ఫేస్‌బుక్‌కు దూరంగా ఉంటే జరిగేది ఇదే..

సవాల్‌

కాగా గత ఏడాది అమెరికాలో మధ్యంతర ఎన్నికలకు ముందు ఫేస్‌బుక్‌కి ఏడాది పాటు దూరంగా ఉంటే వెయ్యి నుంచి రెండు వేల డాలర్లు ఇస్తామంటూ ఎఫ్‌బీ వినియోగదారులకు సవాల్‌ విసిరాయి.

2,844 మంది

డబ్బులకి ఆశపడో, సోషల్‌ మీడియాకు దూరంగా ఉండడమే మంచిదని భావించారో, కారణం ఏదైనా ఎందరో ఔత్సాహికులు ఈ సవాల్‌ స్వీకరించారు. మొత్తం 2,844 మంది ప్రయోగాత్మకంగా తమ ఫేస్‌బుక్‌ అకౌంట్లను నాలుగు వారాల పాటు డీ యాక్టివేట్‌ చేశారు.

అనూహ్య మార్పులు

ఆ సమయంలో వారి నిత్య జీవితంలో ఎలాంటి అనూహ్య మార్పులు వచ్చాయో ఆ అధ్యయనం వెల్లడించింది. ఆ అధ్యయనం వివరాలను సోషల్‌ సైన్స్‌ రీసెర్చ్‌ నెట్‌వర్క్‌ ప్రచురించింది. దూరంగా ఉండటం వల్ల బంధు మిత్రులతో హాయిగా గడిపటం, ఆన్‌లైన్‌లో ఇతర ఉపయోగకరమైన వెబ్‌సైట్లు చదివి పరిజ్ఞానాన్ని పెంచుకోవడం, రోజులో గంట సేపు ఖాళీ సమయం దొరకడం లాంటివి చేశారట.

వీటికి దూరంగా ..

ఇంకా రాజకీయపరమైన భావోద్వేగాలను నియంత్రించుకోగలిగారు. నకిలీ వార్తలకు బదులుగా బయట ప్రపంచంలో జరుగుతున్న నిజాలు తెలుసుకొని నిష్పక్షపాతంగా ఆలోచించే నేర్పు వచ్చింది. మానసిక ఒత్తిడికి దూరమై జీవితం పట్ల ఓ రకమైన సంతృప్తి కలిగింది. పుస్తకాలు చదవడం, సంగీతం వినడం, టీవీ చూడడం వంటి పాత అభిరుచుల వైపు మళ్లీ ఆసక్తి కలిగిందని వారు తెలిపారు.

అలవాటు మానుకోలేకపోయారు

సర్వేలో పాల్గొన్నవారిలో 25-40 శాతం మంది ఫేస్‌బుక్‌ అలవాటు మానుకోలేక మొదటి వారంలో తీవ్ర మానసిక ఒత్తిడికి లోనయ్యారు. దీంతో అధ్యయనకారులు వారికి కౌన్సెలింగ్‌ ఇవ్వాల్సి వచ్చింది. అలా ఒత్తిడికి లోనైనవారందరినీ ఒకేచోటకి చేర్చి దేనికైనా బానిసలుగా మారడం మంచిది కాదంటూ పాఠాలు చెప్పాల్సి వచ్చిందని అధ్యయనం తెలిపింది.

నెలరోజులు ఎఫ్‌బీకి దూరంగా ఉంటే

నెలరోజుల పాటు ఫేస్‌బుక్‌ వైపు కూడా ముఖం చూడని వారిని మరో నెలరోజులు ఎఫ్‌బీకి దూరంగా ఉంటే మీకు ఎంత డబ్బులివ్వాలి అని అడిగితే వందలోపు డాలర్లు ఇచ్చినా సరే హాయిగా ఫేస్‌బుక్‌ని వదిలేస్తామంటూ సమాధానం ఇవ్వడం విశేషం.