. ఇది గూగుల్ యొక్క ఆండ్రాయిడ్ 10 ఆపరేటింగ్ సిస్టమ్‌ను కలిగి ఉండి కంపెనీ యొక్క సొంత రియల్‌మి UI స్కిన్‌తో రన్ అవుతుంది. వీటన్నింటి కోసం ఇది 65W ఫాస్ట్ ఛార్జింగ్‌ మద్దతుతో కూడిన 4,500mAh బ్యాటరీతో ప్యాక్ చేయబడి వస్తుంది.

రియల్‌మి X7 ప్రో మ్యాక్స్‌ 5G యొక్క ఆప్టిక్స్ విషయానికొస్తే ఫోన్ వెనుక భాగంలో క్వాడ్-కెమెరా సెటప్‌ను కలిగి ఉంది. ఇందులో 64 మెగాపిక్సెల్ సోనీ IMX682 ప్రైమరీ సెన్సార్, 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ బ్లాక్ అండ్ వైట్ సెన్సార్ మరియు 2 మెగాపిక్సెల్ మాక్రో సెన్సార్ కెమెరాలు జతచేయబడి ఉంటాయి. సెల్ఫీలు మరియు వీడియో కాలింగ్ కోసం ముందు భాగంలో 32 మెగాపిక్సెల్ సెల్ఫీ కెమెరాను కలిగి ఉంది. ఇది 50W సూపర్‌డార్ట్ ఫాస్ట్ ఛార్జింగ్‌ సపోర్ట్ తో వస్తుంది. ఇది 16 నిమిషాల్లో పరికరాన్ని 0 నుండి 50 వరకు ఛార్జ్ చేయగలదని కంపెనీ పేర్కొంది.