రెడ్‌మి నోట్ 8 (2021) కొత్త ఫోన్ ఫీచర్స్ లీక్ అయ్యాయి!! మీరు ఓ లుక్ వేయండి..

షియోమి తన గ్లోబల్ లాంచ్‌కు ముందే రెడ్‌మి నోట్ 8 (2021) యొక్క ముఖ్య ఫీచర్స్ మరియు డిజైన్ వివరాలను ట్విట్టర్‌ ద్వారా వెల్లడించింది. షియోమి తెలిపిన వివరాల ప్రకారం రెడ్‌మి నోట్ 8 (2021) మూడు వైపులా సన్నని బెజెల్స్‌ నిర్మాణంను కలిగి ఉండి దిగువ భాగాన వాటర్‌డ్రాప్ తరహా గీతను కలిగి ఉంది. ఈ ఫోన్ వైట్ మరియు బ్లూ వంటి రెండు కలర్ లలో వస్తుంది. టీజర్‌లో చూసినట్లుగా బోర్డులో వెనుకవైపున ఫింగర్ ప్రింట్ సెన్సార్ ఉంది. ఈ ఫోన్‌లో కూడా 2019 రెడ్‌మి నోట్ 8 మాదిరిగానే క్వాడ్ కెమెరా సెటప్ ను కలిగి ఉంటుంది.

రెడ్‌మి నోట్ 8 (2021) యొక్క టీజర్‌లో చూపిన నాలుగు కెమెరాలు ఒకదానికొకటి పొడుగుచేసిన క్యాప్సూల్ ఆకారపు కెమెరా మాడ్యూల్‌లో ఉంచబడ్డాయి అలాగే వీటి పక్కన ఫ్లాష్ కూడా ఉంది. రెడ్మి నోట్ 8 (2021) క్వాడ్ కెమెరా సెటప్‌లో 48 మెగాపిక్సెల్ మెయిన్ కెమెరాను కలిగి ఉంటుందని టీజర్స్ పేర్కొన్నాయి. ఈ ఫోన్ 6.3-అంగుళాల డిస్‌ప్లేను కలిగి ఉంది.

రెడ్‌మి నోట్ 8 (2021) యొక్క ఇటీవలి టీజర్ ప్రకారం ఈ ఫోన్‌ మీడియాటెక్ హెలియో G85 ఆక్టా-కోర్ Soc ద్వారా శక్తినిపొందుతుంది అని పేర్కొంది. ఇది క్వాల్‌కామ్ స్నాప్‌డ్రాగన్ 665 SoC చేత శక్తినిచ్చే 2019 మోడల్ కంటే భిన్నంగా ఉంటుంది. ఇప్పుడు చాలా టీజర్లు విడుదల కావడంతో ఇది త్వరలోనే లాంచ్ అయ్యే అవకాశం ఉంది.