Redmi 9 Prime బడ్జెట్ స్మార్ట్‌ఫోన్‌ కొనుగోలుకు సరైన సమయం!!!

Published: Monday, August 17, 2020, 11:46 [IST]

ఇండియా యొక్క స్మార్ట్‌ఫోన్‌ మార్కెట్ లో చైనా సంస్థ షియోమి అతి తక్కువ కాలంలోనే మంచి గుర్తింపును సాధించింది. బడ్జెట్ ధరలో స్మార్ట్‌ఫోన్‌లను సంస్థ విడుదల చేస్తున్నది. ఈ కోవలోనే గత నెలలో రెడ్‌మి 9 ప్రైమ్ స్మార్ట్‌ఫోన్‌ను విడుదల చేసింది. ఈ ఫోన్ యొక్క అమ్మకాలు నేడు ఇండియాలో మొదలుకానున్నాయి. ఈ ఫోన్ యొక్క మొదటి సేల్ అమెజాన్ ప్రైమ్ డే సేల్ సమయంలో మొదలయ్యాయి. కానీ ఇప్పుడు ఈ ‌ఫోన్‌ను Mi.కామ్ మరియు అమెజాన్ ఇండియా రెండింటి ద్వారా కొనుగోలు చేయవచ్చు.

రెడ్‌మి 9 ప్రైమ్ సేల్ వివరాలు

రెడ్‌మి 9 ప్రైమ్ స్మార్ట్‌ఫోన్ వాటర్‌డ్రాప్-స్టైల్ నాచ్ డిస్‌ప్లే, మీడియాటెక్ హెలియో G80 SoC, క్వాడ్ రియర్ కెమెరా సెటప్‌, మౌంటెడ్ ఫింగర్ ప్రింట్ సెన్సార్, మరియు 18W ఫాస్ట్ ఛార్జ్ సపోర్ట్‌తో 5,020mAh బ్యాటరీని కలిగి ఉన్న ఈ ఫోన్ రూ.9,999 ధర వద్ద లభిస్తుంది. ఈ ఫోన్ గురించి మరిన్ని వివరాలు తెలుసుకోవడానికి ముందుకు చదవండి.

రెడ్‌మి 9 ప్రైమ్ ధరల వివరాలు

రెడ్‌మి 9 ప్రైమ్ స్మార్ట్‌ఫోన్‌ ఇండియాలో రెండు వేరియంట్‌లలో లభిస్తుంది. ఇందులో 4GB ర్యామ్ + 64GB స్టోరేజ్ వేరియంట్‌ ధర రూ.9,999 కాగా 4GB ర్యామ్ + 128GB స్టోరేజ్ ఆప్షన్‌ ధర రూ.11,999. ఈ రెండు మోడల్స్ స్పేస్ బ్లూ, మింట్ గ్రీన్, మాట్టే బ్లాక్ మరియు సన్‌రైజ్ ఫ్లేర్ వంటి నాలుగు కలర్ ఆప్షన్లలో లభిస్తాయి.

రెడ్‌మి 9 ప్రైమ్ 6.53-inch డిస్‌ప్లే,

రెడ్‌మి 9 ప్రైమ్ స్మార్ట్‌ఫోన్‌ 6.53-అంగుళాల ఫుల్-హెచ్‌డి + డిస్‌ప్లేను 19.5: 9 కారక నిష్పత్తితో మరియు 394ppi పిక్సెల్ డెన్సిటీతో 400 నిట్స్ బ్రైట్ నెస్ తో వస్తుంది. ఇది ఆరా 360 డిజైన్ మరియు అలల ఆకృతిని కలిగి ఉండి 3D యూనిబోడీ డిజైన్‌ను కలిగి ఉంది. ఈ స్మార్ట్‌ఫోన్‌ ఆక్టా-కోర్ మీడియాటెక్ హెలియో G80 ప్రాసెసర్ మరియు మాలి-G52 GPU మద్దతుతో వస్తుంది. ఇందులో గల మైక్రో SD కార్డ్ స్లాట్‌ ద్వారా మెమొరిని మరింత విస్తరించవచ్చు.

రెడ్‌మి 9 ప్రైమ్ క్వాడ్ రియర్ కెమెరా సెటప్

రెడ్‌మి 9 ప్రైమ్‌ స్మార్ట్‌ఫోన్‌ వెనుక భాగంలో క్వాడ్ రియర్ కెమెరా సెటప్ ను కలిగి ఉంది. ఇందులో ఎఫ్ / 2.2 ఎపర్చరుతో 13మెగాపిక్సెల్ మెయిన్ కెమెరా, ఎఫ్ / 2.2 ఎపర్చర్‌తో 8 మెగాపిక్సెల్ అల్ట్రా-వైడ్ కెమెరా మరియు ఎఫ్ / 2.4 ఎపర్చర్‌తో 5 మెగాపిక్సెల్ మాక్రో షూటర్ కెమెరా మరియు ఎఫ్ / 2.2 ఎపర్చర్‌తో 2 మెగాపిక్సెల్ డీప్ సెన్సార్ కెమెరాలు అమర్చబడి ఉన్నాయి. అలాగే ఫోన్ యొక్క ముందు భాగంలో ఎఫ్ / 2.0 ఎపర్చర్‌తో 8 మెగాపిక్సెల్ సెల్ఫీ కెమెరాను కలిగి ఉంది.

రెడ్‌మి 9 ప్రైమ్ 5,020mAh బ్యాటరీ

షియోమి యొక్క కొత్త రెడ్‌మి ఫోన్ 18W ఫాస్ట్ ఛార్జింగ్ సపోర్ట్‌తో 5,020mAh బ్యాటరీతో ప్యాక్ చేయబడి వస్తుంది. కానీ ఇది 10W ఛార్జర్‌తో మాత్రమే బ్యాటరీని ఛార్జ్ చేస్తుంది. ఫోన్ యొక్క కనెక్టివిటీ విషయానికి వస్తే ఇది డ్యూయల్ 4G VoLTE, Wi-Fi 802.11 a / b / g / n / ac, బ్లూటూత్ 5.0, వై-ఫై డైరెక్ట్, FM రేడియో, NFC, GPS, AGPS మరియు ఇన్‌ఫ్రారెడ్ సెన్సార్‌లకు మద్దతు ఇస్తుంది. వెనుక భాగంలో ఫింగర్ ప్రింట్ సెన్సార్ అమర్చబడి ఉంది. అలాగే 3.5mm ఆడియో జాక్ మరియు USB టైప్-సి పోర్ట్ కూడా ఉన్నాయి.